சீயாத்தமங்கை வன்மீகநாதசுவாமி கோயில்

சீயாத்தமங்கை வன்மீகநாதசுவாமி கோயில் நாகப்பட்டினம் மாவட்டத்தில் உள்ள சிவன் கோயிலாகும்.

அமைவிடம்

இக்கோயில் நன்னிலம்-நாகூர் சாலையில் உள்ளது. திருமருகல் இரத்தினகிரீசுவரர் கோயிலின் உப கோயிலாக விளங்கும் இக்கோயிலில் வன்மீகநாதசுவாமியும் கால பைரவரும் உள்ளனர்.

இறைவன், இறைவி

இக்கோயிலின் மூலவர் வன்மீகநாதர். இறைவி நீலோத்பலாம்பாள். இக்கோயிலில் கால பைரவர் சன்னதி கொண்டுள்ள இக்கோயிலை வன்மீகநாதசுவாமி மற்றும் மகா காலபைரவர் கோயில் என்றும் கூறுகின்றனர். இக்கோயிலின் மூன்று திருச்சுற்றுகளில் மூன்று கால பைரவர்கள் இருந்திருக்கலாம் என்று கூறுகின்றனர்.

அமைப்பு

விநாயகர், முருகன், தட்சிணாமூர்த்தி, லிங்கோத்பவர், துர்க்கை, சண்டிகேஸ்வரர், சூரியன், நாகர், பிரம்மா உள்ளிட்டோர் இக்கோயிலில் உள்ளனர். இங்கு நவக்கிரக சன்னதி கிடையாது.