டோவர் நகரம்
டோவர் (Dover) என்பது தென்கிழக்கு இங்கிலாந்தின் கென்ட் நகரில் உள்ள ஒரு நகரமும், முக்கிய படகு துறைமுகமுமாகும். இது பிரான்சின் கேப் கிரிஸ் நெஸிலிருந்து 33 கிலோமீட்டர் (21 மைல்) தொலைவில் ஆங்கிலக் கால்வாயின் குறுகலான பகுதியான டோவர் நீரிணை வழியாக பிரான்சில் கேப் கிரிஸ் நெஸிலிருந்து பிரான்ஸை எதிர்கொள்கிறது. இது கேன்டர்பரிக்கு தென்கிழக்குயும், மைட்ஸ்டோனின் கிழக்கேயும் அமைந்துள்ளது. இந்த நகரம் டோவர் மாவட்டத்தின் நிர்வாக மையமாகவும், டோவர் துறைமுகத்தின் இல்லமாகவும் உள்ளது. சுற்றியுள்ள சுண்ணாம்பு பாறைகள் டோவரின் டோவரின் வெள்ளை பாறைகள் என்று அழைக்கப்படுகின்றன.
| டோவர் | |
 டோவர் துறைமுகத்தின் வான்வழி பார்வை |
|
| நாடு | இங்கிலாந்து |
|---|---|
| இறையாண்மையுள்ள நாடு | ஐக்கிய இராச்சியம் |
| காவல்துறை | |
| தீயணைப்பு | |
| Ambulance | |
| ஐரோப்பிய பாராளுமன்றம் | |
| இடங்களின் பட்டியல்: ஐக்கிய இராச்சியம் | |
பிரித்தனுக்குள் நுழைவதற்கும் வெளியேறுவதற்கும் மக்கள் இப்பகுதியை எப்போதும் மையமாகக் கொண்டுள்ளனர் என்பதை தொல்பொருள் கண்டுபிடிப்புகள் வெளிப்படுத்தியுள்ளன. அதன் வழியாகப் பாயும் டோர் ஆற்றிலிருந்து இந்த பெயர் உருவானது.
டோவர் துறைமுகம் சுற்றுலாவைப் போலவே நகரத்தின் பெரும்பாலான வேலைகளையும் வழங்குகிறது. [1]
வரலாறு தொகு
.JPG)
.jpg)
தொல்பொருள் கண்டுபிடிப்புகள் இப்பகுதியில் கற்கால மக்கள் இருந்ததாகவும், சில இரும்பு வயது கண்டுபிடிப்புகள் இருப்பதாகவும் காட்டுகின்றன. [2] பண்டைய ரோமானிய காலத்தில், இப்பகுதி ரோமானிய தகவல் தொடர்பு வலையமைப்பின் ஒரு பகுதியாக மாறியது. இது கேன்டர்பரி மற்றும் வாட்லிங் தெருவுக்கு சாலை வழியாக இணைக்கப்பட்டிருந்தது. மேலும் இது போர்டஸ் டப்ரிஸ் என்ற வலுவான துறைமுகமாகவும் மாறியது. இந்நகரம் ஓரளவு பாதுகாக்கப்பட்ட உரோமன் கலங்கரை விளக்கத்தையும் (பிரித்தனில் எஞ்சியிருக்கும் மிக உயரமான உரோமானிய அமைப்பு), பாதுகாக்கப்பட்ட உரோமானிய சுவர் ஓவியங்களைக் கொண்ட ஒரு வில்லாவின் எச்சங்களையும் கொண்டுள்ளது. [3] நகரத்தைப் பற்றிய குறிப்புகள் டோம்ஸ்டே புத்தகத்திலும் குறிப்பிடப்பட்டுள்ளது..
துறைமுகத்திற்கு மேலே கோட்டைகளும், கடந்து செல்லும் கப்பல்களை வழிநடத்த கலங்கரை விளக்கங்களும் கட்டப்பட்டன. இது சின்க் துறைமுகங்களில் ஒன்றாகும். [4] மேலும், பல்வேறு வழிகளில் தாக்கியவர்களுக்கு எதிராக ஒரு கோட்டையாக இருந்துள்ளது: குறிப்பாக பிரெஞ்சின் நெப்போலியப் போர்களின் போதும், ஜெர்மனியின் இரண்டாம் உலகப் போரின்போதும் இது பணியாற்றியது.
