நீட் மாகாணம்

நீட் மாகாணம் (Niğde Province, துருக்கியம்: Niğde ili ) என்பது துருக்கியின் மத்திய அனடோலியாவின் தெற்கு பகுதியில் உள்ள ஒரு மாகாணமாகும் . இந்த மாகாணத்தின் மக்கள் தொகையானது 341,412 (2013 மதிப்பீட்டின் படி) இதில் 141,360 பேர் நீட் நகரில் வாழ்கின்றனர். 2000 ஆம் ஆண்டில் மக்கள் தொகை 348,081 ஆகவும் 1990 ல் 305,861 ஆகவும் இருந்தது. இது 7,312 பரப்பளவைக் கொண்டுள்ளது   கிமீ ² . இதன் அண்டை மாகாணங்களாக கெய்சேரி, அதானா, மெர்சின், கொன்யா, அக்சராய் மற்றும் நெவஹிர் ஆகியவை ஆகும்.

நீட் மாகாணம் Niğde ili
துருக்கியியன் மாகாணங்கள்
Location of Niğde Province in Turkey
நாடு	துருக்கி
பிராந்தியம்	Central Anatolia
Subregion	Kırıkkale
அரசு
• Electoral district	Niğde
பரப்பளவு
• மொத்தம்	7,312 km2 (2,823 sq mi)
மக்கள்தொகை (2018)
• மொத்தம்	3,64,707
• அடர்த்தி	50/km2 (130/sq mi)
தொலைபேசி குறியீடு	0388
வாகனப் பதிவு	51

இந்த மாகாணமானது மூன்று பக்கங்களிலும் தாரசு மலைத்தொடர், ஹசன் மலைகள் மற்றும் மெலண்டிஸ் மலைகள் போன்ற மலைகளால் சூழப்பட்டுள்ளது. இதன் மேற்கில் ஈமான் சமவெளி அமைந்துள்ளது, இது கொன்யாவின் பரந்த சமவெளியில் திறக்கிறது. சமவெளி சத்தான எரிமலை மண்ணால் மூடப்பட்டிருக்கிறது மேலும் நீட் மாகாணமானது ஒரு வெற்றிகரமான வேளாண் பகுதியாகுள்ளது . இங்கு குறிப்பாக ஆப்பிள் மற்றும் உருளைக்கிழங்கு போன்றவை பயிரிடப்படுகின்றன.

இப்பகுதி மலைகளால் சூழப்பட்டுள்ளது மேலும் மிகவும் உயரத்தில் இப்பகுதி வறண்ட மற்றும் குளிரான காலநிலையைக் கொண்டுள்ளது மற்றும் குளிர்காலத்தில் குளிர்ந்த வடக்குக் காற்றானது பனிப்பொழிவைக் கொண்டு வருகிறது. சராசரி மழையளவு 0.9   இது ஏப்ரல் மாதத்தில் 78.5 மிமீ, என்றும்  சூலை மற்றும் ஆகத்து மாதங்களில் நடைமுறையில் சுழியம் அளவாக உள்ளது. எனவே, மலைப்பகுதிகளில் தாவரங்கள் அதிகமாகவோ அல்லது குறைவாகவோ சமச்சீரற்று உள்ளன. அதிக உயரத்தில் கொஞ்சம் காடுகள் அதிக உயரத்தில் உள்ளன.

மாவட்டங்கள்

நீட் மாகாணம் 6 மாவட்டங்களாக பிரிக்கப்பட்டுள்ளது.

சொற்பிறப்பு

பழங்காலத்தில் நக்கிதா (Nakita) அல்லது நஹிதா (Nahita) என அறியப்பட்ட பெயர் நெக்கிடா, நெக்கிட் மற்றும் நிக்தே என்று படிப்படியாக மருவி இன்றைய நீட் என்பது வரை மாறியுள்ளது.

காணக்கூடிய இடங்கள்

மாகாணன் அலடாயிலரிடமிருந்து ஒரு பார்வை

தாரசு மலைத்தொடர்களில் உள்ள அலடாய்லர் மற்றும் போல்கர் மலைத்தொடர்கள் குளிர்கால விளையாட்டு, உயரமான புல்வெளிகள் மற்றும் மலை கிராமங்கள் வழியாக மலை நடை மற்றும் மலையேற்றத்திற்கு பிரபலமாக உள்ளன. இந்த மலைகள் வசந்த காலத்தில் மலர்கள் பூத்து நிறைந்திருக்கும்போது அனைவரையும் கவரக்கூடியதாக இருக்கும்.

• குறிப்பாக அலடாக்லர் மலைகள் துருக்கியில் மிகவும் பிரபலமான மலை ஏறும் இடங்களில் ஒன்றாகும். அதனா மாகாணத்தில் உள்ள அலடாக் மாவட்டத்தில் அலடாக்லர் மலைகள் எல்லையாக இருந்தாலும், அவை பொதுவாக அமர்தாவில் உள்ள டெமிர்காசாக் மற்றும் சுகுர்பாக் கிராமங்களிலிருந்து அடையப்படுகின்றன .
• போல்கர் மலைகள் 7 கி.மீ ஸ்கை-ரன் மற்றும் ஒரு ஆழமான ஏரியைக் கொண்டுள்ளது.

நீட் கபடோசியாவின் ஒரு பகுதியாகும், சில சுற்றுலாப் பயணிகளை அதன் வரலாற்று இடங்கள் ஈர்க்கிறன, இருப்பினும் நெவஹீரில் உள்ள பகுதியின் மையத்தைப் போல எதுவும் இல்லை. நீட்டில் அதன் வரலாற்று முக்கியத்துவம் வாய்ந்த தளங்களில் ஏராளமான தேவாலயங்கள், பள்ளிவாசல்கள் மற்றும் நிலத்தடி நகரங்கள் உள்ளன (மென்மையான எரிமலை பாறையில் ஆழமாக வெட்டப்பட்ட பாதுகாப்பான நிலவறைகள்).   மற்றொரு முக்கியமான தளம் பண்டைய நகரமான தியானா மற்றும் போர் மாவட்டத்தில் பல ரோமானிய நீர்வழிகள் .

ஒரு முக்கியமான நிலத்தடி நகரம் மற்றும் பண்டைய மடாலயம் நியோடில் உள்ள கோமலரில் அமைந்துள்ளது, இது கோமலர் மடாலயம் என்று அழைக்கப்படுகிறது..

உல்காலா, ஆகாஸ் மெஹ்மத் பாஷா வளாகத்தில், கொல்லியே 17 ஆம் நூற்றாண்டின் கட்டமைப்பாகும்.

இந்த மாகாணத்தில் ஏராளமான கனிம வெந்நீரூற்றுகள் மற்றும் பிற இடங்கள் உள்ளன, எனவே விடுதிகளிலும் பிற உள்கட்டமைப்புகளிலும் ஓரளவு முதலீடு செய்தால் மாகாணம் தற்போதுள்ளதை விட அதிகமான சுற்றுலாப் பயணிகளை ஈர்க்கக்கூடும்.