விக்கிப்பீடியா:ஈழப்போர்ச் செய்திகள் தொகுப்பு/2008

ஈழப்போர்ச் செய்திகள் தொகுப்பு

2008 ஆம் ஆண்டு ஈழப் போரின் நான்காவது கட்டமாக பலராலும் நோக்கப்படுகிறது. இத்தொகுப்பு 2008 ஆம் ஆண்டின் ஈழப் போர் தொடர்பாக விக்கிபீடியா நடப்பு நிகழ்வுகளில் இணைக்கப்பட்ட ஈழப் போர்ச் செய்திகளின் தொகுப்பாகும். இதில் சில செய்திகள் விடுபட்டுள்ளதாக நீங்கள் கருதினால் சம்பவம் நடைப்பெற்ற மாத தலைப்பிற்கு எதிராக தரப்பட்டுள்ள "தொகு" என்ற இணைப்பை சொடுக்கி இணைப்பு இட்டுச் செல்லும் வார்ப்புருவில் செய்திகளை இணைத்து சேமிப்பதன் மூலம் இத்தொகுப்பில் மேலதிகச் செய்திகளைச் சேர்க்கலாம்.

தொகுப்பின் முன் பக்கத்துக்குச் செல்ல...

ஜனவரி 2008

ஜனவரி 31 - யாழ்ப்பாணம், திருநெல்வேலியில் இடம்பெற்ற குண்டுவெடிப்புச் சம்பவத்தில் 4 பொதுமக்கள் கொல்லப்பட்டு 15 பேர் படுகாயமடைந்தனர். (புதினம்) ஜனவரி 31 - யாழ்ப்பாணம், தென்மராட்சியில் உள்ள மட்டுவிலில் மூன்று சகோதரர்கள் வரிசையாக நிற்கவிட்டு சுட்டுப் படுகொலை செய்யப்பட்டனர். (புதினம்) ஜனவரி 29 - மன்னார் மாவட்டம் தட்சணாமருதமடுப் பகுதியில் பாடசாலை மாணவர்கள் உள்ளிட்ட பயணிகளை ஏற்றிச் சென்ற ஊர்தி மீது நடத்தப்பட்ட கிளைமோர்த் தாக்குதலில் 11 மாணவர்கள் உள்ளிட்ட 17 பேர் கொல்லப்பட்டு, மேலும் 9 மாணவர்கள் உள்ளிட்ட 18 பேர் படுகாயமடைந்தனர். (புதினம்) ஜனவரி 25 - போலிக் கடவுச் சீட்டைப் பயன்படுத்தி ஐக்கிய இராச்சியத்துள் நுழைந்ததாக கூறி கைது செய்யப்பட்ட கருணாவுக்கு பிரித்தானிய நீதிமன்றம் ஒன்று 9 மாத கால சிறை தண்டனை வழங்கித் தீர்ப்பளித்தது. (தமிழ்வின்) ஜனவரி 25 - கிளிநொச்சியில் விவேகானந்த நகரில் இலங்கை விமானப்படை நடத்திய குண்டுவீச்சில் ஒரு பொதுமகன் கொல்லப்பட்டு இருவர் படுகாயமடைந்தனர். மூன்று வீடுகள் முற்றாக சேதமடைந்தன. (தமிழ்நெட்) ஜனவரி 24 - அனுராதபுரம் மாவட்டம் கெப்பிட்டிக்கொல்லாவயில் 16 சடலங்கள் கைகள் பின்புறமாகக் கட்டப்பட்ட நிலையில் இரண்டு குழிகளில் இருந்து மீட்கப்பட்டுள்ளதாக காவல்துறையினர் தெரிவித்தனர். (புதினம்) ஜனவரி 