புவியியலும், காலநிலையும் தொகு
இந்நகரம் பிரித்தனின் தென்கிழக்கு மூலையில் உள்ளது. டோவர் நீரிணையின் குறுக்கே 34 கிலோமீட்டர் (21 மைல்) தொலைவில் உள்ள தென் போர்லாந்தில் இருந்து, ஐரோப்பிய நிலப்பகுதிக்கு மிக அருகில் உள்ளது. [5] இதன் அசல் குடியேற்றத்தின் தளம் டூர் ஆற்றின் பள்ளத்தாக்கில் அமைந்துள்ளது. தென்கிழக்கு காற்றினால் பயனடைகிறது.
நகரம் ஐக்கிய இராச்சியத்தின் மற்ற பகுதிகளைப் போலவே ஒரு கடல்சார் காலநிலையை (கோப்பன் வகைப்பாடு) கொண்டுள்ளது, ஆண்டு முழுவதும் லேசான வெப்பநிலையும், ஒவ்வொரு மாதமும் லேசான மழைபொழிவும் இருக்கும். வெப்பமான பதிவு வெப்பநிலை 35.9 °C (96.6 °F) இருந்தது. 25 சூலை 2019இல் பதிவு செய்யப்பட்டது. [6] வெப்பநிலை பொதுவாக 3 ° C (37 ° F) முதல் 21.1 ° C (70.0 ° F) வரை இருக்கும். பிப்ரவரியில் கடல் குளிர்ச்சியானது என்பதற்கான சான்றுகள் உள்ளன. சனவரி மாதத்தில் 16 ° C (61 ° F) உடன் ஒப்பிடும்போது பிப்ரவரியில் வெப்பமான வெப்பநிலை 13 ° C (55 ° F) மட்டுமே இருக்கும்.
புள்ளிவிவரங்கள் தொகு
1800 ஆம் ஆண்டில், பிரித்தனின் முதல் தேசிய மக்கள் தொகை கணக்கெடுப்புக்கு ஒரு வருடம் முன்பு, ஆங்கில பழங்கால மற்றும் முன்னோடி வரலாற்றாசிரியரான எட்வர்ட் ஹேஸ்டட் (1732-1812) இந்த நகரத்தில் கிட்டத்தட்ட 10,000 மக்கள் வசிப்பதாகக் கூறியுள்ளார். [7]
2001 ஆம் ஆண்டு மக்கள் தொகை கணக்கெடுப்பின்படி, இந்த நகரத்தில் 28,156 மக்கள் இருந்தனர், அதே நேரத்தில் நகரின் முழு நகர்ப்புற மக்கள்தொகை, தேசிய புள்ளிவிவரங்களுக்கான அலுவலகத்தால் கணக்கிடப்பட்டபடி, 39,078 மக்கள் இருந்தனர்.[8] நகரத்தின் விரிவாக்கத்துடன், பல பழங்கால கிராமங்கள் நகரத்தில் இணைக்கப்பட்டுள்ளன.
.JPG)
மேற்கோள்கள் தொகு
- ↑ Neate, Rupert (20 December 2012). "White cliffs of Dover: locals repel buyout by the French". தி கார்டியன். https://www.theguardian.com/world/2012/dec/20/white-cliffs-dover-buyout.
- ↑ "Archaeology". The Dover Society. http://www.doversociety.org.uk/history-scrapbook/archaeology.
- ↑ "Roman Dover". http://www.dover-kent.co.uk/roman_index.htm.
- ↑ Oldfield, Thomas Hinton Burley. (1794). An entire and complete history, political and personal, of the boroughs of Great Britain: Together with the Cinque Ports, 2d ed. corr. and improved. London: B. Crosby.
- ↑ "Eosnap.com". http://www.eosnap.com/?tag=strait-of-dover.
- ↑ "Record breaking heat-wave July 2019". https://www.metoffice.gov.uk/binaries/content/assets/metofficegovuk/pdf/weather/learn-about/uk-past-events/interesting/2019/2019_007_july_heatwave.pdf.
- ↑ "Hasted description of Dover". 29 January 1998. http://www.british-history.ac.uk/report.aspx?compid=63592.
- ↑ "KS01 Usual resident population: Census 2001, Key Statistics for urban areas". http://www.statistics.gov.uk/statbase/ssdataset.asp?vlnk=8271&More=Y.
நூல்பட்டியல் தொகு
- Statham, S.P.H. (1899). The history of the castle, town, and port of Dover. London: Longmans Green & Co.. பக். 462 p.. https://archive.org/details/historycastleto00statgoog.
- Foot, William (2006). Beaches, fields, streets, and hills ...: the anti-invasion landscapes of England, 1940. CBA research report 144. York: Council for British Archaeology. பன்னாட்டுத் தரப்புத்தக எண்:1-902771-53-2.
வெளி இணைப்புகள் தொகு
