பள்ளிப்பட்டு

பள்ளிப்பட்டு (ஆங்கிலம்:Pallipattu), இந்தியாவின் தமிழ்நாடு மாநிலத்தில் அமைந்துள்ள திருவள்ளூர் மாவட்டம், பள்ளிப்பட்டு வட்டத்தின் நிர்வாகத் தலமையிடமும், பேரூராட்சியும் ஆகும். பள்ளிப்பட்டு ஊராட்சி ஒன்றியத்தின் வட்டார வளர்ச்சி அலுவலகம் பள்ளிப்பட்டில் இயங்குகிறது.

பள்ளிப்பட்டு
பள்ளிப்பட்டு இருப்பிடம்: பள்ளிப்பட்டு , தமிழ்நாடு , இந்தியா
அமைவிடம்	13°20′N 79°27′E
நாடு	இந்தியா
மாநிலம்	தமிழ்நாடு
மாவட்டம்	திருவள்ளூர்
வட்டம்	பள்ளிப்பட்டு
ஆளுநர்	பன்வாரிலால் புரோகித்
முதலமைச்சர்	எடப்பாடி க. பழனிசாமி
மாவட்ட ஆட்சியர்	மகேஸ்வரி ரவிக்குமார், இ. ஆ. ப.
மக்கள் தொகை • அடர்த்தி	8,721 (2011) • 1,133/km2 (2,934/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	7.70 சதுர கிலோமீட்டர்கள் (2.97 sq mi) • 154 மீட்டர்கள் (505 ft)
இணையதளம்	www.townpanchayat.in/pallipat

அமைவிடம்

தமிழ்நாடு - ஆந்திரப்பிரதேசம் எல்லையில் அமைந்த இப்பேருராட்சியானது, மாவட்ட தலைமையிடமான திருவள்ளூரிலிருந்து 70 கி.மீ தொலைவிலும், சென்னையிலிருந்து 95 கிமீ தொலைவிலும் உள்ளது. இதன் கிழக்கில் நகரி 16 கிமீ; மேற்கில் சித்தூர் 40 கிமீ; வடக்கில் திருப்பதி 70 கிமீ தொலைவில் உள்ளது.

பேரூராட்சியின் அமைப்பு

7.70 சகிமீ பரப்பும், 15 பேரூராட்சி மன்ற உறுப்பினர்களையும், 55 தெருக்களையும் கொண்ட இப்பேரூராட்சி திருத்தணி (சட்டமன்றத் தொகுதி) மற்றும் அரக்கோணம் மக்களவைத் தொகுதிக்குட்பட்டதாகும்.

மக்கள் தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 1,979 வீடுகளும், 8,721 மக்கள்தொகையும், கொண்டது. மேலும் இப்பேரூராட்சியின் எழுத்தறிவு 82.30% மற்றும் பாலின விகிதம், ஆயிரம் ஆண்களுக்கு, 1024 பெண்கள் வீதம் உள்ளனர்.

புவியியல்

இவ்வூரின் அமைவிடம் 13.33°N 79.45°E / 13.33; 79.45 ஆகும். கடல் மட்டத்தில் இருந்து இவ்வூர் சராசரியாக 154 மீட்டர் (505 அடி) உயரத்தில் இருக்கின்றது.