நேபாள அரசியலமைப்பு சட்டம், 2015
நேபாள அரசியலமைப்பு சட்டம், 2015 (Constitution of Nepal 2015) (நேபாள மொழியில்:नेपालको संविधान २०७२) தற்கால நேபாள அரச நிர்வாகத்திற்கும், நீதி நிர்வாகத்திற்கும் வழி காட்டுகிறது. நேபாள அரசியலமைப்புச் சட்டம் 20 செப்டம்பர் 2015 அன்று முதல் நடைமுறைக்கு வந்ததது. இதன் மூலம் முந்தைய 2007ம் ஆண்டில் நடைமுறைப்படுத்தப்பட்ட தற்காலிக அரசியல் அமைப்பு நீக்கப்பட்டது. மேலும் நேபாள நாட்டு அரசை, நேபாள ஜனநாயக கூட்டாட்சிக் குடியரசு என பெயரிடப்பட்டு, சமயச் சார்பற்ற நாடாக அறிவிக்கப்பட்டது.
2015 நேபாள அரசியலமைப்புச் சட்டம் 8 பகுதிகளாகவும், 305 தொகுப்புகளாகவும், 9 பட்டியல்களாகவும் இயற்றப்பட்டுள்ளது.[1]
வரலாறு தொகு
முதல் அரசியலமைப்பு நிர்ண்ய மன்றம் தோல்வி அடைந்ததால், இரண்டாவது அரசியல் நிர்ணய மன்றம் கூட்டப்பட்டு, குறிப்பிட்ட காலத்தில் 2015ல் அரசியல் அமைப்புச் சட்டம் இயற்றப்பட்டது.[2]
அரசியல் அமைப்பு நிர்ணய மன்றத்தின் மொத்த உறுப்பினர்களில் 90% உறுப்பினர்கள், 2015 அரசியல் அமைப்பு சட்டத்திற்கு ஆதரவு அளித்தனர். வாக்கெடுப்பில் கலந்து கொண்ட 598 அரசியல் அமைப்பு நிர்ணய மன்ற உறுப்பினர்களில், 538 உறுப்பினர்கள் புதிய அரசியலமைப்பு சட்டத்திற்கு ஆதரவாகவும், 60 உறுப்பினர்கள் எதிராகவும் வாக்களித்தனர். தராய் பகுதியின் உறுப்பினர்களில் சிலர் வாக்கெடுப்பில் கலந்து கொள்ளவில்லை.[3]
2015 அரசியலமைப்பின் சிறப்புகள் தொகு
- 2015 அரசியலமைப்புச் சட்டத்தின் படி, நேபாள நாட்டை சமய சார்பற்ற, ஜனநாயக கூட்டாட்சிக் குடியரசு என அறிவிக்கப்பட்டது. 2015 அரசியலமைப்புச் சட்டம், நேபாளத்தை ஏழு மாநிலங்களாகவும், 75 மாவட்டங்களாகவும் பிரித்தது.
- ஈரவை முறைமையுடன் 334 உறுப்பினர்களுடன் கூடிய நேபாள நாடாளுமன்றம், 275 உறுப்பினர்கள் கொண்ட பிரதிநிதிகள் சபை எனும் கீழவையும் மற்றும் 59 உறுப்பினர்கள் கொண்ட தேசிய சட்டமன்றம் எனும் மேலவையும் கொண்டதாக இருக்கும். மாநிலங்களின் சட்டமன்றங்கள் ஓரவையுடனும் செயல்படும்.
- நேபாள பிரதிநிதிகள் சபையின் 275 உறுப்பினர்களில் 165 உறுப்பினர்கள் வாக்காளர்களால் நேரடியாகவும், 110 உறுப்பினர்கள் விகிதாசாரப் பிரதிநிதித்துவத் தேர்தல் முறையில், அரசியல் கட்சிகள் பெற்ற மொத்த வாக்கு சதவீதத்தின் படி மறைமுகமாகவும் தேர்ந்தெடுக்கப்படுவர்.[4][5]
- 59 நேபாள தேசிய சட்டமன்ற உறுப்பினர்களில், 56 உறுப்பினரகள் நேபாள சட்டமன்றங்களின் உறுப்பினர்களால் தேர்தெடுக்கப்படுவர். மீதமுள்ள 3 உறுப்பினர்களை நேபாளக் குடியரசுத் தலைவரால் நியமிக்கப்படுவர்.
