திருவாரூர் வட்டம்
திருவாரூர் வட்டம் , தமிழ்நாட்டின் திருவாரூர் மாவட்டத்தில் உள்ள ஏழு வருவாய் வட்டங்களில் ஒன்றாகும்.[1] இந்த வட்டத்தின் தலைமையகமாக திருவாரூர் நகரம் உள்ளது. இந்த வட்டத்தின் கீழ் 68 வருவாய் கிராமங்கள் உள்ளன.[2]
இவ்வட்டத்தில் திருவாரூர் ஊராட்சி ஒன்றியம் மற்றும் திருவாரூர் தியாகராஜர் கோயில் உள்ளது.
மக்கள்தொகை பரம்பல் தொகு
2011-ஆம் ஆண்டு மக்கள் தொகை கணக்கெடுப்பின்படி இவ்வட்டம் 151,696 மக்கள்தொகை கொண்டது. மக்கள்தொகையில் 74,805 ஆண்களும், 76,891 பெண்களும் உள்ளனர். 39,243 குடும்பங்கள் கொண்ட இவ்வட்ட மக்கள்தொகையில் 61.6% கிராமப்புறங்களில் வாழ்கின்றனர். இவ்வட்டத்தின் எழுத்தறிவு 87.21% மற்றும்பாலின விகிதம் 1,000 ஆண்களுக்கு, 1,028 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 15298 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 983 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 48,887 மற்றும் 463 ஆகவுள்ளனர். மக்கள்தொகையில் இந்துக்கள் 87.78%, இசுலாமியர்கள் 9.91%, கிறித்தவர்கள் 2.23% மற்றும் பிறர் 0.08% ஆகவுள்ளனர்.[3]