தஸ்லிமா அக்தர்
தசுலிமா அக்தர் (பிறப்பு 1974) ஒரு வங்காளதேச ஆர்வலரும் மற்றும் புகைப்படக் கலைஞரும் ஆவார். இவர் தாக்கா பல்கலைக்கழகத்தில் பயின்ற பட்டதாரி ஆவார். அத்துடன் பாத்சாலா புகைப்படப் பள்ளியிலும் பயின்றார். இவர் பல ஆர்வலர் அமைப்புகளில் உறுப்பினராக உள்ளார். 2013 ஆம் ஆண்டில் இராணா பிளாசா என்ற பேரும் கட்டிடத்தின் சிதைவை ஆவணப்படுத்தும் போது, ஒரு பெண் மற்றும் ஒரு ஆண் ஒருவர் கையில் ஒருவர் இருந்தவாறு இறந்த புகைப்படத்தை எடுத்தார். இது இச்சம்பவத்தின் அடையாளமாக மாறியது.
| தஸ்லிமா அக்தர் | |
|---|---|
 வங்கதேச விக்கிமீடியா நிகழ்வில் தஸ்லிமா அக்தர் (மே, 2019). | |
| பிறப்பு | 1974 (அகவை 49–50) டாக்கா |
| தேசியம் | வங்கதேசத்தவர் |
| படித்த கல்வி நிறுவனங்கள் | தாக்கா பல்கலைக்கழகம் |
| பணி | ஒளிப்படக் கலைஞர் மற்றும் செயற்பாட்டாளர் |
| குறிப்பிடத்தக்க படைப்புகள் | இறுதி அரவணைப்பு |
| வலைத்தளம் | |
| taslimaakhter | |
சுயசரிதை
தொகுதஸ்லிமா அக்தர் வங்காளதேசத்தில் உள்ள தாக்காவில் 1974 ஆம் ஆண்டு பிறந்தார்.[1] இவர்தாக்கா பல்கலைக்கழகத்தில் பயின்ற பட்டதாரி ஆவார். இவர் அறிவியல் மற்றும் பொது நிர்வாகத்தில் முதுகைலப் பட்டம் பெற்றார். [2] பல்கலைக்கழகத்தில் இருந்தபோது, இவர் வங்கதேச மாணவர் கூட்டமைப்பில் உறுப்பினராக இருந்தார். [2] சகிதுல் ஆலம் என்ற வங்கதேச ஒளிப்படக் கலைஞரால் நிறுவப்பட்ட பாடசாலா என்ற நிறுவனத்தில் ஒளிப்பட இதழியலைப் படித்தார்.[2] [3] 2008 ஆம் ஆண்டு வங்காளதேசத்தில் ஏற்பட்ட அரசியல் நெருக்கடியின் போது ஏற்பட்ட அனுபவத்தால் ஓரளவு உந்தப்பட்ட அவர் தனது புகைப்படம் மூலம் சமூக மற்றும் சுற்றுச்சூழல் பிரச்சினைகளின் மீது கவனம் செலுத்த வைக்க முயற்சி மேற்கொண்டு வருகிறார். 2012 ஆம் ஆண்டில் தஸ்ஸ்ரீதொழிற்சாலையில் ஏற்பட்ட தீ விபத்தை ஆவணப்படுத்தியவர்களில் அக்தரும் ஒருவர். வங்காளதேசத்தில் உள்ள பல நகரங்களிலும், இந்தியாவின் நந்திகிராமிலும் அக்தர் வேலை செய்துள்ளார்.[2] இவரது பணி 2010 ஆம் ஆண்டில் மேக்னம் அறக்கட்டளை உதவித்தொகையைப் பெற வழிவகுத்தது. இவரது படைப்புகள் பல நாடுகளில் காட்சிப்படுத்தப்பட்டுள்ளன. [1]
அக்தர் மகளிர் அமைப்பான பிப்லோபி நாரி சங்கதி மற்றும் இடதுசாரி ஆர்வலர் குழுவான கண சங்கதி அந்தோலன் ஆகியவற்றில் உறுப்பினராக உள்ளார். கார்மென்ட்ஸ் ஸ்ராமிக் சங்கதன் (ஆடைத் தொழிலாளர் சங்கம்) அமைப்பின் ஒருங்கிணைப்பாளராகவும் உள்ளார். கூடுதலாக, இவர் பாடசாலாவில் ஒளிப்படக் கலையை கற்பிப்பதிலும் ஈடுபட்டு வந்தார். அக்தரின் அரசியல் அவரது ஒளிப்படங்களில் ஆதிக்கம் செலுத்துகிறது. [3]
"இறுதி அரவணைப்பு"