- நேபாள பிரதிநிதிகள் சபையின் மூன்றில் ஒரு பங்கு இடங்கள் மகளிர், தலித் மற்றும் பழங்குடி மக்கள், சமயச் சிறுபான்மையின மக்களின் பிரதிநிதிகளுக்கு இட ஒதுக்கீடு செய்யப்பட்டுள்ளது.
- ஆண், பெண் பாலினம் மற்றும் சிறுபான்மையோர் உரிமைகளை காக்க புதிய அரசியல் அமைப்புச் சட்டத்தில் வழிவகை செய்யப்பட்டுள்ளது.
- பாலின வேறுபாடின்றி, மூதாதையர்களின் சொத்தில் பெண்களுக்கும் சம உரிமை வழங்கப்பட்டுள்ளது.
- ஒரு மதத்திலிருந்து மற்றொரு மதத்திற்கு மாறிச் செல்லும் எந்தவொரு செயலுக்கும் தடை விதிக்கப்பட்டுள்ளது. மற்றவரின் மதத்தை தாழ்த்தும் அல்லது பாதிக்கும் செயல்களைத் தடை செய்கிறது. அதே சமயத்தில் நேபாள அரசு சமயச் சார்பற்றதாகவும், அனைத்து மதங்களுக்கிடையே மதச்சார்பற்று நடுநிலை வகிக்கும் என்று அறிவிக்கிறது.
- மரண தண்டனை தடை செய்யப்பட்டுள்ளது.
- அரசியலமைப்பு சட்டம் மக்களின் உரிமைகளையும், அடிப்படை உரிமைகளையும் விரிவாக விவரிக்கிறது.
குடியுரிமைக்கான தகுதிகள் தொகு
நேபாளக் குடியுரிமை பெறத் கீழ்கண்ட தகுதிகள் நிர்ணயிக்கப்பட்டுள்ளது. (Section 11, Part 2, Constitution of Nepal, 2015)[6]
1 இந்த புதிய அரசியலமைச் சட்டம் நடைமுறைக்கு வந்த பின்னர், துவக்கத்தில் நேபாளத்தின் குடியுரிமை பெற்றவர்கள் மற்றும் நேபாளத்தின் குடியுரிமை பெற தகுதியுடைய நபர்கள் அனைவரும் நேபாளாக் குடிமக்களாகக் கருதப்படுவர்.
2 நேபாளத்தில் தங்கள் நிரந்தர குடியேற்றத்தை வைத்திருக்கும் பின்வரும் நபர்கள் நேபாளத்தின் குடிமகனாக கருதப்படுவார்கள்: -
(அ) இச்சட்டம் இயற்றுவதற்கு முன்னர், ஒரு நபர் நேபாள வம்சாவளினராக இருந்திருத்தல் வேண்டும்.
(ஆ) நேபாள நாட்டின் குடியுரிமை பெற்ற ஒரு தாய் அல்லது ஒரு தந்தைக்குப் பிறந்த எவரும் நேபாள குடியுரிமை பெறத் தக்கவர்.
3 இந்த அரசியலமைப்பின் ஆரம்பத்தில் நேபாளக் குடியுரிமை பெற்ற ஒரு குடிமகனின் குழந்தை, அவனது / அவளது தந்தை மற்றும் தாய் இருவருமே நேபாளத்தின் குடிமக்கள் எனில் அக்குழந்தை நேபாள குடியுரிமைக்கு தகுதியுடையவர் ஆவார்.
4 நேபாளத்தில் உள்ள ஒவ்வொரு குழந்தையும், தன்னுடைய தந்தை மற்றும் தாயைப் பற்றிய தகவல்கள் தெரியாத வரை, அல்லது தாய் / தந்தை கண்டுபிடிக்கப்படும் வரை, நேபாளத்தின் குடிமகனாக கருதப்படுவார்.
