டபிள்யூடி1190எஃப்

டபிள்யூடி1190எஃப் (WT1190F, UDA34A3 அல்லது UW8551D) என்பது விண்வெளிக் கழிவு என நம்பப்படும் புவியின் ஒரு தற்காலிக செயற்கைக் கோள் ஆகும்.[3] இவ்வான்பொருள் புவியின் வளிமண்டலத்துள் 2015 நவம்பர் 13 06:18:34.3 (±1.3 செக்) ஒசநே அளவில் நுழைந்தது.[4]

டபிள்யூடி1190எஃப்
WT1190F
இலங்கையின் வளிமண்டலத்துள் WT1190F
கண்டுபிடிப்பு
கண்டுபிடித்தவர்(கள்) லெமன் குன்று ஆய்வு (ஜி96),
கட்டலினா ஸ்கை ஆய்வு (703)
கண்டுபிடிப்பு நாள் 2013/02/18
2013/11/29
2015/10/03
2015/11/13
பெயர்க்குறிப்பினை
சிறு கோள்
பகுப்பு
தூரத்து செயற்கைக் கோள் (டிச 2012 இற்கு முன்னர் முதல் நவ 2015)
காலகட்டம்2015-Oct-03 (யூநா 2457298.5)
சுற்றுப்பாதை அண்மை முனைப்புள்ளி 21,221.83 கிமீ (0.055 சந்திர தூரம், 3.33 பிஆ)
சுற்றுப்பாதை சேய்மை முனைப்புள்ளி655,370.89 கிமீ (1.704 சதூ, 102.75 புஆ)
அரைப்பேரச்சு 338,296.36 கிமீ (0.880 சதூ, 53.04 புஆ)
மையத்தொலைத்தகவு 0.9372685
சுற்றுப்பாதை வேகம் 22.66 நாட்கள்
சராசரி பிறழ்வு 6.19095°
சாய்வு 3.19670°
Longitude of ascending node 311.55613°
Time of periastron 2015/10/02 14:39:00
Argument of perihelion 314.04406°
இது எதன் துணைக்கோள் புவி
சிறப்பியல்பு
பரிமாணங்கள் 0.7-3.3 மீ
அடர்த்தி ~0.1 கி/செமீ³[2]
தோற்ற ஒளிர்மை ~16-23
விண்மீன் ஒளிர்மை 31.3

இது முதன் முதலில் 2013 பெப்ரவரி 18 இல் கண்டுபிடிக்கப்பட்டது.[2][5] இது பின்னர் காணாமல் போய், மீண்டும் 2013 நவம்பர் 29 இல் தோன்றியது. பின்னர் 2015 அக்டோபர் 3 அன்று காணப்பட்டது. ஆரம்பக்கட்டக் கணக்கீட்டின் படி, இது புவியை நீள்வட்டப் பாதையில் சுற்றி வருகிறது.[1]

டபிள்யூடி1190எஃப் எனும் இப்பொருள் 2013 ஆம் ஆண்டு முதல் பூமியை ஒரு தற்காலிகச் செயற்கைக்கோளாகச் சுற்றி வருகிறது. இது எந்தவொரு தெரிந்த செயற்கைக்கோளாகவும் அடையாளம் காணப்படாவிடினும், இதன் கணக்கிடப்பட்ட அடர்த்தி 0.1 கி/செமீ³ என்ற பெறுமதி ஒரு இயற்கைப் பொருளின் அடர்த்தியை விட மிகக் குறைவானதாக உள்ளது. இதனால், ஐரோப்பிய விண்வெளி நிறுவனம் இது ஒரு எரிபொருள் தொட்டி போன்ற ஒன்றாக இருக்கலாம் என்ற முடிவுக்கு வந்தது.[2][5]

பல்வேறு அவதானிப்புகளை அடுத்து, இப்பொருள் 2015 நவம்பர் 13 கிட்டத்தட்ட 06:20 ஒசநே (11:50 உள்ளூர் நேரம்) அளவில் இலங்கையின் தெற்குப் பகுதியில் புவியை மோதும் என ஐரோப்பிய வானியலாளர்கள் கணித்தனர்.[2][5] இலங்கையில் உள்ள ஆர்தர் சி. கிளார்க் நிலையம் இப்பொருள் அம்பாந்தோட்டையில் இருந்து தெற்கே 100 கிமீ தொலையில் உள்ள கடற்பகுதியில் மோதும் என எதிர்வு கூறியது.[6] இப்பொருள் மிகச் சிறியதாக இருப்பதால், புவியில் மோத முன்னரே இதன் பெரும்பாலான பகுதியோ அல்லது முழுவதுமோ வளிமண்டலப் பகுதியில் எரிந்து விடும், ஆனாலும் இது ஒரு பிரகாசமான எரிகோளமாக வானில் தெரியும் எனக் கூறப்பட்டது..[2][5]

