தஞ்சாவூர்ப் பெருவழிகள்

தஞ்சாவூர்ப் பெருவழிகள் என்பவை பழந்தமிழகத்தில் தஞ்சாவூர் நகரைத் தொலைவிலுள்ள நகரங்களோடு இணைத்த வழிகளாகும்.

கல்வெட்டுக் குறிப்புகள்

குரங்காடுதுறை கோயில்

தஞ்சாவூர் மாவட்டத்தில் தஞ்சாவூர்-மயிலாடுதுறை சாலையில் உள்ள ஆடுதுறை என்னும் திருக்குரங்காடுதுறை மகாதேவற்குத் திருவிளக்குகள் வைக்கக் குலோத்துங்க சோழனின் 14ஆம் ஆட்சியாண்டில், அம்பர் நாட்டவர் சிலரால் நன்கொடையாக வழங்கப்பெற்ற நிலத்தின் நான்கெல்லையைப் பற்றிக்கூறும்போது பெருவழி பற்றிய கல்வெட்டுக்குறிப்பு காணப்படுகிறது.

இதே கோயிலில் காணப்பெறும் மற்றொரு துண்டுக்கல்லில் 'தஞ்சாவூர்ப் பெருவழி வடக்கும்' என்ற குறிப்பு உள்ளது.

முனியூர் சிவன் கோயில்

தஞ்சாவூர் மாவட்டம் அவளிவணல்லூர்க்கு அருகிலுள்ள முனியூர் சிவன் கோயிலுள்ள மூன்றாம் இராசராசசோழனின் நான்காம் ஆண்டுக் கல்வெட்டில் மற்றொரு தஞ்சாவூர்ப் பெருவழி பற்றிய குறிப்பு உள்ளது.

மேற்கோள்கள்

<references>