சேர்மன் சாமிநாத முதலியார் நகராட்சி ஆரம்பப் பள்ளி

சேர்மன் சாமிநாத முதலியார் நகராட்சி பள்ளி காஞ்சிபுரம் மாவட்டம் பிள்ளையார் பாளையம் பகுதியில் அமைந்துள்ளது. இந்த இடம் முதலில் ஒரு சாவடியாக இருந்தது. அறிஞர் அண்ணா முதலமைச்சராக இருந்த காலத்தில் அவர் இந்தப் பகுதிக்கு வந்த போது இந்த மண்டபத்தைக் கண்டார். பயன்படாமல் இருந்த மண்டபத்தில் பள்ளி ஆரம்பிக்கலாம் என எண்ணினார். அக்காலத்தில் சாமிநாத முதலியார் அப்பகுதிக்கு சேர்மனாக இருந்தார். எனவே, அவரின் பெயராலேயே ஆரம்பப் பள்ளி ஆரம்பிக்கப்பட்டு இன்றுவரை அப்பள்ளி இயங்கி வருகிறது. ஆரம்பத்தில் ஒரே ஒரு மண்டபமாக இருந்த அந்த பள்ளி இப்போது நான்கு கட்டிடங்களுடன் செயல்பட்டுவருகிறது.

சேர்மன் சாமிநாத முதலியார் நகராட்சி ஆரம்ப பள்ளி
முகவரி
கிருஷ்ணன் தெரு, பிள்ளையார் பாளையம்
காஞ்சிபுரம், தமிழ் நாடு, 631501
இந்தியா
அமைவிடம்12°15′49″N 79°17′08″E / 12.2637°N 79.2856°E / 12.2637; 79.2856
தகவல்
வகைஅரசினர் பள்ளி
பள்ளி அவைஆரம்ப நிலை
வகுப்புகள்5
கற்பித்தல் மொழிதமிழ், ஆங்கிலம்
வகுப்பறைகள்15

இப்பள்ளி அமைந்துள்ள தெருவின் பெயர் கிருஷ்ணன் தெரு. இந்த தெரு பிள்ளையார் பாளையத்தின் இதயப்பகுதியில் அமைந்துள்ளது. எனவே இப்பள்ளி பற்றியும் அதன் ஆரம்ப கால கதைகள் குறித்தும் இப்பகுதியில் பெரும்பாலான மக்களுக்குத் தெரியும்.

இப்பள்ளியின் மத்தியில் ஒரு பெரிய புங்க மரம் ஒன்று உள்ளது. ஆரம்பகாலத்தில் அந்த மரத்தடியில் தான் பெரும்பாலும் வகுப்புகள் நடைபெறும். தற்போதும் சில சமயங்களில் அங்கு வகுப்புகள் நடைபெறுகின்றன. இடைவெளி நேரங்களில் சிறுவ சிறுமியர் இங்கு விளையாடுவர்.

இப்பள்ளி ஆரம்ப பள்ளி ஆதலால் முதலாம் வகுப்பு முதல் ஐந்தாம் வகுப்பு வரை இங்கு உள்ளன. ஆரம்பத்தில் தமிழ் வழி கல்வி மட்டுமே போதிக்கப்பட்டது. இப்போது கடந்த இரண்டு ஆண்டுகளுக்கு முன் ஆங்கில வழி கல்வியும் ஆரம்பிக்கப்பட்டுள்ளது.

ஐந்தாம் வகுப்பிற்கு பிறகு ஆறாம் வகுப்பு முதல் பன்னிரண்டாம் வகுப்பு வரை பயில, இதே தெருவில் சேர்மன் சாமிநாத முதலியார் நகராட்சி மேல்நிலைப் பள்ளி உள்ளது. இப்பள்ளியில் ஆரம்ப காலத்தில் பிள்ளையார் பாளையம் பகுதி மாணவ மாணவியர் மட்டுமே பயின்று வந்தனர். அதன் பின் தற்போது பக்கத்து காலனிகளில் இருந்தும் மாணவர்கள் வந்து பயிலுகின்றனர்.[1]

சாமிநாத முதலியார் வாழ்க்கை வரலாறுதொகு

காஞ்சிபுரம் பிள்ளையார்பாளையத்தில் வாழ்ந்த தணிகைமலை முதலியார் - மனோன்மணி அம்மையார் தம்பதியருக்கு திருமகனாக ம. த. சாமிநாத முதலியார் 17.11.1880 இல் பிறந்தார். இவருக்கு ஒரு தம்பி மற்றும் இரு தங்கைகள்.

சாமிநாத முதலியார் தானது 19-வது வயதிலிருந்தே, பொதுதொண்டுகளில் தன்னை ஈடுபடுத்திக் கொண்டார்.

