மியான் அபீப் உல்லா
மியான் அபீப் உல்லா (ஆங்கிலம்: Mian Habib Ullah) 1948 ஏப்ரல் 30 அன்று பிறந்த இவர் ஒரு பாக்கித்தான் தொழிலதிபர் மற்றும் சினியோட்டைச் சேர்ந்த இராஜதந்திரியும் ஆவார். மேலும் இஸ்லாமாபாத் பங்குச் சந்தை மற்றும் ஏற்றுமதி மேம்பாட்டு பணியகத்துடனான (பாக்கித்தான் அரசின் வர்த்தக மேம்பாட்டு ஆணையம் ) தொடர்புக்காக அவர் மிகவும் பிரபலமானவர். அவர் இஸ்லாமாபாத் பங்குச் சந்தையின் நிறுவன உறுப்பினராகவும் இருந்தார். சைப்ரஸ் குடியரசின் தற்போதைய கெளரவத் துணைத் தூதராக உள்ளார். நவம்பர் 2014 இல் கெளரவ தூதர்கள் மற்றும் தூதரக தளபதிகளின் டீனாகவும் தேர்ந்தெடுக்கப்பட்டார். [1] மியான் அபீப் உல்லா முன்னாள் வெளியுறவு மந்திரி மற்றும் முன்னாள், பாக்கித்தான் வர்த்தக மற்றும் தொழில்துறை கூட்டமைப்பின் தலைவர் மற்றும் ராவல்பிண்டி வர்த்தக மற்றும் தொழில்துறை கூட்டமைப்பின் முன்னாள் தலைவரும் ஆவார். [2] அவர் தனது இரண்டாவது பதவியில் பிரதம மந்திரி பெனாசிர் பூட்டோவுடன் நெருக்கமாக தொடர்பு கொண்டிருந்தார். மேலும் வர்த்தகத்தில் அவரது ஆலோசகராகவும் பணியாற்றினார். அவர் அனைத்து பாக்கித்தான் சீனா நட்பு சங்கத்தின் முன்னாள் தலைவராகவும் உள்ளார். [3]
தனிப்பட்ட வாழ்க்கை தொகு
மியான் அபீப் உல்லா பாக்கித்தானிலுள்ள லாகூரில் பிறந்தார். மத்திய வர்த்தக, கைத்தொழில் மற்றும் துணித்துறை அமைச்சராக பணியாற்றிய சாசாதா ஆலம் மோன்னூவின் சகோதரியை திருமணம் செய்து கொண்டார். மியான் அபீப் உல்லா தனது சகோதரத்துவத்தின் வணிக புத்திசாலித்தனத்திற்கு ஒரு வாழ்க்கை உதாரணம். அவரது தாத்தா தோஸ்த் முகமது தென்னிந்தியாவிலிருந்து தோல்களை ஏற்றுமதி செய்யத் தொடங்கினார். 1952 ஆம் ஆண்டில் ஜீனத் துணி ஆலைகள் உட்பட 25,000 சுழல் அச்சுக்கள் மற்றும் 500 தறிகளுடன் பல தொழில்துறை பிரிவுகளை அமைத்தார். அந்த நேரத்தில் பாக்கித்தானில் முதல் 4 மிகப்பெரிய துணிக் குழுக்களில் இதுவும் இருந்தது. 1981 ஆம் ஆண்டில் அவரது தந்தை இறந்த பிறகுதான், மியான் அபீப் உல்லா சொந்தமாக தொழிலைத் தொடங்கினார். தங்களது குடும்ப நிறுவனமான டி.எம். துணி ஆலைகளில் தனது மாமாக்களின் பங்குகளை வாங்கினார். . [4]
கல்வி தொகு
மியான் அபீப் உல்லா பஞ்சாப் பல்கலைக்கழகத்தில் வணிகத்தில் பட்டம் பெற்றார்.