டபிள்யூடி1190எஃப் விண்பொருள் புவியின் வளிமண்டபத்துள் செக்கனுக்கு 11 கிமீ வேகத்தில் நுழைந்தது.[7] இவ்விண்பொருளில் இருந்து எஞ்சிய சிதிலங்கள் அனைத்தும் இலங்கையின் காலி நகருக்கு 100 கிமீ தூரத்தில் இந்தியப் பெருங்கடலில் வீழ்ந்திருக்கலாம் என நம்பப்படுகிறது.[8] பன்னாட்டு வானியல் மையம் மற்றும் ஐக்கிய அரபு அமீரக விண்வெளி நிறுவனம் இரண்டும் கூட்டாக கல்ஃப்ஸ்ட்ரீம் 450 ஜெட் வானூர்தி மூலம் இவ்விண்பொருளின் வருகையை வானில் இருந்து அவதானித்தன.[9] பன்னாட்டு வானியலாளர்கள் அடங்கிய வானக அவதானிப்புக் குழு டபிள்யூடி1190எஃப் விண்பொருள் புவியின் வளிமண்டலத்துள் நுழையும் காட்சியை வெற்றிகரமாகக் காணொளி மூலம் பதிவாக்கியது.[4][10]

மோதுகை அணுகல்[11]
நாள் vmag தூரம்
(கிமீ)
வேகம்
பூமி சார்பாக
(கிமீ/செ)[12]
05 20.8 602399 0.2
08 20.5 524608 0.5
10 20.0 420800 0.8
11 19.6 345999 1.0
12 19.0 246196 1.4
13 17.1 89914 2.8
மோதுகை ~ -3 0 11.3

மேற்கோள்கள் தொகு

  1. 1.0 1.1 Gray, Bill. "Pseudo-MPC for UDA34A3 = UW8551D = WT1190F". Project Pluto. பார்க்கப்பட்ட நாள் 23 October 2015.
  2. 2.0 2.1 2.2 2.3 2.4 "WT1190F comes back: ESA NEOCC watching rare reentry". Minor Planet Mailing List. பார்க்கப்பட்ட நாள் 24 October 2015.
  3. Watson, Traci (23 October 2015). "Incoming space junk a —scientific opportunity". Nature News. http://www.nature.com/news/incoming-space-junk-a-scientific-opportunity-1.18642. பார்த்த நாள்: 2015-10-29. 
  4. 4.0 4.1 "Rapid Response to the next TC3 Consortium". SETI Institute. பார்க்கப்பட்ட நாள் 2015-11-10.
  5. 5.0 5.1 5.2 5.3 Wood, Chris (2015-10-23). "ESA to study rare rocket body reentry to improve predictive models". Gizmag.com. http://www.gizmag.com/esa-rocket-reentry-observations/40021/. பார்த்த நாள்: 2015-10-27. 
  6. "Space junk could fall 100km south H'tota". டெய்லிமிரர். 29 அக்டோபர் 2015. பார்க்கப்பட்ட நாள் 29 அக்டோபர் 2015.
  7. "ESA SPONSORS WT1190F OBSERVATIONS". esa blog. 30 அக்டோபர் 2015. பார்க்கப்பட்ட நாள் 2015-11-10.
  8. "Reentry data will help improve prediction models". European Space Agency. Archived from the original on 2015-11-02. பார்க்கப்பட்ட நாள் 2015-11-02.
  9. Al-Ashi, Sameh (4 நவம்பர் 2015). "UAE sponsors airborne campaign to observe November 13 entry of space debris WT1190F". IAC. பார்க்கப்பட்ட நாள் 8 நவம்பர் 2015.
  10. King, Bob (13 நவம்பர் 2015). "Spectacular Breakup of WT1190F Seen by Airborne Astronomers". Universe Today. பார்க்கப்பட்ட நாள் 13 நவம்பர் 2015.
  11. The Distant Artificial Satellites Observation Page
  12. Ephemeris (VmagOb value "Table setting #22")
"https://ta.wikipedia.org/w/index.php?title=டபிள்யூடி1190எஃப்&oldid=3556413" இலிருந்து மீள்விக்கப்பட்டது