காஞ்சிபுரம் மகாநாடு 72 கிளை நாடுகளை தன்னகம் கொண்டது காஞ்சிபுரம் மகாநாடு. செங்குந்தர் குலத்தின் நாட்டாண்மைத் தலைவர் 'ஆண்டவர்' என்றும் சொல்லத்தக்க மாபெரும் தலைவராக சாமிநாத முதலியார் அவர்கள் 1911-ஆம் ஆண்டு பொறுப்பேற்றார். தலைநாட்டிலும், கிளைநாட்டுகளிலும் செங்குந்த வாழ் உறவினர்களுக்குள்ளே உண்டான பல கருத்து வேறுபாடுகளைக் களைந்து ஒற்றுமைப்படுத்தினார். நல்லறங்களுடனும், நற்பண்புகளுடனும், பெருமான நோக்குடனும் குலத்தொண்டுகள் புரிந்தார்.

காஞ்சி சிறீ நாகலிங்க முனிவர் அவர்கள் ஆலோசனைப்படி காஞ்சிபுரம் கச்சபேசர் ஆலயத்தில் செங்குந்த மகாஜன சங்கத்தை 1912ம் ஆண்டில் உருவாக்கினார். 1929-ல் ஈரோட்டில் நடந்த முதல் செங்குந்தர் மாநாட்டில் முதன்முதலில் செங்குந்தர் குல கொடியை ஏற்றினார். 1931 யில் நடைபெற்ற செங்குந்தர் இரண்டாவது மாநாட்டை காஞ்சி கச்சபேஸ்வரர் ஆலயத்தில் தலைவராக மிகவும் சிறப்பாக நடத்தினார். 1936-ல் நடைபெற்ற மூன்றாவது மாநாட்டை அம்பாசமுத்திரத்தில் நடத்தினார்.

இவர் காஞ்சிபுரம் நகரமன்ற உறுப்பினராக 24 ஆண்டுகள் பணியாற்றினார். காஞ்சிபுரம் நகர்மன்றத் தலைவராக 9 ஆண்டுகள் பதவி வகித்தார். காஞ்சிபுரம் நகர் மன்றத்தின் முன்னேற்றத்துக்கு பல வகையிலும் சிறப்பாக தொண்டு புரிந்தார்.

நகரமன்ற தலைவராக இருந்த சமயத்தில் அப்பகுதி சிறுவர்களுக்கு கட்டாய ஆரம்பக் கல்விக்கு அடிகோலினார்.

ஆங்கிலேயர் ஆட்சியிலிருந்து இந்தியத் திருநாடு விடுதலை பெற அண்ணல் மகாத்மா காந்தியடிகள் தமிழகம் தழுவிய சுற்றுப் பயணம் மேற்கொண்ட பொழுது, 1934-ம் ஆண்டு காஞ்சிபுரம் இரயிலில் வருகை தந்தார். அதுசமயம் நகர மன்றத் தலைவராக இருந்த சாமிநாத முதலியார், ரயில் நிலையம் சென்று அண்ணல் மகாத்மா காந்தியடிகள் அவர்களுக்கு மாலை அணிவித்து வரவேற்பளித்தார்.

காஞ்சிபுரம் மைய பகுதியில் (காந்தி மைதானம்) அண்ணல் மகாத்மா காந்தியடிகள் சொற்பொழிவாற்ற மாபெரும் பொதுக்கூட்டம் ஏற்பாடு செய்து தலைமை வகித்தார். அன்னியர் ஆட்சிகாலத்தில் நகரமன்றத் தலைவராக இருந்து சுதந்திர போராட்ட கூட்டத்தை துணிந்து நடத்திய பெருமை இவரை மட்டுமே சாரும்.

இவரால் பாதுகாக்கப்பட்ட, எண்ணற்ற தமிழ் சுவடுகளை, தமிழ்தொண்டிக் நிமித்தம் இவர் இல்லம் வருகை தந்த உ. வே. சாமிநாதையர் ஒப்படைத்தார் என்பது பெருமைக்குரியது.

அனைத்து பெருமைகளின் நிமித்தமாக, பிற்காலத்தில் அவர் குடியிருந்த தெருவிற்கு அவரது பெயர் சூட்டப்பட்டது. அவர் வாழ்ந்த பிள்ளையார் பாளையத்தில் அவரது பெயரால் மேல்நிலைப்பள்ளி உருவாகி சிறப்பாக நடந்து வருகிறது.

21.04.1949 அன்று இவ்வுலகை விட்டு மறைந்தார்.[2]

மேற்கோள்கள்தொகு