துணை இயந்திரத் துப்பாக்கி
துணை இயந்திரத் துப்பாக்கி அல்லது உப இயந்திரத் துப்பாக்கி (submachine gun [SMG]) என்பது சிறு கைத்துப்பாக்கி வெடியுறைகளைச் சுடுவதற்காக உருவாக்கப்பட்ட வளி குளிராக்கல், தாளிகை மூலம் வழங்கும், தானியக்க குறும்மசுகெத்து ஆகும். ஆங்கிலத்தில் வழங்கப்படும் சொல்லான "submachine gun" என்பது தொம்சன் துணை இயந்திரத் துப்பாக்கி கண்டுபிடிப்பாளரான யோன் ரி. தொம்சன் என்பவரால் அறிமுகப்படுத்தப்பட்டது.[1]
முதல் உலகப் போர் (1914–1918) காலத்தில் துணை இயந்திரத் துப்பாக்கி உருவாக்கப்பட்டது. இரண்டாம் உலகப் போர் (1939–1945) காலத்தில் அது உச்சநிலையை அடைந்து, மில்லியன் கணக்கில் அவை உருவாக்கப்பட்டன. போரின் பின் புதிய வடிவமைப்புக்கள் கிட்டத்தட்ட ஒவ்வொரு வாரமும் வெளியாகின.[2] ஆயினும், 1980 களில் அது குறைவடைந்தது.[2] இன்று, தாக்குதல் நீள் துப்பாக்கி துணை இயந்திரத் துப்பாக்கிகளுக்கு மாற்றீடாக அமைந்து,[2] பாரிய தாக்க எல்லை உடையதாகவும் தற்கால காலாட் படையினர் பயன்படுத்தும் தலைக்கவசம், உடற்கவசம் ஆகியவற்றை துளைக்கக் கூடியதாகவும் உள்ளது.[3] ஆயினும், துணை இயந்திரத் துப்பாக்கிகள் சில சிறப்பு படைகளினால் பயன்படுத்தப்படுகிறது. அவற்றின் சிறிய அளவு, ஒலிக் குறைப்பு என்பவற்றால் அவை இன்னும் பயன்படுத்தப்படுகிறது.
உசாத்துணை தொகு
- ↑ "The Thompson submachine gun: shooting a 20th century icon. - Free Online Library".
- ↑ 2.0 2.1 2.2 Military Small Arms Of The 20th Century. Ian Hogg & John Weeks. Krause Publications. 2000. p93
- ↑ "Submachine Guns (SMG's): Outpaced by Today's Modern Short-Barreled Rifles (SBR's)/Sub-Carbines, or Still a Viable Tool for Close Quarters Battle/Close Quarters Combat (CQB/CQC)?".
வெளி இணைப்புகள் தொகு
