யாழ்ப்பாணக் கல்லூரி
யாழ்ப்பாணக் கல்லூரி (Jaffna College) இலங்கையின் வடக்கே வட்டுக்கோட்டை என்ற ஊரில் அமைந்துள்ள ஒரு தனியார் பாடசாலை ஆகும்.[1] அமெரிக்க கிறிஸ்தவ மறைப்பணியாளர்களால் 1823 ஆம் ஆண்டில் உருவாக்கப்பட்ட பட்டிக்கோட்டா மதப்பள்ளி 1867 ஆம் ஆண்டில் யாழ்ப்பாணக் கல்லூரியாக மாற்றப்பட்டது.
| Jaffna College யாழ்ப்பாணக் கல்லூரி | |
|---|---|
 | |
| அமைவிடம் | |
| வட்டுக்கோட்டை, யாழ்ப்பாண மாவட்டம், வட மாகாணம் இலங்கை | |
| அமைவிடம் | 9°43′45.20″N 79°56′54.30″E / 9.7292222°N 79.9484167°E |
| தகவல் | |
| வகை | தனியார் 1AB |
| குறிக்கோள் | Jesus Christ the light of life (இயேசுவே வாழ்வின் ஒளி) |
| நிறுவல் | 1867 |
| பள்ளி மாவட்டம் | வலிகாமம் கல்வி வலயம் |
| பள்ளி இலக்கம் | 1011032 |
| அதிபர் | கலாநிதி. வண. டேவிட் சதானந்தன் சொலமன் |
| தரங்கள் | 1 தொடக்கம் 13 வரை |
| பால் | இருபாலார் |
| மொழி | தமிழ், ஆங்கிலம் |
| School roll | 1,998 |
| இணையம் | www.jaffnacollege.lk |
வரலாறு தொகு
1816 ஆம் ஆண்டில் அமெரிக்க இலங்கை மிசன் யாழ்ப்பாணத்தில் ஆரம்பிக்கப்பட்டது. யாழ்ப்பாணக் குடாநாட்டின் பல பகுதிகளில் ஆரம்பிக்கப்பட்ட இதன் கிளைகளில் ஒன்று வட்டுக்கோட்டையிலும் நிறுவப்பட்டது. அமெரிக்க மிசன் யாழ்ப்பாணத்தில் பாடசாலைகளை ஆரம்பித்து நடத்தியது. இவ்வகையில் முதன் முதலாக தெல்லிப்பழையில் "பொதுச் சுயாதீனப் பள்ளிக்கூடம்" (யூனியன் கல்லூரி ஆரம்பிக்கப்பட்டது. குடாநாட்டில் உள்ள திறமை வாய்ந்த ஆண் பிள்ளைகளுக்கென வட்டுக்கோட்டையில் 1823 ஆம் ஆண்டில் பட்டிக்கோட்டா மதப்பள்ளி (Batticotta Seminary) நிறுவப்பட்டது. இதன் அதிபராக டானியல் புவர் (danial poor) என்பவர் இருந்தார். இம்மதப்பள்ளி அங்கு சேர்க்கப்படும் மாணவர்களை கிறித்துவத்துக்கு மதம் மாற்றுவதையே முக்கிய நோக்காகக் கொண்டு ஆரம்பிக்கப்பட்டது. ஆனாலும், பெரும்பாலான மாணவர்கள் தமது இந்து சமய நம்பிக்கையையே கடைப்பிடித்து வந்தனர். இதனை அடுத்து 1855 ஆம் ஆண்டில் இம்மதப்பள்ளி மூடப்பட்டது.
பட்டிக்கோட்டா மதப்பள்ளியின் பழைய மாணவர்களும், உள்ளூர் கிறித்தவர்களும் இப்பள்ளியை மீளத் திறக்க வேண்டும் எனக் கோரிக்கை விட்டதை அடுத்து 1872 சூலை 3 இல்[2] இக்கல்லூரி யாழ்ப்பாணக் கல்லூரி என்ற பெயரில் மீளவும் பழைய கட்டடத்திலேயே ஆரம்பிக்கப்பட்டது.
பழைய மாணவர்கள் தொகு
- அலன் ஆபிரகாம் - வானியலாளர்[3]
- க. பாலசிங்கம் – இலங்கை சட்டவாக்கப் பேரவை உறுப்பினர்
- வைத்திலிங்கம் துரைசுவாமி – இலங்கை அரசாங்க சபை சபாநாயகர்
- அ. வைத்திலிங்கம், அரசியல்வாதி, கல்விமான்
- ஹண்டி பேரின்பநாயகம், கல்விமான், அரசியல்வாதி
- கா. இந்திரபாலா - பேராசிரியர்
- எஸ். ஆர். கனகநாயகம் – செனட்டர்
- பி. நாகலிங்கம் – செனட்டர்
- எஸ். ஏ. ரகீம் – மன்னார் நாடாளுமன்ற உறுப்பினர்
- சுப்பிரமணியம் சிவநாயகம் - பத்திரிகையாளர்
- க. துரைரத்தினம் – பருத்தித்துறை நாடாளுமன்ற உறுப்பினர்
- சா. ஜே. வே. செல்வநாயகம், அரசியல்வாதி, வழக்கறிஞர்[4]
- ஆணல்ட் சதாசிவம்பிள்ளை - தமிழறிஞர், தமிழாசிரியர்
- சீலன் கதிர்காமர் - வரலாற்றாளர்[5]
இவற்றையும் பார்க்க தொகு
படக் காட்சியகம் தொகு
மேற்கோள்கள் தொகு
- ↑ Schools Basic Data as at 01.10.2010. Northern Provincial Council. 2010 இம் மூலத்தில் இருந்து 2013-12-03 அன்று. பரணிடப்பட்டது.. https://web.archive.org/web/20131203001953/http://notice.np.gov.lk/index.php?option=com_content&view=article&id=85%3Anpc-schools-basic-data-as-on-01102010. பார்த்த நாள்: 2013-06-15.
- ↑ Katiresu, S. (1905). A Hand Book to the Jaffna Peninsula. புதுதில்லி: Aian Educational Services. பக். 25-26. ISBN 81-206-1872-6.
- ↑ Allen Abraham & the Halley's Comet. யாழ்ப்பாணக் கல்லூரி. 1985. பக். 7. http://www.tamilnet.com/img/publish/2015/07/Ambalavanar_Allen_Abraham.pdf.
- ↑ Jaffna College Miscellany, பக். 70, டிசம்பர் 1944
- ↑ "Former History academic of Jaffna University passes away". தமிழ்நெட். 27 சூலை 2015. http://www.tamilnet.com/art.html?catid=13&artid=37864.
வெளி இணைப்புக்கள் தொகு
- Tamil Canadian – Jaffna College, product of a liberal view of Christian evangelism பரணிடப்பட்டது 2012-02-05 at the வந்தவழி இயந்திரம்
- Flickr – Jaffna College
- US Ambassador visits Uduvil Girls school, Jaffna College, and Manipay Green Memorial Hospital. Promises assistance பரணிடப்பட்டது 2011-07-24 at the வந்தவழி இயந்திரம்
- London Alumni Gathering பரணிடப்பட்டது 2013-07-25 at the வந்தவழி இயந்திரம்