மேலூர், மதுரை மாவட்டம்

மேலூர் (ஆங்கிலம்:Melur) இந்தியாவின் தமிழ்நாடு மாநிலத்தில் அமைந்துள்ள மதுரை மாவட்டத்தில் இருக்கும் ஒரு நகராட்சி ஆகும். இங்கு பிரதான தொழிலாக கலப்பை தொழிற்சாலை முக்கியப் பங்கு வகிக்கின்றது.

மேலூர்
மேலூர் இருப்பிடம்: மேலூர் , தமிழ்நாடு , இந்தியா
அமைவிடம்	10°03′N 78°20′E
நாடு	இந்தியா
மாநிலம்	தமிழ்நாடு
மாவட்டம்	மதுரை
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	மா. சௌ. சங்கீதா, இ. ஆ. ப
நகராட்சி தலைவர்	சரவணன்
மக்கள் தொகை	33,743 (2001)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	• 149 மீட்டர்கள் (489 அடி)
குறியீடுகள் • அஞ்சல் குறியீட்டு எண் • 625 106

புவியியல்

இவ்வூரின் அமைவிடம் 10.05°N 78.33°E / 10.05; 78.33 ஆகும். கடல் மட்டத்தில் இருந்து இவ்வூர் சராசரியாக 149 மீட்டர் (488 அடி) உயரத்தில் இருக்கின்றது.

மக்கள் வகைப்பாடு

இந்திய 2011 மக்கள் தொகை கணக்கெடுப்பின்படி 40,017 மக்கள் இங்கு வசிக்கின்றார்கள். இவர்களில் 20,405 ஆண்கள், 19,612 பெண்கள் ஆவார்கள். மேலூரில் 1000 ஆண்களுக்கு 961 பெண்கள் உள்ளனர். இது தமிழக மாநில சராசரியான 996-யை விட குறைவானது. மேலூர் மக்களின் சராசரி கல்வியறிவு 89.51% ஆகும், இதில் ஆண்களின் கல்வியறிவு 94.27%, பெண்களின் கல்வியறிவு 84.60% ஆகும். இது மாநில சராசரி கல்வியறிவான 80.09% விட அதிகமானதே. மேலூர் மக்கள் தொகையில் 4,488 (11.22%) ஆறு வயதுக்குட்பட்டோர் ஆவார்கள். ஆறு வயதுக்குட்பட்ட குழந்தைகளின் பாலின விகிதம் 1000 ஆண்களுக்கு 907 பெண்கள் என்றுள்ளது. இது தமிழக சராசரியான 943-க்கு குறைவானதாக உள்ளது.

2011 ஆம் ஆண்டின் மதவாரியான கணக்கெடுப்பின் படி இந்துக்கள் அதிக எண்ணிக்கையில் உள்ளனர். மொத்த மக்கள்தொகையில் இந்துக்கள் 78.72% ஆக இருக்கின்றனர். அதையடுத்து இசுலாமியர்கள் 18.80% கிருஸ்துவர்கள் 2.19%, என்ற விகிதத்தில் இருக்கின்றனர். மேலூர் மொத்த மக்கள்தொகையில் தாழ்த்தப்பட்டோர் 12.33%, பழங்குடியினர் 0.39% ஆக உள்ளனர். மேலூரில் 9,872 வீடுகள் உள்ளன.