23 - இனப்பிரச்சினைக்கு தீர்வு காண்பதற்கான திட்டத்தை தயாரிப்பதற்கான பரிந்துரைகளை முன்வைப்பதற்காக ஏற்படுத்தப்பட்ட சர்வ கட்சி ஆலோசனை குழுவின் இடைக்கால அறிக்கை ஜனாதிபதி மகிந்த ராஜபக்சவிடம் கையளிக்கப்பட்டது. (தினக்குரல்) ஜனவரி 21 - மொனறாகலை மாவட்டத்தில் தனமன்வில பகுதியில் அமைந்திருந்த காவல்துறைக் காவலரண் மீது நடத்தப்பட்ட தாக்குதலில் காவல்துறை அதிகாரி உள்ளிட்ட மூன்று காவல்துறையினர் கொல்லப்பட்டனர். (புதினம்) ஜனவரி 17 - மொனறாகலை மாவட்டத்தில் உள்ள காட்டுப்பகுதியில் இரவு இடம்பெற்ற இரு வேறு தாக்குதல்களில் 10 பேர் சுட்டுக்கொல்லப்பட்டனர். (புதினம்) ஜனவரி 17 - கிளிநொச்சி நகரில் உள்ள கனகபுரம் பாடசாலை மற்றும் குடியிருப்புக்களை இலக்கு வைத்து இலங்கை வானூர்திகள் 20-க்கும் அதிகமான குண்டுகளை வீசியதில் பொதுமகன் ஒருவர் கொல்லப்பட்டுள்ளதுடன் மேலும் 6 பேர் காயமடைந்தனர். 8 வீடுகள் முற்றாக அழிந்தன. (புதினம்) ஜனவரி 16 - இலங்கையின் மொனறாகலை மாவட்டத்தில் புத்தள என்ற இடத்தில் பேருந்து மீது நடத்தப்பட்ட குண்டுத் தாக்குதலில் 23 பேர் கொல்லப்பட்டு 50-க்கும் அதிகமானோர் படுகாயமடைந்தனர். (பிபிசி) ஜனவரி 14 - மன்னார் பரப்பாங்கண்டல் பகுதியில் இலங்கைப் படையினரின் முன்நகர்வு நடவடிக்கையில் 30-க்கும் அதிகமான படையினர் கொல்லப்பட்டுள்ளதுடன் 100-க்கும் அதிகமானோர் காயமடைந்துள்ளதாக விடுதலைப் புலிகள் அறிவித்தனர். (புதினம்) ஜனவரி 14 - ஹொரவபொத்தான மற்றும் வவுனியாவில் இடம்பெற்ற கிளைமோர் தாக்குதல்களில் 4 இலங்கைப் படையினரும் ஒரு பொதுமகனும் கொல்லப்பட்டனர். (பதிவு) ஜனவரி 12 - மட்டக்களப்பு, காத்தான்குடியில் கர்பால பள்ளிவாசலுக்கு முன்பாக இடம்பெற்ற துப்பாக்கிச்சூட்டில் பள்ளிவாசலின் பிரதம இமாம் உட்பட மூன்று முஸ்லிம்கள் படுகாயமடைந்தனர். (புதினம்) ஜனவரி 11 - கொழும்பு கோட்டை தொடருந்து நிலையத்தில் குண்டு ஒன்று வெடித்ததில் ஒருவர் காயமடைந்தார். (புதினம்) ஜனவரி 8 - கொழும்பு புறநகர்ப் பகுதியான ஜா-எலையில் இடம்பெற்ற கிளைமோர் தாக்குதலில் புத்தளம் மாவட்ட நாடாளுமன்ற உறுப்பினரும் அமைச்சருமான டி.