5 ஒரு நேபாள குடியுரிமை உள்ள தாய்க்கு பிறந்த குழந்தையின் தந்தை, யார் என அறியப்படாத வரை, அக்குழந்தை நேபாள வம்சாவளி குடிமகனாகக் கருதப்படுவார். ஒரு வேளை அக்குழந்தையின் தந்தை ஒரு வெளிநாட்டவர் என்று கண்டறியப்பட்டால், அத்தகைய நபரின் குடியுரிமை, நேபாள கூட்டாட்சி சட்டத்தின்படி இயல்பான குடியுரிமையாக மாற்றப்படும்.
6 ஒரு வெளிநாட்டுப் பெண், நேபாளக் குடிமகனை திருமணம் செய்து கொண்டால், அந்த வெளிநாட்டுப் பெண் இயல்பாகவே நேபாளக் குடியுரிமை பெற தகுதி உள்ளவராகிறார்.
7 அரசியலமைப்புச் சட்டத்தின் தொகுப்பில், வேறு எந்த உள்ளடக்கமும் இல்லாவிட்டாலும், வெளிநாட்டவரை மணந்த ஒரு நேபாளப் பெண்ணிற்கு பிறந்த குழந்தை இயல்பாகவே நேபாளக் குடியுரிமை பெற்று விடுகிறார்.
8 அரசியல் அமைப்புச் சட்டத்தில் குடியுரிமை குறித்து போதுமான விளக்கம் இல்லாத நிலையில், நேபாள அரசே ஒரு நபருக்கு இயல்பான குடியுரிமையை வழங்கலாம்.
9 நேபாள அரசே ஒரு நபருக்கு மதிப்புறு குடியுரிமையை வழங்கலாம்.
10 நேபாளத்தில் எந்தவொரு பகுதியும் ஒன்றிணைக்கப்படுமானால், அத்தகைய பகுதியில் குடியிருக்கும் நபர்கள் நேபாளத்தின் குடிமக்களாக கருதப்படுவர்.
இதனையும் காண்க தொகு
மேற்கோள்கள் தொகு
- ↑ Eight parts, 305 articles: Nepal’s latest constitution in a nutshell
- ↑ Time Magazine "Nepal Has Finally Passed a New Constitution After Years of Political Turmoil". பார்க்கப்பட்ட நாள் September 2015.
{{cite web}}: Check date values in:|accessdate=(help) - ↑ BBC: Constituent Assembly endorses Nepal’s Constitution 2072 with two-thirds majority, to promulgate on Sunday
- ↑ Nepal Elections 2017
- ↑ Article 84 Constitution of Nepal
- ↑ http://himalaya.socanth.cam.ac.uk/collections/rarebooks/downloads/Nepal_1959_Constitution_English.pdf
மேலும் பார்க்க தொகு
- BBC News. Why is Nepal's new constitution controversial?. 19 September 2015.
வெளி இணைப்புகள் தொகு
- Constitution of Nepal, 2015 (2072) பரணிடப்பட்டது 2018-01-27 at the வந்தவழி இயந்திரம்
- Constituent Assembly of Nepal
- The Centre for Constitutional Dialogue in Kathmandu has a wide range of news and other information about the constitution-drafting process, in English and Nepali.
- Theology at the heart of Nepal’s constitutional crisis பரணிடப்பட்டது 2014-07-14 at the வந்தவழி இயந்திரம் - Lapido Media 26/05/2010
- Concept papers from the Constituent Assembly of Nepal
- Final Interim Constitution of Nepal, 2063 (2007) in English and Nepali at worldstatesmen.org
- Final Interim Constitution of Nepal, 2063 (2007) in Nepali at the Nepalese Supreme Court
- Constitution of the Kingdom of Nepal, 2047 (1990)
- "The Nepal Constitution of 1990: Preliminary Considerations" by Ellingson, T., Himalayan Research Bulletin, the University of Texas, Vol. XI, Nos. 1-3, 1991.