தந்தையர் நாள்
தந்தையர் நாள் ( Father's Day ) என்பது ஒருவரின் தந்தை அவர்தம் சமூகத்தில் செல்வாக்கையும் கௌரவிக்கும் நாளாக கொண்டாடப்படுகளறது. உலகின் 112 மேற்பட்ட நாடுகளில், இந்நாள் கொண்டாடப்படுகிறது. அதே போல் தந்தையர், தந்தைவழி பிணைப்புகள் மற்றும் சமூகத்தில் தந்தையர்களின் செல்வாக்கு ஆகியவற்றையும் கௌரவிக்கும் ஒரு விடுமுறை நாளாகவும் தந்தையர் நாள் கொண்டாடப்படுகிறது. அன்னையர் நாள் மற்றும் சில நாடுகளில், உடன்பிறந்தோர் நாள் மற்றும் தாத்தா பாட்டி நாள் போன்ற குடும்ப உறுப்பினர்களை கௌரவிக்கும் ஒத்த கொண்டாட்டங்களை நிறைவு செய்கிறது. இந்த நாள் உலகம் முழுவதும் பல்வேறு திங்கள்களில், நாளகளில் கொண்டாடப்படுகிறது. மேலும் பல்வேறு பிராந்தியங்கள் தந்தையை கௌரவிக்கும் தங்கள் சொந்த மரபுகளைப் பேணுகின்றன.
| தந்தையர் நாள் | |
|---|---|
 தந்தையர் நாளில் சிறாரால் வீட்டிலே செய்யப்பட்ட கேக் | |
| கடைப்பிடிப்போர் | 112+ நாடுகள் |
| வகை | சர்வதேச அளவில் |
| நாள் | நாடுகளுக்கேற்ப வேறுபடும். |
| தொடர்புடையன | அன்னையர் நாள், உலகப் பெற்றோர் நாள், குழந்தைகள் நாள் |
வரலாறு
தொகு| தந்தையர் நாள் Father's Day | |
|---|---|
 ' | |
| கடைப்பிடிப்போர் | 112+ நாடுகளுக்கு மேல் |
| வகை | பன்னாட்டு அளவில் |
| முக்கியத்துவம் | தந்தையர்களையும் தந்தையையும் கௌரவித்தல் |
| நாள் | நாட்டுக்கு நாடு மாறுபடும் |
20 ஆம் நூற்றாண்டின் முற்பகுதியில் , தந்தையர் நாள் முதன்முதலில் 1908 ஆம் ஆண்டில் அமெரிக்காவில் அனுசரிக்கப்பட்டு படிப்படியாக பிரபலமடைந்தது. பிறகு, அன்னையர் நாளை முழுமைப்படுத்த தந்தை இடம் மற்றும் தந்தையைக் கொண்டாடுவதற்காக தந்தையர் நாள் என்ற கொண்டாட்டம் தொடங்கி வைக்கப்பட்டது. மேலும் தந்தையர் மற்றும் முன்னோர்களின் நினைவு விழாவாகவும் இந்நாளில் கொண்டாடப்பட்டு கெளரவிக்கப்படுகிறது. உலகளவில் தந்தையர் நாள் பல்வேறு தேதிகளில் கொண்டாப்படுகிறது. மேலும் இந்நாளில் தந்தையருக்கு பரிசுகளைக் கொடுப்பது, சிறந்த இரவு விருந்து அளிப்பது மற்றும் குடும்ப-உறவுகள் செயல்பாடுகளில் ஈடுபடுவது போன்றவை மேற்கொள்ளப்படும்.
