மோகனம்

மோகனம் 28ஆவது மேளகர்த்தா இராகமாகிய, "பாண" என்றழைக்கப்படும் 5வது சக்கரத்தின் 4 ஆவது இராகமாகிய ஹரிகாம்போஜியின் ஜன்னிய இராகம் ஆகும். எப்போதும் பாடக் கூடிய இவ்விராகம் சர்வ ஸ்வர கமக வரிக ரத்தி இராகம் ஆகும். சுபகரமான இவ்விராகம் விரிவான ஆலாபனைக்கு இடம் கொடுக்கும்.

இலக்கணம் தொகு

மோகனம் சுரங்கள் C யிலிருந்து தொடக்கம்

ஆரோகணம்:	ஸ ரி₂ க₃ ப த₂ ஸ்
அவரோகணம்:	ஸ் த₂ ப க₃ ரி₂ ஸ

இந்த இராகத்தில் ஷட்ஜம், சதுஸ்ருதி ரிஷபம்(ரி₂), அந்தர காந்தாரம்(₃), பஞ்சமம், சதுஸ்ருதி தைவதம்(த₂), ஆகிய சுரங்கள் வருகின்றன.

சிறப்பு அம்சங்கள் தொகு

மத்திமம், நிஷாதம் வர்ஜம் என்பதனால் இது ஒரு வர்ஜ இராகம் ஆகும்.
இது உபாங்க இராகம் ஆகும்.
ரி, க, த என்பன ராகச்சாயா ஸ்வரங்கள். இதில் வரும் ஜண்டை ஸ்வரங்களும், தாடுப் பிரயோகங்களும் ராக ரஞ்சகமானவை.
இது திரிஸ்தாயி இராகம் ஆகும். மேலும் இரவில் பாட இது மிக ரஞ்சகமாக இருக்கும்.
இது ஒரு புராதன இராகம் ஆகும். எல்லா உருப்படி வகைகளையும் இந்த இராகத்தில் காணலாம். சுலோகங்களும், விருத்தங்களும் பாடுவதற்கேற்ற இராகம் ஆகும். இது ஒரு வர்ணனைக்குரிய இராகம் ஆகும். இசை நாடகங்களிலும், நிருத்திய நாடகங்களிலும் காணப்படும் பிரசித்த இராகங்களில் இதுவும் ஒன்றாகும்.
இது மனிதவர்க்கத்துக்குத் தெரிந்த மிகப் பழைய இராகம் ஆகும். இந்த இராகத்தில் வரும் ஸ்வரங்கள் ஸட்ஜ - பஞ்சம முறையில் முதன் முதலில் தோன்றும் ஸ்வரங்களாகும். இந்த விடயம் ஆதி காலத்திலேயே எல்லா நாட்டு இசைக் கலைஞர்களாலும் கையாளப்பட்டு வந்தது. ஆதிவாசிகளின் இசையிலும் பாமரமக்கள் இசையிலும் கூட இவ்விராகம் வழக்கத்தில் இருந்து வருகிறது.
இந்துஸ்தானி இசையில் பூப் என்பது இவ்விராகமே. சர்வ ஸ்வர மூர்ச்சனாகர ஜன்ய இராகம்.
இவ்விராகத்தின் ரிஷப, காந்தார, பஞ்சம, தைவத, மூர்ச்சனைகளே முறையே மத்தியமாவதி, இந்தோளம், சுத்தசாவேரி, உதயரவிச்சந்திரிக்கா ஆகிய இராகங்களாக ஒலிக்கின்றன. முல்லைப்பண் எனக் குறிக்கப்படுவது மோகன இராகமே ஆகும்.
மாணிக்கவாசகரின் திருவாசகம் தொன்று தொட்டு இந்த இராகத்தில் பாடப்பட்டு வருவது இவ்விராகத்தின் சிறப்பை உணர்த்துகின்றது.

உருப்படிகள் தொகு

வர்ணம் : "நின்னுக்கோரி" - ஆதி - பூச்சி ஐயங்கார்.
கீர்த்தனை : "ஏன் பள்ளி" - ஆதி - அருணாசலக் கவிராயர்.
கிருதி : "ஸதாபாலய" - ஆதி - ஜி. என். பாலசுப்பிரமணியம்.
கிருதி : "ராராராஜீவ" - ஆதி - மைசூர் வாசுதேவச்சாரியார்.
கிருதி : "நன்னுபாலிம்ப" - ஆதி - தியாகராஜர்.

மோகன இராகத்தில் அமைந்த திரையிசைப் பாடல்கள் தொகு

நின்னுகோரி வர்ணம் :- அக்னி நட்சத்திரம்
அண்ணாமலை அண்ணாமலை :- அண்ணாமலை