சீற்றா

சீற்றா (Zeta, கிரேக்கம்: ζήτα) அல்லது சீட்டா (தமிழக வழக்கு) என்பது கிரேக்க நெடுங்கணக்கின் ஆறாவது எழுத்து ஆகும். கிரேக்க எண்களில் இவ்வெழுத்தானது ஏழு என்ற பெறுமானத்தை உடையது. பினீசிய எழுத்தான சயினிலிருந்தே () சீற்றா பெறப்பட்டது. சீற்றாவிலிருந்து தோன்றிய எழுத்துகள் உரோம எழுத்து Z, சிரில்லிய எழுத்து З என்பனவாகும்.

கிரேக்க நெடுங்கணக்கு
Αα	அல்ஃபா	Νν	நியூ
Ββ	பீற்றா	Ξξ	இக்சய்
Γγ	காமா	Οο	ஒமிக்ரோன்
Δδ	தெலுத்தா	Ππ	பை
Εε	எச்சைலன்	Ρρ	உரோ
Ζζ	சீற்றா	Σσς	சிகுமா
Ηη	ஈற்றா	Ττ	உட்டோ
Θθ	தீற்றா	Υυ	உப்சிலோன்
Ιι	அயோற்றா	Φφ	வை
Κκ	காப்பா	Χχ	கை
Λλ	இலமிடா	Ψψ	இப்சை
Μμ	மியூ	Ωω	ஒமேகா
அநாதையாய்
Ϝϝ	டிகாமா	Ϟϟ	கோப்பா
Ϛϛ	சிடீகுமா	Ϡϡ	சாம்பை
Ͱͱ	ஹஈற்றா	Ϸϸ	உஷோ
Ϻϻ	சான்

பெயர்

ஏனைய கிரேக்க எழுத்துகளைப் போல் இவ்வெழுத்து பினீசிய எழுத்தின் பெயரிலிருந்து தனது பெயரை எடுக்கவில்லை. பீற்றா, ஈற்றா, தீற்றா என்பன போன்ற ஒலியுடன் சீற்றா என்ற பெயரைப் பெற்றுள்ளது.

சீற்றா என்பது உரோம எழுத்து Zஐக் குறிக்கவும் பயன்படுத்தப்படுகின்றது.

பயன்பாடுகள்

எண்

கிரேக்க எண்களில், அல்ஃபா, பீற்றா, காமா, தெலுத்தா, எச்சைலன் முதலியவை முறையே ஒன்று, இரண்டு, மூன்று, நான்கு, ஐந்து ஆகிய பெறுமானங்களைக் குறி்த்தாலும் சீற்றா என்பது வேறுபட்டு ஏழு என்ற பெறுமானத்தையே குறிக்கிறது. திகம்மா என்ற எழுத்தே ஆறு என்ற பெறுமானத்தை உடையது.

கணிதம்

கணிதத்தில் இரீமன் சீற்றாச் சார்பியத்தைக் குறிப்பதற்குச் சீற்றா பயன்படுத்தப்படுகின்றது.

வானியல்

சீற்றாப் புயல் எனும் பெயர் 2005 அத்திலாந்திக்குப் புயற்காலநிலையின்போது பயன்படுத்தப்பட்டது.