இந்தியாவில் தந்தையர் நாள்
தொகுதந்தையர் நாள் என்பது இந்தியாவின் பாரம்பரியமாக கொண்டாடப்படும் நாள் அல்ல. மாறாக மேற்கத்திய உலகின் செல்வாக்கால் பின்பற்றப்படுகிறது. இது ஜூன் மாதத்தின் மூன்றாவது ஞாயிற்றுக்கிழமை கொண்டாடப்படுகிறது. இந்த நிகழ்வு பொது விடுமுறை அல்ல. இந்த நாள் பொதுவாக மும்பை, புது தில்லி, சென்னை, பெங்களூரு, புனே, கொல்கத்தா, ஜெய்ப்பூர், லக்னோ போன்ற பெரிய நகரங்களில் மட்டுமே கொண்டாடப்படுகிறது. வடகிழக்கு மாநிலமான நாகாலாந்து மற்றும் கேரளாவில் இது ஒரு பெரிய விடுமுறை நாளாக கொண்டாடப்படுகிறது. அங்கு ஞாயிற்றுக்கிழமை தேவாலய சேவைகளில் பிரார்த்தனைகள் நடத்தப்படுகின்றன. இந்திய பெருநகரங்கள், வெகு காலத்திற்குப் பிறகு, இந்த நிகழ்வை அங்கீகரித்தன. இந்தியாவில், குழந்தைகள் தங்கள் தந்தைகளுக்கு வாழ்த்து அட்டைகள், மின்னணு துணுக்கு செய்திகள், சட்டைகள், தங்க அணிகலன்கள் , புத்தகங்கள் போன்ற பரிசுகளை வழங்குவதன் மூலம் இந்த நாள் கொண்டாடப்படுகிறது. சீக்கியர்கள் டிசம்பர் 29 அன்று குரு கோவிந்த் சிங் பிறந்தநாளை தந்தையர் தினமாக கொண்டாடுகிறார்கள்.
உலக நாடுகளில் தந்தையர் நாள்
தொகுஐரோப்பாவின் கத்தோலிக்க நாடுகளில், இது இடைக்கால மார்ச் 19 அன்று செயிண்ட் ஜோசப் நாளாக கொண்டாடப்படுகிறது. அமெரிக்காவில், தந்தையர் நாள் 1910 ஆம் ஆண்டில் சோனோரா ஸ்மார்ட் டாட் என்பவரால் வாஷிங்டன் மாநிலத்தில் நிறுவப்பட்டது. தந்தையர் நாள் என்பது லிதுவேனியா மற்றும் ஸ்பெயினின் சில பகுதிகளில் அங்கீகரிக்கப்பட்ட பொது விடுமுறை, இது 1977 வரை இத்தாலி கருதப்பட்டது. இது எஸ்டோனியா, சமோவா மற்றும் தென் கொரியா ஒரு தேசிய விடுமுறை நாளாகவும், பெற்றோர் நாளாகவும் கொண்டாடப்படுகிறது.
இது அதிகாரபூர்வ விடுமுறை நாளாக அறிவிக்கப்படுவதற்கு பல ஆண்டுகள் ஆனது. இருந்தபோதிலும் இளம் கிறித்துவ பெண்கள் சங்கத்திற்கு இருந்த ஆதரவால், இளம் கிறித்துவ அமைப்புகள், தேவாலயங்கள் போன்ற இடங்களில் இது நாட்கட்டிகளில் இல்லாத போதும் கொண்டாடப்பட்டது. அன்னையர் நாள் மிகுந்த ஆர்வத்துடன் கொண்டாடப்பட்ட போது, தந்தையர் நாள் குதூகலமாய் கொண்டாடப்பட்டது.
தந்தையர் நாள் மட்டுமின்றி பல நாடுகளில் சர்வதேச ஆண்கள் நாள் கொண்டாடப்படுகிறது. இது பெரும்பாலும் நவம்பர் 19இல் கொண்டாடப்படுகிறது.
வணிகமயமாக்கல்
தொகு1930களில் ஆண்களின் உடுப்புகளுக்கான இணைக்கப்பட்ட விற்பனையாளர்கள் நியூயார்க் நகரத்தில் தேசிய தந்தையர் நாள் செயற்குழுவை அமைத்தனர். 1938 ஆம் ஆண்டில் இந்த அமைப்பின் பெயரானது தந்தையர் நாளை ஊக்குவிப்பதற்கான தேசிய கவுன்சில் என மாற்றம் செய்யப்பட்டது. மேலும் இதில் பிற வாணிக அமைப்புகளும் ஒருங்கிணைந்தன.[1] மக்களின் மனதில் இந்த விடுமுறையை சட்டரீதியாக ஆக்குவதும் மேலும் விடுமுறையில் விற்பனையை பெருக்குவதற்காக இந்த விடுமுறையை மிகுந்த திட்டமிட்ட வழியில் வணிகரீதியில் பல நிகழ்ச்சிகளாக செயல்படுத்துவதும் இந்த செயற்குழுவின் நோக்கமாகும்.[1] இந்த செயற்குழுவுக்கு டோடின் ஆதரவு எப்போதும் இருந்தது. இந்த விடுமுறையை வணிகமயமாக்குதலால் இவருக்கு எந்த பிரச்சனையும் இல்லை மேலும் பரிசுகளை குறிப்பிட்ட எண்ணிக்கையில் உயர்த்துவதற்கான பல்வேறு ஊக்குவித்தலுக்கும் அவர் ஒப்புதல் அளித்தார்.[2] இந்த விஷயத்தில் அன்னையர் நாளுக்கான அனைத்து வணிகமயமாக்குதல்களையும் தற்போது எதிர்த்துக் கொண்டிருக்கும் அன்னா ஜார்விஸுக்கு எதிரானவராக இவரைக் கருதலாம்.[2]
உலகம் முழுவதிலும் தந்தையர் நாள்
தொகுதந்தையர் நாள் கொண்டாடுவதற்கு, அதிகாரப்பூர்வமாக அங்கீகரிக்கப்பட்ட நாள் நாட்டுக்கு நாடு வேறுபடுகிறது. அதே போன்று தந்தையர் நாள் வடிவங்களும், நடைமுைறைகளும் வேறுபடுகின்றன.