எம். தசநாயக்க உட்பட மூவர் கொல்லப்பட்டனர். (தமிழின்வெற்றி)(புதினம்) ஜனவரி 6 - மன்னார் இலுப்பைக்கடவையில் இலங்கைப் படையினர் நடத்திய கிளைமோர்த் தாக்குதலில் விடுதலைப் புலிகளின் இராணுவப் புலனாய்வுப் பொறுப்பாளரான கேணல் அருள்வேந்தன் என்று அழைக்கப்படும் சார்ள்ஸ் உள்ளிட்ட 4 போராளிகள் கொல்லப்பட்டனர். (புதினம்) ஜனவரி 4 - முல்லைத்தீவு, அளம்பில், உடுப்புக்குளம் பொதுமக்கள் குடியிருப்புக்கள் மீது இலங்கை வான்படையின் மிக்-27 மற்றும் கிபீர் ரக வானூர்திகள் செறிவாக நடத்திய குண்டுவீச்சில் 7 சிறார்கள் உள்ளிட்ட 13 பொதுமக்கள் படுகாயமடைந்தனர். (புதினம்) ஜனவரி 4 - அம்பாறையில் விடுதலைப் புலிகள் நடத்திய தாக்குதலில் இலங்கை அதிரடிப்படையைச் சேர்ந்த அதிகாரி உள்ளிட்ட மூவர் கொல்லப்பட்டுள்ளதுடன் மேலும் இருவர் படுகாயமடைந்தனர். (புதினம்) ஜனவரி 3 - இலங்கைப் போர் நிறுத்தக் கண்காணிப்புக் குழுவினர் ஜனவரி 16 அன்று இலங்கையில் இருந்து வெளியேறவுள்ளதாக அக்குழு தெரிவித்தது. (புதினம்) ஜனவரி 3 -கெபிதிகொல்லாவையில் அமுக்கவெடியில் சிக்கி மூன்று இராணுவத்தினர் கொல்லப்பட்டனர். (தமிழின்வெற்றி), (டெய்லி மிரர்) ஜனவரி 2 - விடுதலைப் புலிகளுக்கும் இலங்கை அரசுக்குமிடையே 2002 இல் கைச்சாத்திடப்பட்ட போர் நிறுத்த உடன்படிக்கையில் இருந்து வெளியேறுவதாக இலங்கை அரசு அறிவித்தது. (புதினம்), (தமிழ்நெட்) ஜனவரி 2 -கொழும்பு கொம்பனித் தெருவில் நிப்பொன் உண்டுறை விடுதிக்கு முன்பாக இலங்கைப் படைத்துறையினர் பயணித்த பேருந்து மீது குண்டுத்தாக்குதல் நடத்தப்பட்டதில் 2 படையினர் உட்பட 4 பேர் கொல்லப்பட்டு மேலும் 20 பேர் காயங்களுக்கு உள்ளாகினர். (பிபிசி), (தமிழின் வெற்றி) ஜனவரி 1 - கொழும்பு கொட்டாஞ்சேனையில் உள்ள பொன்னம்பலவாணேஸ்வரர் ஆலயத்தில் ஐக்கிய தேசியக் கட்சியின் கொழும்பு மாவட்ட நாடாளுமன்ற உறுப்பினரும், முன்னாள் அமைச்சருமான தியாகராஜா மகேஸ்வரன் சுட்டுக்கொலை செய்யப்பட்டார். (புதினம்), (தமிழ்நெட்)

