பெக்கான்
பெக்கான் (Pekan) மலேசியா, பகாங் மாநிலத்தின் அரச நகரம். பகாங் மாநிலத்தின் தலைநகரமான குவாந்தானில் இருந்து தென்கிழக்காக 45 கி.மீ. தொலைவில் உள்ளது. பெக்கான் நகரத்தின் பெயர் Bunga Pekan எனும் மலரின் பெயரில் இருந்து வந்தது.[1] இங்கு பகாங் சுல்தானின் அரண்மனையும், அரச பள்ளிவாசலும் உள்ளன. இந்த நகரம் மலேசியாவின் இரு பிரதமர்களை உருவாக்கித் தந்த பெருமையைப் பெறுகிறது.
| பெக்கான் | |
|---|---|
| மாவட்டம் | |
| நாடு |  மலேசியா |
| பகாங் |  பகாங் டாருல் மாக்மூர் |
| தொகுதி | பெக்கான் |
| அரசு | |
| • மாவட்ட ஆளுநர் | டத்தோ முகமட் பாட்சிலி பின் முகமட் கெனாலி |
| பரப்பளவு | |
| • மொத்தம் | 3,805 km2 (1,469 sq mi) |
| மக்கள்தொகை (2006) | |
| • மொத்தம் | 120,000 |
| • அடர்த்தி | 31.53/km2 (81.7/sq mi) |
| அஞ்சல் குறியீடு | 26600 |
| தொலைபேசிக் குறியீடு | 0609 |
| வாகனப் பதிவு | C |
| மலாயா கூட்டரசு | 1895 |
| ஜப்பானியர் ஆட்சி | 1942 |
| மலாயா கூட்டமைப்பு | 1948 |
| இணையதளம் | http://www.mdpekan.gov.my |
மலேசியாவின் இரண்டாவது பிரதமர் துன் அப்துல் ரசாக் அவர்களும்,[2] இப்போதைய பிரதமர் நஜீப் துன் ரசாக்[3] அவர்களும் இந்த நகரில் பிறந்தவர்கள். பிரதமர் நஜீப் துன் ரசாக்கின் தகப்பனார்தான் துன் அப்துல் ரசாக். பெக்கான் நகரின் பழைய பெயர் இந்திராபுரா.[4] இந்தியாவில் இருந்து வந்த இந்திய வணிகர்கள் இந்திராபுரா என்று அழைத்தனர்.[5]
வரலாறு தொகு
முன்பு காலத்தில் பகாங் ஆற்றின் இரு மருங்கிலும் பெக்கான் மலர்கள் நிறைய பூத்துக் குலுங்கின. அந்த மலர்களின் பெயர் பெக்கான் நகருக்குச் சூட்டப்பட்டதாகச் சொல்லப்படுகிறது. இந்த நகரம் 17ஆம் நூற்றாண்டில் தோற்றுவிக்கப்பட்டதாகச் சொல்லப்பட்டாலும், இதுவரையில் சரியான சான்றுகள் கிடைக்கவில்லை.
ஆனால், 18ஆம் நூற்றாண்டில் இந்தோனேசியாவில் உள்ள சுலாவாசி தீவில் இருந்து மக்கள் பெக்கான் நகரில் குடியேறியதாக சான்றுகள் உள்ளன. அப்படி குடியேறிய குடும்பங்களில் ஒன்றுதான் முன்னாள் பிரதமர் துன் அப்துல் ரசாக்கின் குடும்பம் ஆகும்.
பெக்கான் நாடாளுமன்றத் தொகுதி தொகு
பெக்கான் நாடாளுமன்றத் தொகுதியின் உறுப்பினராக பிரதமர் நஜீப் துன் ரசாக் இருக்கிறார்.
| நாடாளுமன்றம் | தொகுதி | நாடாளுமன்ற உறுப்பினர் | கட்சி |
|---|---|---|---|
| P85 | பெக்கான் | நஜீப் துன் ரசாக் | தேசிய முன்னணி |
பெக்கான் சட்டமன்றத் தொகுதிகள் தொகு
பெக்கான் நாடாளுமன்றத் தொகுதியில் நான்கு சட்டமன்றத் தொகுதிகள் உள்ளன.
| நாடாளுமன்றம் | மாநிலம் | தொகுதி | சட்டமன்ற உறுப்பினர் | கட்சி |
|---|---|---|---|---|
| P85 | N20 | புலாவ் மானிஸ் | கைருடின் முகமட் | தேசிய முன்னணி |
| P85 | N21 | பெராமு ஜெயா | இப்ராஹிம் அகமட் முகமட் | தேசிய முன்னணி |
| P85 | N22 | பேபார் | இஷாக் முகமட் | தேசிய முன்னணி |
| P85 | N23 | சினி | அபு பாக்கார் ஹருண் | தேசிய முன்னணி |
துணை மாவட்டங்கள் தொகு
பெக்கான் மாவட்டத்தில் 11 துணை மாவட்டங்கள் அல்லது முக்கிம்கள் உள்ளன.
- பேபார் (176,400 ஹெக்டர்)
- பென்யோர் (73,600 ஹெக்டர்)
- லேபார் (47,100 ஹெக்டர்)
- புலாவ் மானிஸ் (22,000 ஹெக்டர்)
- பெக்கான் (17,300 ஹெக்டர்) (தலைநகர்)
- தெமாய் (12,700 ஹெக்டர்)
- காஞ்சோங் (11,4000 ஹெக்டர்)
- லாங்கார் (9,600 ஹெக்டர்)
- கோலா பகாங் (3,900 ஹெக்டர்)
- பகாங் துவா (3,900 ஹெக்டர்)
- புலாவ் ரூசா (2,600 ஹெக்டர்)
மேற்கோள்கள் தொகு
- ↑ According to the legend, Pekan got it’s name from a flower called Bunga Pekan which grew in abundance along the Pahang River. The flower is white, like the Jasmine but the species is now extinct and the current generation would not have a chance to see or study this flower.[தொடர்பிழந்த இணைப்பு]
- ↑ Office of the Prime Minister of Malaysia
- ↑ Official Biography. 1malaysia.com.my. Retrieved on 2012-05-30.
- ↑ The old name for Pahang was Inderapura, called Pahang Inderapura.[தொடர்பிழந்த இணைப்பு]
- ↑ Before Pahang was conqured by the Malacca Sultanate, the Hindus (who spoke Sanskrit) called the capital of Pahang as Pura. At that time, even the Malays called it Pura (this is mentioned in the book Hikayat Sejarah Melayu 1977: item73).[தொடர்பிழந்த இணைப்பு]