முன் வரலாறு
தொகுமுதல் நவீன "தந்தையர் நாள்" கொண்டாட்டமானது ஜூலை 5, 1908 அன்று மேற்கு வெர்ஜினியாவில் உள்ள பேர்மோண்ட்டில் மத்திய யுனைட்டட் மெத்தொடிஸ்ட் தேவாலயம் என இப்போது அறியப்படும் வில்லியம்ஸ் நினைவு மெத்தொடிஸ்ட் எபிஸ்கோபல் தெற்கு தேவாலயத்தில் கடைப்பிடிக்கப்பட்டது. கிரேஸ் கோல்டன் கிளைடன் அவருடைய அப்பாவான, மெத்தொடிஸ்ட் மதகுருவான ஃப்ளெட்சர் கோல்டன் பிறந்த நாளுக்கு அருகில் வரும் ஞாயிற்றுக் கிழமையைத் தேர்ந்தெடுத்தார். இந்த நகரத்தில் பிற நிகழ்ச்சிகள் அதிகமாக இருந்ததால் இந்தக் கொண்டாட்டம் அவர்களது நகரத்தைத் தாண்டி ஊக்குவிக்கப்படவே இல்லை. மேலும் எந்த அரசுப் பொது அறிவிப்பும் நகர கவுன்சிலால் மேற்கொள்ளப்படவில்லை. வேறு இரண்டு நிகழ்ச்சிகள் இந்த நிகழ்ச்சியின் மேல் ஆதிக்கம் செலுத்தின. அவை: ஜூலை 4 ஆம் தேதியில் கொண்டாடப்படும் சுதந்திர தினத்தில் 12,000 பேர் கலந்து கொண்டு வெப்பமான காற்று பலூன் நிகழ்ச்சி உள்ளிட்ட பல்வேறு காட்சிகள் நடத்தப்பட்டது. இதில் ஒரு 16 வயது இளம் பெண் இறந்திருந்தார் அது ஜூலை 5 ஆம் தேதி தெரியவந்தது. இந்த சம்பவத்தைத் தொடர்ந்து வந்த நாள்களில் இது முக்கிய செய்தியாக இருந்தது. உள்ளூர் தேவாலயமும் , நிருவாக குழுவும் ஆர்வமெடுத்து இந்த நிகழ்ச்சியை ஊக்குவிப்பதைப் பற்றி நினைக்கவே இல்லை. மேலும் இந்த நிகழ்ச்சி மீண்டும் பல ஆண்டுகளுக்கு கொண்டாடப்படவே இல்லை. இந்த நிகழ்ச்சியைப் பற்றிய போதனை மீண்டும் நிகழ்த்தப்படாமல் இது கைவிடப்பட்டது. மேலும் கிரேஸ் கோல்டன் கிளைடன் இந்த நிகழ்ச்சியை ஊக்குவிக்கவோ மற்றவர்களிடம் இந்த நிகழ்ச்சியைப் பற்றி பேசக்கூட செய்யாமல் அமைதியாக இருந்து விட்டார்.[3][4][5]
கிளைடன் அவருடைய அப்பாவின் இழப்பினால் துயருற்றிருந்தார். மேலும் அந்த ஆண்டின் டிசம்பர் மாதத்தில் மோனோநக் அருகில் உள்ள மோனோநக் சுரங்கத்தொழில் சேதத்தில் 361 ஆண்கள் கொல்லப்பட்டனர். அதில் 250 பேர் அப்பாக்கள் இந்த சம்பவத்தால் ஆயிரத்துக்கும் மேலானோர் அப்பா இல்லாத குழந்தைகள் ஆனார்கள். கிளைடன் அவருடைய மதகுருவான ராபர்ட் தாமஸ் வெப்பை இறந்த அனைத்து அப்பாக்களையும் கெளரவிக்கும் படி கேட்டுக் கொண்டார்.[3][4][5]
பேர்மோண்ட்டில் இருந்து 15 மைல்கள் (24 கிமீ) தொலைவில் இருக்கும் நகரமான கிரப்டன், மேற்கு விர்ஜினியாவில் அவரது அம்மா இறந்ததற்கான சடங்குகளை இரண்டு மாதத்திற்கு முன்பு அன்னா ஜர்விஸ் செய்திருந்தார். மேலும் அன்னா ஜர்விஸ்' அன்னையர் நாளை நிறுவுவதற்கு அறப்போர் நடத்தியதில் கிளைடனும் ஈர்க்கப்பட்டிருக்கலாம்.[3]