பெப்ரவரி 2008

பெப்ரவரி 29: கொழும்பு மோதரையில் இடம்பெற்ற தற்கொலைக் குண்டுவெடிப்பில் இலங்கை காவல்துறையைச் சேர்ந்த 4 பேர் உள்ளிட்ட 7 பேர் படுகாயமடைந்தன்னர். (புதினம்) பெப்ரவரி 28: மன்னாரில் படையினருடன் நேற்று இடம்பெற்ற மோதல்களில் 3 படையினர் கொல்லப்பட்டு 4 பேர் காயமடைந்தனர். (புதினம்) பெப்ரவரி 23: கொழும்பு கல்கிசையில் பேருந்து ஒன்றில் நிகழ்ந்த குண்டு வெடிப்பில் 18 பேர் படுகாயமடைந்தனர். (புதினம்) பெப்ரவரி 22: கிழக்கு மாகாணம் பொத்துவிலில் 11 மற்றும் 13 வயது மாணவர்களின் உடல்கள் கிணறு ஒன்றில் இருந்து மீட்கப்பட்டன. (டெய்லிமிரர்) கிளிநொச்சி பூநகரியில் இலங்கை வான்படை நடத்திய வான்குண்டுத் தாக்குதலில் 4 சிறார்கள் உள்ளிட்ட 8 பொதுமக்கள் படுகொலை செய்யப்பட்டு 11 பேர் படுகாயமடைந்தனர். (புதினம்) பெப்ரவரி 16: மன்னாரில் பண்டிவிரிச்சானிலும், பாலமோட்டையிலும் இலங்கைப் படையினருடன் இடம்பெற்ற மோதலில் 11 படையினர் கொல்லப்பட்டு 23 பேர் காயமடைந்ததாக விடுதலைப் புலிகள் அறிவித்தனர். (புதினம்) பெப்ரவரி 13: வவுனியாவில் தட்டான்குளம் பகுதியில் இடம்பெற்ற கிளைமோர்த் தாக்குதலில் 2 படையினர் கொல்லப்பட்டனர். (புதினம்) பெப்ரவரி 12: மன்னார் தள்ளாடி இலங்கைப் படையினரின் ஆட்டிலெறிப் படைத்தளம் மீது விடுதலைப் புலிகள் நடத்திய எறிகணை வீச்சுத் தாக்குதலில் 15 படையினர் கொல்லப்பட்டு 50-க்கும் அதிகமான படையினர் காயமடைந்தனர். (புதினம்), {டெய்லிமிரர்) பெப்ரவரி 6: இலங்கைக்கான இந்தியாவின் ஆயுத உதவிகளைக் கண்டித்து இந்திய நாடாளுமன்றம் முன்பாக தமிழ்நாட்டின் பெரியார் திராவிடர் கழகத்தினர் பேரெழுச்சியான ஆர்ப்பாட்டத்தை நடத்தினர். (புதினம்) பெப்ரவரி 4: மணலாறுப் பகுதியில் பேருந்து ஒன்று கிளைமோர்த் தாக்குதலில் சிக்கியதில் 10 பொதுமக்கள், 2 படையினர் கொல்லப்பட்டனர். 8 பேர் காயமடைந்தனர்.(டெய்லிமிரர்) இலங்கை, மொனராகல புத்தல காட்டுப்பகுதியில் உழவூர்தி ஒன்று கிளைமோர்த் தாக்குதலில் சிக்கியதில் படையினர் மூவர் படுகாயமடைந்தனர். (டெய்லிமிரர்) பெப்ரவரி 3: கொழும்பு கோட்டை தொடருந்து நிலையத்தில் இடம்பெற்ற தற்கொலைக் குண்டு வெடிப்புச் சம்பவத்தில் 9 பேர் கொல்லப்பட்டு 100-க்கும் அதிகமானோர் காயமடைந்தனர். (பிபிசி) கொழும்பு, தெகிவளை மிருகக் காட்சிச் சாலையில் கைக்குண்டு ஒன்று வெடித்ததில் 7 பேர் படுகாயமடைந்தனர். (டெய்லி மிரர்) பெப்ரவரி 2: இலங்கையின் மாத்தளை மாவட்டம் தம்புள்ள என்ற இடத்தில் பேருந்து ஒன்றில் குண்டு வெடித்ததில் 20 பேர் கொல்லப்பட்டு, 50-க்கும் அதிகமானோர் படுகாயமடைந்தனர். (பிபிசி), (புதினம்)

