தா. கி. பட்டம்மாள்
டி. கே. பட்டம்மாள் என்று பரவலாக அறியப்படும் தாமல் கிருஷ்ணசாமி பட்டம்மாள் (மார்ச் 19, 1919[1] - ஜூலை 16, 2009[2]) ஒரு புகழ்பெற்ற கருநாடக இசைப் பாடகி. காஞ்சிபுரத்தைச் சேர்ந்தவர். பாடகி நித்யஸ்ரீ மகாதேவன், இவரது பேத்தி ஆவார்.இவர் கான சரஸ்வதி என்றும் [3] இசைப் பேரரசி என்றும் [4] சங்கீத சரஸ்வதி என்றும் அழைக்கப்படுகிறார்.[5]
| தாமல் கிருஷ்ணசாமி பட்டம்மாள் Damal Krishnaswamy Pattammal | |
|---|---|
 1940களின் இறுதியில் டி. கே. பட்டம்மாள் | |
| பின்னணித் தகவல்கள் | |
| பிற பெயர்கள் | கான சரஸ்வதி , சங்கீத சரஸ்வதி , இசைப் பேரரசி |
| பிறப்பு | மார்ச்சு 19, 1919 |
| பிறப்பிடம் | காஞ்சிபுரம், சென்னை மாகாணம், இந்தியா |
| இறப்பு | 16 சூலை 2009 (அகவை 90) சென்னை, இந்தியா |
| இசை வடிவங்கள் | கருநாடக இசை, பின்னணிப் பாடகி |
| தொழில்(கள்) | பாடகி |
| இசைத்துறையில் | 1929–2009 |
| வெளியீட்டு நிறுவனங்கள் | எச்எம்வி, ஈஎம்ஐ, ஆர்பிஜி, ஏவிஎம் ஸ்டூடியோ |
இருபதாம் நூற்றாண்டின் தொடக்க காலங்களில் ஆண்களே கோலோச்சி வந்த கருநாடக இசை மேடைகளில் தங்கள் இசைத்திறமையால் 'பெண் மும்மூர்த்திகள்' என நிலைநாட்டிக்கொண்ட மூவரில் ஒருவர்[6][7]. மற்றவர்கள் எம். எஸ். சுப்புலட்சுமியும் எம். எல். வசந்தகுமாரியும் ஆவர்.
வாழ்க்கைக் குறிப்புதொகு
அலமேலு என்ற இயற்பெயருடைய “பட்டா” எனச் செல்லமாக அழைக்கப்பட்ட பட்டம்மாள் தமிழ்நாடு காஞ்சிபுரத்திற்கு அருகில் உள்ள தாமல் என்ற ஊரில் ஒரு பிராமணக் குடும்பத்தில் பிறந்தார். தந்தை தாமல் கிருஷ்ணசுவாமி தீட்சிதர். தாயார் காந்திமதி (ராஜம்மாள்) ஒரு சிறந்த பாடகி. அக்காலக் குடும்ப மரபுக்கேற்ப ராஜம்மாள் என்றும் பொது மேடைகளிலோ அல்லது குடும்ப நண்பர்கள் அல்லது உறவினர்களின் முன்னிலையிலோ பாடுவதற்கு அனுமதிக்கப்படவில்லை. ஆனாலும் அந்த மரபுகளையும் தாண்டி பட்டம்மாள் தனது 4 ஆவது வயதிலேயே பாடத் தொடங்கினார்[8]. அவருடன் உடன்பிறந்த மூன்று சகோதரர்கள் டி.கே.ரங்கநாதன், டி.கே.நாகராஜன், டி. கே. ஜெயராமன் ஆகியோரும் சிறந்த பாடகர்கள். பட்டம்மாள் 1939 ஆம் ஆண்டில் ஆர். ஈசுவரன் என்பாரைத் திருமணம் செய்ய்துகொண்டார்.
இசைத் துறையில்தொகு
பட்டம்மாள் முறையாக கருநாடக இசை கற்கவில்லை. கச்சேரிகளில் பாடல்களைக் கேட்டே தன் திறமையை வளர்த்துக் கொண்டார். சிறு வயதிலேயே தனது தந்தை சொல்லிக்கொடுத்த பக்திப் பாடல்களைப் பாடுவார். தெலுங்கு ஆசிரியர் ஒருவரிடம் சிறிது காலம் பயிற்சி எடுத்துக் கொண்டார்[8].
1929 ஆம் ஆண்டில் தனது 10வது அகவையில் முதற்தடவையாக வானொலியில் பாடினார். அந்த பாடலுக்குப் பிறகு தான் டி.கே.பட்டம்மாள் என்ற பேர் பிரபலமானது. அதன் பின்னர் மூன்று ஆண்டுகளின் பின்னர், 1932 இல் எழும்பூர் மகளிர் மன்றத்தில் தனது முதல் கச்சேரியை அரங்கேற்றினார்[8]. பின்னர் காங்கிரஸ் கூட்டங்களில் நிறைய பாட ஆரம்பித்தார்.
மகாகவி சுப்பிரமணிய பாரதியின் பாடல்களைத் தமது மேடைக் கச்சேரிகளிலும் திரைப்படங்களிலும் பாடிவந்தார். பாபநாசம் சிவன், கோபாலகிருஷ்ண பாரதி மற்றும் முத்துத் தாண்டவர் பாடல்களையும் பதங்களையும் பாடி தமிழ் பாடல்களின் சிறப்பை பறைசாற்றினார்.