மேலும் காண்க
தொகு
மேற்கோள்கள்
தொகு- ↑ 1.0 1.1 லேய்க், 1997, ப. 246, 286, 288-289.
- ↑ 2.0 2.1 லேய்க், 1997, ப. 289, 355 (குறிப்பு 111).
- ↑ 3.0 3.1 3.2 Smith, Vicki (June 15, 2003). "The first Father's Day". Martinsburg Journal (Martinsburg, West Virginia) இம் மூலத்தில் இருந்து 2010-08-16 அன்று. பரணிடப்பட்டது.. https://web.archive.org/web/20100816024835/http://www.wvculture.org/HiStory/miscellaneous/fathersday02.html. பார்த்த நாள்: 2006-11-07.
- ↑ 4.0 4.1 Barth, Kelly (June 21, 1987). "First Father's Day service in 1908". Dominion Post (Morgantown, West Virginia) இம் மூலத்தில் இருந்து 2010-06-11 அன்று. பரணிடப்பட்டது.. https://web.archive.org/web/20100611200119/http://www.wvculture.org/HiStory/miscellaneous/fathersday01.html. பார்த்த நாள்: 2006-11-07.
- ↑ 5.0 5.1 [முதல் தந்தையர் தின சேவை நிகழ்ச்சி பேர்மோண்டில், மேற்கு விர்ஜினியாவில், ஜூலை 5, 1908 இல் வில்லியம்ஸ் நினைவு மெத்தொடிஸ்ட் எஸ்பிஸ்கோபல் தேவாலயத்தில் நிகழ்த்தப்பட்டது http://www.firstfathersday.us/webb.htm பரணிடப்பட்டது 2011-05-15 at the வந்தவழி இயந்திரம்], firstfathersday.us
ஆதார நூற்பட்டியல்
தொகு- LEIGH Eric Schmidt (1997). Princeton University Press (ed.). Consumer Rites: The Buying and Selling of American Holidays (reprint, illustrated ed.). pp. 275–292. ISBN 0691017212.
கூடுதல் வாசிப்பு
தொகு- LAROSSA, Ralph (1997). University of Chicago Press (ed.). The Modernization of Fatherhood: A Social and Political History (illustrated ed.). pp. 90, 170–192. ISBN 0226469042.
புற இணைப்புகள்
தொகு- தந்தையர் தினத்திற்காக அமெரிக்க ஜனாதிபதிகள் அரசுப் பொது அறிவிப்பு, ஜார்ஜ் W. புஷ் மற்றும் பில் கிளிண்டனிடம் இருந்து
- 2000 இல் இருந்து வேறுபட்ட அமெரிக்க ஜனாதிபதிகளால் தந்தையர் தினத்திற்கான அனைத்து அரசுப் பொது அறிவிப்புகளும் இயற்றப்பட்டது
- பாதர்'ஸ் டே பிசிகொலொஜி ரிசர்ச் ஸ்டடி 2009 பரணிடப்பட்டது 2009-06-24 at the வந்தவழி இயந்திரம்