சாதனைகள் தொகு
மியான் அபீப் உல்லாவின் தலைமையில் பாக்கித்தான் வர்தக மேம்பாட்டு ஆணையத்தின் ஏற்றுமதி 6.8 பில்லியன் டாலரிலிருந்து 8.7 பில்லியன் டாலராக உயர்ந்துள்ளது. வர்த்தக அமைச்சராக இருந்த அவர், ஜிம்பாப்வே துணைப் பிரதமர் தலைமையிலான பாக்கித்தானுக்கு ஜிம்பாப்வே தூதுக்குழுவையும் அழைத்தார். [5] ஏற்றுமதியை அதிகரிப்பதற்காக ஏமன், உருசியா, உசுபெகித்தான், இந்தியா, தசிகித்தான், கொரியா, ஈரான், துருக்கி, ஐக்கிய அரபு எமிரேட்ஸ், ஆங்காங், சீனா, தென்னாப்பிரிக்கா, சாம்பியா மற்றும் ஜிம்பாப்வே உள்ளிட்ட பல நாடுகளுக்கு ஏற்றுமதி மற்றும் முதலீட்டை அதிகரிக்க பாக்கித்தானின் பல வெற்றிகரமான வணிக மற்றும் இராஜதந்திர பிரதிநிதிகளை மியான் ஹபீப் உல்லா வழிநடத்தியுள்ளார். [6]
துருக்கியில் நடந்த 65 வது இஸ்மீர் சர்வதேச கண்காட்சியின் வெற்றிக்கு மியான் அபீப் உல்லாவும் பெருமை சேர்த்துள்ளார், அங்கு துருக்கி மற்றும் வெளிநாடுகளில் இருந்து முக்கிய நபர்கள் கலந்து கொண்ட துருக்கி பிரதமரின் அழைப்பின் பேரில் அவர் பிரதம விருந்தினராக கலந்து கொண்டார். சோர்சியா, நைஜீரியா, பாலத்தீனம், உருமேனியா மற்றும் பல்கேரியாவைச் சேர்ந்த வர்த்தக, சுற்றுலா மற்றும் தொழில்துறை அமைச்சர்கள் பிரதிநிதித்துவப்படுத்தப்பட்டனர். [7]
இந்தியாவில் தெற்காசிய பிராந்திய ஒத்துழைப்பு சங்க ( சார்க் ) வணிகத் தலைவர்களின் மாநாட்டிற்கு 100 பேர் கொண்ட குழுவை வழிநடத்தினார். [8] மியான் அபீப் உல்லாவுக்கு பாகிஸ்தான் அதிபர் பாரூக் இலெஹாரி மற்றும் அதிபர் பர்வேஸ் முஷாரஃப் ஆகியோரால் இரண்டு முறை தங்கப்பதக்கம் வழங்கப்பட்டுள்ளது. பாக்கித்தான் தேசிய பாதுகாப்புக் கல்லூரியில் மூன்று முறை உரையாற்ற மியாப் அபீப் உல்லா கௌரவிக்கப்பட்டார். ஜெனீவா மற்றும் டோக்கியோவில் உள்ள ஐக்கிய நாடுகளின் அமைப்புகளிலும் மியான் அபீப் உல்லா பாக்கித்தானை பிரதிநிதித்துவப்படுத்தினார்.
குறிப்புகள் தொகு
- ↑ "Diplomatic Scene". islamabad scene. Oct 30, 2014. பார்க்கப்பட்ட நாள் Oct 30, 2014.
- ↑ "Former Presidents". RCCI. 1 October 2011. பார்க்கப்பட்ட நாள் Oct 4, 2011.
- ↑ "APCFA". Incbet. 1 October 2011. பார்க்கப்பட்ட நாள் Oct 4, 2011.
- ↑ "chinioties". Incbet. 11 November 2003. Archived from the original on 12 நவம்பர் 2012. பார்க்கப்பட்ட நாள் Nov 1, 2005.
- ↑ "Business Recorder". Business Recorder. August 27, 1995. Archived from the original on 5 டிசம்பர் 2019. பார்க்கப்பட்ட நாள் Nov 1, 1992.
{{cite web}}: Check date values in:|access-date=and|archive-date=(help) Delivers dropper. - ↑ "Yemen in Pakistan". Business Recorder. 26 January 2000. Archived from the original on 5 டிசம்பர் 2019. பார்க்கப்பட்ட நாள் Nov 1, 1992.
{{cite web}}: Check date values in:|access-date=and|archive-date=(help) Delivers dropper. - ↑ "Arts & Culture". Daily News. August 31, 1996. பார்க்கப்பட்ட நாள் Nov 21, 2005.
- ↑ "Times of India". India Times. August 27, 1995. பார்க்கப்பட்ட நாள் Nov 21, 2005.