பட்டம்மாள் பல வெளிநாடுகளுக்குச் சென்று வந்திருக்கிறார். அவரது சீடர்கள் ஜப்பான், சிங்கப்பூர், பிரான்சு, ஜெர்மனி, அமெரிக்கா, கனடா முதலிய நாடுகளில் உள்ளனர். ஜப்பானிய 'அகிகோ'வை திருவையாற்றில் பாட வைத்திருக்கிறார்.
விருதுகள்தொகு
- சங்கீத நாடக அகாடெமி விருது, 1962[9]
- பத்ம பூசண், 1971
- இசைப்பேரறிஞர் விருது, 1973. வழங்கியது: தமிழ் இசைச் சங்கம், சென்னை.[10]
- சங்கீத கலாசிகாமணி விருது, 1978, வழங்கியது: தி ஃபைன் ஆர்ட்ஸ் சொசைட்டி[11]
- பத்ம விபூசண், 1998
- தேசியகுயில்
- சங்கீத கலாநிதி
- கலைமாமணி விருது
- காளிதாஸ் சம்மன் விருது
மேற்கோள்கள்தொகு
- ↑ ஜனனி சம்பத் (15 மார்ச் 2018). "Year-long celebrations to mark DK Pattammal's birth centenary". www.dtnext.in (ஆங்கிலம்). 2018-03-27 அன்று மூலதளத்திலிருந்து பரணிடப்பட்டது எடுக்கப்பட்டது. 27 மார்ச் 2018 அன்று பார்க்கப்பட்டது.
- ↑ "The Hindu: Front page: Pattammal passes away". 2009-07-19 அன்று மூலம் பரணிடப்பட்டது. 2009-07-17 அன்று பார்க்கப்பட்டது.
- ↑ கான சரஸ்வதி. தினமலர் நாளிதழ். 27 மார்ச் 2017. https://m.dinamalar.com/weeklydetail.php?id=36766.
- ↑ பட்டம்மாள் 100: அன்பின் திருவுரு பட்டம்மாள்! - நித்யஸ்ரீ மகாதேவன். இந்து தமிழ் திசை. 6 ஜனவரி 2019. https://www.hindutamil.in/news/supplements/penn-indru/153780-100.html.
- ↑ சங்கீத சரஸ்வதி பட்டம்மாள்! இன்று நூற்றாண்டு பிறந்த நாள். தினமலர் நாளிதழ். 19 மார்ச் 2019. https://www.dinamalar.com/news_detail.asp?id=2236269.
- ↑ "Profile - Sangita Kalanidhi D.K.Pattammal". 2006-10-06 அன்று மூலம் பரணிடப்பட்டது. 2009-07-17 அன்று பார்க்கப்பட்டது.
- ↑ "The Hindu : Chords and Notes". 2009-08-30 அன்று மூலம் பரணிடப்பட்டது. 2009-07-17 அன்று பார்க்கப்பட்டது.
- ↑ 8.0 8.1 8.2 "Music with feeling". 2009-06-25 அன்று மூலம் பரணிடப்பட்டது. 2009-07-17 அன்று பார்க்கப்பட்டது.
- ↑ "Akademi Awardee". சங்கீத நாடக அகாதமி. 16 டிசம்பர் 2018. Archived from the original on 2018-03-16. https://web.archive.org/web/20180316232654/http://sangeetnatak.gov.in/sna/Awardees.php?section=aa. பார்த்த நாள்: 16 டிசம்பர் 2018.
- ↑ "இசைப்பேரறிஞர் பட்டம் வழங்கப் பெற்றவர்கள்". தமிழ் இசைச் சங்கம். 22 டிசம்பர் 2018. 2012-02-12 அன்று மூலம் பரணிடப்பட்டது. 22 டிசம்பர் 2018 அன்று பார்க்கப்பட்டது.
- ↑ Awardees List
வெளி இணைப்புகள்தொகு
- இவருக்கென உருவாக்கப்பட்டுள்ள அதிகாரபூர்வ இணையத்தளம்
- சங்கீத கலாநிதி டி.கே.பட்டம்மாள், பிரேமா சுரேந்திரநாத் பரணிடப்பட்டது 2008-10-14 at the வந்தவழி இயந்திரம்
- விகடன்.கொம் தளம் பரணிடப்பட்டது 2009-07-20 at the வந்தவழி இயந்திரம்
- திரையிசை சாதனையாளர் டி.கே.பட்டம்மாள் பரணிடப்பட்டது 2009-07-19 at the வந்தவழி இயந்திரம்
- பட்டம்மாள் தன்னைப் பற்றிக் கூறுகிறார்
- One Hundred Tamils of the 20th Century, Tamilnation.org
- "பட்டம்மாள் அஞ்சலி" பரணிடப்பட்டது 2009-12-30 at the வந்தவழி இயந்திரம், தமிழ்ஸ்டுடியோ பகுதி 1
- "பட்டம்மாள் அஞ்சலி பரணிடப்பட்டது 2009-12-30 at the வந்தவழி இயந்திரம், தமிழ்ஸ்டுடியோ பகுதி 2
- D.K. Pattammal: A Phenomenon - சிறப்புத் தொகுப்பு, தி இந்து
மேலும் பார்க்கதொகு
- “India’s 50 Most Illustrious Women”, Indra Gupta (ISBN 81-88086-19-3).
- Sleeman, Elizabeth (2002). The International Who's Who of Women 2002. லண்டன்: Routledge.