தொகு2013 ஆம் ஆண்டில் ராணா பிளாசா கட்டிடத்தின் திடீர் சிதைவைத் தொடர்ந்து, அக்தர் மற்றும் பாடசாலாவைச் சேர்ந்த பிற புகைப்படக் கலைஞர்கள் அங்கு இறந்தவர்களின் வாழ்க்கையை ஆவணப்படுத்த முயன்றனர். இவர்கள் மீட்புப் பணிகளிலும் பங்கேற்றனர். இந்தக் கதைகள் பின்னர் சோபிஷ் ஏப்ரல்: ஹஜார் பிரனர் சிட்கர் (24 ஏப்ரல்: ஆயிரம் ஆத்மாக்களின் கூக்குரல்கள்) என்ற தலைப்பில் புத்தகமாக வெளியிடப்பட்டன. இந்த வெளியீடு ஆடைத் தொழிலாளர் சங்கத்துடன் அக்தரின் பணி தொடர்பானது. இந்த செயல்பாட்டின் போது, கட்டிட இடிபாடுகளில் இறந்த ஒரு ஆணும் பெண்ணும் ஒருவரையொருவர் அணைத்தபடி இறந்துபோனதை அக்தர் புகைப்படம் எடுத்தார். [4] இந்தப் புகைப்படம், "நித்திய அணைப்பு" [5] "ஆயிரம் கனவுகளுடனான மரணம்", [6] மற்றும் "இறுதி அரவணைப்பு" எனப் பல்வேறு பெயர் சூட்டி அழைக்கப்பட்டது. [7] பரவலான விமர்சனக் கவனத்தையும் மற்றும் பல விருதுகளையும் பெற்றார். மேலும், 1100 பேர் இறந்த சம்பவத்தின் அடையாளமாகவும் ஆனார்.[5] இந்த ஒளிப்படம் இணையத்தில் பரவலான கவனத்தைப் பெற்றது. மேலும், ஆயத்த ஆடைத் தொழிலில் ஈடுபடும் தொழிலாளர்களுக்கு குறைந்தபட்ச ஊதியம் உயர்த்தப்பட வேண்டியது மற்றும் மேம்பட்ட பாதுகாப்புத் தரங்களைக் கோரி ஆயத்த ஆடை நிறுவனங்களுக்கு மனுக்களை அளிக்கச் செய்தது. [5] அக்தர் ஒளிப்படங்களின் பயிலிடமாக தன்னைத் தானே குறிப்பிட்டுக் கொள்கிறார். [5] [8]
விருதுகள்
தொகு- ஆடைத் தொழிலாளர்களின் வாழ்க்கை மற்றும் போராட்டம் என்ற ஆவணப்படத்திற்காக ஜூலியா மார்கரெட் கேமரூன் விருதில் ஆவணப்பட புகைப்படத்திற்கான மூன்றாவது பரிசு , (2010). [1]
- "இறுதி தழுவல்" (2013) க்கான டைம் பத்திரிகையின் "2013 -ன் சிறந்த 10 புகைப்படங்கள்". [1] [9]
- சீனாவில் நடைபெற்ற 5 வது டாலி சர்வதேச புகைப்படக் கண்காட்சியின் சிறந்த புகைப்படக் கலைஞர் விருது (2013). [1]
- "ஸ்பாட் நியூஸ்" பிரிவில் ஒற்றை புகைப்படங்களுக்கான மூன்றாவது பரிசு, உலக பத்திரிகை புகைப்பட போட்டி, 2014. [10]
மேற்கோள்கள்
தொகு- ↑ 1.0 1.1 1.2 1.3 1.4 "Taslima Akhter". World Press Photo. பார்க்கப்பட்ட நாள் 4 November 2016.
- ↑ 2.0 2.1 2.2 2.3 Hossain, Anika (23 August 2014). "Activism Through Photography". dailystar.net. பார்க்கப்பட்ட நாள் 4 November 2016.
- ↑ 3.0 3.1 Prashad, Vijay (12 October 2015). "Workers' yarns". Himal magazine.
- ↑ Pollack, Kira (2 December 2013). "TIME Picks the Top 10 Photos of 2013". Time magazine. பார்க்கப்பட்ட நாள் 4 November 2016.
- ↑ 5.0 5.1 5.2 5.3 .
- ↑ "Photography Oxford festival 2014". The Guardian. 27 September 2014. பார்க்கப்பட்ட நாள் 4 November 2016.
- ↑ "Rana Plaza images win World Press Photo". bdnews24.com. பார்க்கப்பட்ட நாள் 4 November 2016.
- ↑ "Haunting Dhaka disaster picture: A last embrace after clothes factor collapse that killed 950". Mirror.co.uk. 10 May 2013. பார்க்கப்பட்ட நாள் 4 November 2016.
- ↑ Kira Pollack, "TIME Picks the Top 10 Photos of 2013" டைம் (இதழ்), Accessed 16 November 2016
- ↑ "2014 Photo Contest". World Press Photo. பார்க்கப்பட்ட நாள் 4 November 2016.