செனோவா
செனோவா (ஜெனோவா, Genoa, /ˈdʒɛnoʊ.ə/; இத்தாலியம்: Genova, இலிகுரியா Zena; இலத்தீன்: Genua)இத்தாலியின் ஆறாவது பெரிய நகரமும் இலிகுரியாவின் தலைநகரமும் ஆகும். 243.6 km2 (94 sq mi) பரப்பளவுள்ள இதன் மக்கள்தொகை 594,904 ஆகும்.[1] செனோவாவின் நகரியப் பகுதியில் மக்கள்தொகை 800,709 ஆக உள்ளது.[2] 1.5 மில்லியனுக்கும் கூடுதலான[2] மக்கள் பெருநகர்ப் பகுதியில் வாழ்கின்றனர். நடுநிலக் கடல் பகுதியிலுள்ள பெரிய ஐரோப்பிய நகரங்களில் செனோவாவும் ஒன்று. இத்தாலியின் மிகப்பெரும் துறைமுகமாக விளங்குகிறது.
| செனோவா ஜெனோவா | |
|---|---|
| கொம்யூன் | |
| கம்யூன் டி ஜெனோவா | |
 செனோவா படிமத்தொகுப்பு, மேல் இடதிலிருந்து வலச்சுற்றாக: செனோவா கலங்கரைவிளக்கம், பியாசா டெ பெர்ராரி, கல்லேரியா மாஸ்னி, பிரிகடா இலிகுரியா சாலை, செனோவா துறைமுகத்திலிருந்து சான் தியோடொரோ காட்சி | |
 கொடி  சின்னம் | |
| நாடு | இத்தாலி |
| மண்டலம் | இலிகுரியா |
| மாகாணம் | செனோவா (GE) |
| அரசு | |
| • நகரத் தந்தை | மார்கோ டோரியா |
| பரப்பளவு | |
| • மொத்தம் | 243.60 km2 (94.05 sq mi) |
| ஏற்றம் | 20 m (70 ft) |
| மக்கள்தொகை (30 ஏப்ரல் 2014) | |
| • மொத்தம் | 5,94,904 |
| இனங்கள் | செனோவாசி |
| நேர வலயம் | CET (ஒசநே+1) |
| • கோடை (பசேநே) | CEST (ஒசநே+2) |
| அஞ்சல் குறியீடு | 16121-16167 |
| Dialing code | 010 |
| பாதுகாவல் புனிதர் | திருமுழுக்கு யோவான் |
| புனிதர் நாள் | சூன் 24 |
| இணையதளம் | அதிகாரப்பூர்வ இணையதளம் |
இதன் பழமைவாய்ந்த சிறப்பையும் கவர்ச்சியான இடங்களையும் கருதி செனோவா லா சூப்பர்பா ("பெருமைமிகு ஒன்று") என அழைக்கப்படுகின்றது.[3] தொன்மையான பழைய செனோவாப் பகுதி 2006இல் உலகப் பாரம்பரியக் களங்களில் ஒன்றாக ஏற்றுக்கொள்ளப்பட்டுள்ளது . இந்நகரத்தின் கலை, இசை, சமையல், கட்டிடக்கலை மற்றும் வரலாற்றுச் சிறப்புகளால் 2004ஆம் ஆண்டு ஐரோப்பிய பண்பாட்டு தலைநகரமாக தேர்ந்தெடுக்கப்பட்டது. கொலம்பசு, நிக்கோலோ பாகானீனி ஆகியோரின் பிறந்த ஊர் இதுவாகும்.
இத்தாலியின் வடமேற்கில் மிலன்-துரின்-செனோவா தொழில் முக்கோணத்தில் அமைந்துள்ள செனோவா நாட்டின் முதன்மை பொருளியல் மையமாக விளங்குகின்றது.[4][5] இங்கு 19வது நூற்றாண்டிலிருந்தே பெரிய கப்பற் கட்டும் தொழிலகங்களும் இரும்புச்சாலைகளும் அமைந்துள்ளன; செனோவாவின் வங்கித்தொழில் நடுக்காலத்திலிருந்தே வலுவாக உள்ளது. 1407இல் நிறுவப்பட்ட செயின்ட் ஜார்ஜ் வங்கி உலகின் மிகப்பழைய வங்கிகளுள் ஒன்றாகும். செனோவா நகரத்தின் வளமைக்கு 15வது நூற்றாண்டிலிருந்தே இந்த வங்கி துணையாயிருந்திருக்கிறது.[6][7] இன்று பல இத்தாலிய முன்னணி நிறுவனங்கள் இங்கிருந்து செயல்படுகின்றன: செலக்சு ஈஎஸ்,[8] அன்சால்டோ எனர்ஜியா,[9] அன்சால்டோ எசுடீஎசு, எடுவார்டோ ராஃபினெரி கர்ரோன், பியாஜியோ ஏரோ அவற்றுள் சிலவாம்.
மேற்சான்றுகள் தொகு
- ↑ Population data from Istat
- ↑ 2.0 2.1 Urbanismi in Italia, 2011
- ↑ "Genoa: a bloody history, a beguiling present | Italy". London: Times Online. 2004-04-25. http://www.timesonline.co.uk/tol/travel/destinations/italy/article844402.ece. பார்த்த நாள்: 2009-04-11.
- ↑ ‘Genoa Economy’ பரணிடப்பட்டது 2010-06-13 at the வந்தவழி இயந்திரம், World66.com.
- ↑ ‘Italy: Industry’, Encyclopedia of the Nations, Advameg, Inc.
- ↑ George Macesich, Issues in money and banking, (Greenwood Publishing Group, 2000), p. 42.
- ↑ Alta Macadam, Northern Italy: From the Alps to Bologna, Blue Guides, 10th edn. (London: A. & C. Black, 1997).
- ↑ ‘Selex ES: Company profile’ LinkedIn Corporation.
- ↑ ‘Ansaldo Energia: Company profile’ LinkedIn Corporation.