யூலியன் ஆண்டு (வானியல்)
வானியலில், யூலியன் ஆண்டு (Julian year, குறியீடு: a அல்லது aj) என்பது 86400 SI நொடிகள் ஒவ்வொன்றும் சரியாக 365.25 நாட்கள் என வரையறுக்கப்பட்ட நேர அளவீட்டு அலகு ஆகும்.[1][2][3][4] யூலியன் ஆண்டின் நீளம் யூலியன் நாட்காட்டியில் உள்ள ஆண்டின் சராசரி நீளம் ஆகும், இது மேற்கத்திய சமூகங்களில் கிரெகொரியின் நாட்காட்டியை ஏற்றுக்கொள்ளும் வரை பயன்படுத்தப்பட்டது. இதன் மூலம் இவ்வலகிற்கு யூலியன் ஆண்டு எனப் பெயரிடப்பட்டது. ஆயினும்கூட, வானியல் யூலியன் ஆண்டுகள், தேதிகளைக் குறிப்பிடுவதற்குப் பதிலாகக் கால அளவை அளவிடுவதால், இந்த யூலியன் ஆண்டானது யூலியன் நாட்காட்டி அல்லது வேறு எந்த நாட்காட்டியில் உள்ள ஆண்டுகளுடன் பொருந்தாது. ஓர் ஆண்டை வரையறுக்கும் பல வழிகளுடன் இது ஒத்துப்போவதில்லை.
பயன்பாடு
தொகுயூலியன் ஆண்டு என்பது அனைத்துலக முறை அலகுகளின் (SI) அளவீட்டு அலகு அல்ல, ஆனால் இது உலகளாவிய வானியல் ஒன்றியத்தால் (IAU) வானியலில் பயன்படுத்த SI அல்லாத அலகு என அங்கீகரிக்கப்பட்டுள்ளது.[3] 1984 ஆம் ஆண்டிற்கு முன்னர், யூலியன் ஆண்டும், சராசரி பருவ ஆண்டும் வானியலாளர்களால் பயன்படுத்தப்பட்டன. 1898 ஆம் ஆண்டில், சைமன் நியூகோம்பு தனது சூரிய அட்டவணைகளில் யூலியன் நூற்றாண்டு (36,525 நாட்கள்), "சூரிய நூற்றாண்டு" (36,524.22 நாட்கள்) ஆகிய இரண்டையும் பயன்படுத்தினார். நியூகோம்பின் படி, இது 100 சராசரி பருவ ஆண்டுகளின் 365.24219879 நாட்களின் அண்ணளவான வடிவங்கள் ஆகும்.[5] இருப்பினும், சராசரி பருவ ஆண்டு அளவீட்டு அலகாகப் பொருந்தாது, ஏனெனில் இது நியூகாம்பின்படி 6.14×10−8 நாட்கள் என்ற சிறிய அளவில் ஆண்டுதோறும் மாறுபடும்.[5] மாறாக, யூலியன் ஆண்டு SI அலகுகளின் அடிப்படையில் வரையறுக்கப்படுகிறது, எனவே அந்த அலகுகளைப் போலவே துல்லியமானதும், நிலையானதும் ஆகும். இது விண்மீன்வழி ஆண்டு, பருவ ஆண்டு இரண்டையும் தோராயமாக ±0.008 நாட்களுக்கு கணக்கிடுகிறது. யூலியன் ஆண்டு தூரத்தை அளவிடுவதற்கான ஒரு அலகு என்பது ஒளியாண்டின் வரையறைக்கும் அடிப்படையாக அமைந்தது.[2]
மேற்கோள்கள்
தொகு- ↑ P. Kenneth Seidelmann, ed., The explanatory supplement to the Astronomical Almanac, (Mill Valley, Cal.: University Science Books, 1992), pp. 8, 696, 698–9, 704, 716, 730.
- ↑ 2.0 2.1 "Measuring the Universe". உலகளாவிய வானியல் ஒன்றியம். பார்க்கப்பட்ட நாள் March 22, 2012.
- ↑ 3.0 3.1 International Astronomical Union. "Recommendations Concerning Units". Archived from the original on February 16, 2007. பார்க்கப்பட்ட நாள் February 18, 2007. Reprinted from the "IAU Style Manual" by G.A. Wilkinson, Comm. 5, in IAU Transactions XXB (1987).
- ↑ Harold Rabinowitz and Suzanne Vogel, The manual of scientific style (Burlington, MA: Academic Press, 2009) 369.
- ↑ 5.0 5.1 Simon Newcomb, Tables of the Four Inner Planets, vol. 6 of Astronomical Papers Prepared for the Use of the American Ephemeris and Nautical Almanac (Washington, DC: 1898), pp. 10–11.
வெளி இணைப்புகள்
தொகு- Michael Allison (@ Goddard Institute for Space Studies) (2001). "What is a "Year" (on Earth or Mars)?". pweb.jps.net. Archived from the original on 2011-07-24. பார்க்கப்பட்ட நாள் 2011-07-26.