Marabumaindan

மரபின்மைந்தன் முத்தையா கோவையைச் சேர்ந்தவர் கவிஞர்-எழுத்தாளர்-பத்திரிகை ஆசிரியர் என்று பன்முகப் பரிமாணங்கள் கொண்டவர். கோவையில் 01.08.1968 அன்று பிறந்த மரபின்மைந்தன் முத்தையா மரபிலக்கியங்களில் ஆழமான பார்வையும் மரபுக்கவிதைகள் புனைவதில் சிறந்த திறமையும் கொண்டவர்.

தமிழக அரசின் கலைமாமணி விருது உட்பட பத்துக்கும் மேற்பட்ட விருதுகள் பெற்றுள்ளார். இவர் இதுவரை 53 நூல்கள் எழுதியுள்ளார். கவிதைகள்,சுயமுன்னேற்ற நூல்கள்,இலக்கியம்,ஆன்மீகம்,மொழிபெயர்ப்பு, வாழ்க்கை வரலாறு என பல வகைமைகளில் இவருடைய நூல்கள் வெளியாகி வருகின்றன.

அமெரிக்கா,பாரீஸ்,சுவுட்சர்லாந்து,மொரீஷியஸ்,குவைத் அபுதாபி மலேசியா சிங்கப்பூர் உள்ளிட்ட பல அயல்நாடுகளில் தொடர்ந்து பயணம் செய்து இலக்கிய உரைகளும் ஆன்மீக சொற்பொழிவுகளும் நிகழ்த்தி வருகிறார்.

இவர் "நமது நம்பிக்கை" என்னும் தலைப்பில் சுய முன்னேற்ற மாத இதழ் ஒன்றைத் தொடங்கி ஆசிரியர் பொறுப்பேற்று நடத்தி வருகிறார். "சிகரம் உங்கள் உயரம்" என்னும் மனிதவள மேம்பாட்டு இயக்கத்தின் நிறுவனராகவும் உள்ளார்.

ஏராளமான இசைப்பாடல்களை எழுதியுள்ளார். இவரது பாடல்களை திருமதி வாணி ஹெயராம்,திரு.கே.ஜே.யேசுதாஸ்,திரு.எஸ்.பி.பாலசுப்பிரமணியம்,திரு.உன்னி கிருஷ்ணன்,திருமதி சுதா ரகுநாதன்,செல்வி சுவர்ணலதா,ஹரிணி,அனுராதா ஶ்ரீராம்,சுஜாதா ஹரீஷ் ரகவேந்திரா,தீபா மிரியம் போன்ற புகழ்பெற்ற பாடகர்கள் பாடியுள்ளனர் . marabinmaindan@gmail.com இவரது மின்னஞ்சல்.இவரது படைப்புகளை www.marabinmaindanmuthiah.blogspot.in என்னும் வலைதளத்தில் வாசிக்கலாம்.