மார்ச் 2008

மார்ச் 29: இலங்கையின் தென்பகுதி மொனராகல மாவட்ட பிரதேசசபை உதவித் தலைவர் முத்துலிங்கம் என்பவர் அவரது வீட்டில் இனந்தெரியாதோரினால் சுட்டுக்கொல்லப்பட்டார். (டெய்லிமிரர்) மார்ச் 26: மட்டக்களப்பு நகரில் இடம்பெற்ற கிளைமோர்த் தாக்குதலில் இரண்டு காவல்துறையினர் கொல்லப்பட்டு மேலும் நால்வர் காயமடைந்தனர். (டெய்லிமிரர்) மார்ச் 25: கிழக்கு மாகாணத்தில் மே 10 இல் இடம்பெறவிருக்கும் மாகாண சபைத் தேர்தல்களில் ஐக்கிய தேசியக் கட்சி கலந்து கொள்ளும் என அக்கட்சி அறிவித்துள்ளது. (தமிழ்நெட்) மார்ச் 22: முல்லைத்தீவு நாயாறு கடற்பரப்பில் இலங்கைக் கடற்படையினரின் அதிவேக டோறா பீரங்கிப்படகு ஒன்று கடற்புலிகளினால் தாக்கி மூழ்கடிக்கப்பட்டதில் 16 கடற்படையினரில் 6 பேர் காப்பாற்றப்பட்டதாக அரசு தெரிவித்தது. (டெய்லிமிரர்), (புதினம்) மார்ச் 21: மன்னார் நகரில் இராணுவப் பேருந்து ஓன்று கிளைமோர்த் தாக்குதலுக்குள்ளாகியதில் 2 இரானுவத்தினர் கொல்லப்பட்டு 11 பேர் படுகாயமடைந்தனர். (டெய்லிமிரர்) மார்ச் 15: மன்னார்ப் பகுதியில் பரப்பாங்கண்டல், சேத்துக்குளம் மற்றும் கீரிசுட்டான் ஆகிய இடங்களில் இலங்கைப் படையினர் மேற்கொண்ட முன்னகர்வுகள் முறியடிக்கப்பட்டதாகவும் 7 படையினர் கொல்லப்பட்டு 17 பேர் காயமடைந்ததாகவும் விடுதலைப் புலிகள் தெரிவித்தனர். (புதினம்) மார்ச் 14: மணலாறு, கொக்குதொடுவாயில் படையினர் மேற்கொண்ட முன்னகர்வுத்தாக்குதல் முறியடிக்கப்பட்டதாகவும் குறைந்ந்தது 15 இலங்கைப் படையினர் கொல்லப்பட்டதாகவும் விடுதலைப் புலிகள் தெரிவித்தனர். (புதினம்) மார்ச் 10: கொழும்பு வெள்ளவத்தையில் இடம்பெற்ற குண்டுவெடிப்புச் சம்பவத்தில் ஒருவர் கொல்லப்பட்டு மூன்று மாணவர்கள் உட்பட நால்வர் காயமடைந்தனர். (புதினம்) மார்ச் 8: மன்னாரில் சேத்துக்குளம் மற்றும் மடுப் பகுதிகளில் இலங்கைப் படையினர் மேற்கொண்ட முன்னகர்வு முயற்சிகளின் போது 22 படையினர் கொல்லப்பட்டு 72 பேர் படுகாயமடைந்ததாக விடுதலைப் புலிகள் தெரிவித்தனர். (புதினம்) மொனராகலை மாவட்டத்தின் கதிர்காமம் பகுதியில் விடுதலைப் புலிகள் நடத்திய கிளைமோர்த் தாக்குதலில் நான்கு படையினர் கொல்லப்பட்டு இருவர் படுகாயமடைந்தனர். (புதினம்), (டெய்லிமிரர்) மார்ச் 6: வன்னி கனகராயன்குளம் பகுதியில் நடந்த கிளைமோர்த் தாக்குதலில் தமிழ்த் தேசியக் கூட்டமைப்பின் யாழ். மாவட்ட நாடாளுமன்ற உறுப்பினர் கி. சிவநேசன் கொல்லப்பட்டார். (புதினம்) மார்ச் 1: வவுனியாவில் இடம்பெற்ற கிளைமோர்க் குண்டுத் தாக்குதலில் இரண்டு காவல்துறையினர் கொல்லப்பட்டனர். (டெய்லிமிரர்)

ஏப்ரல் 2008

ஏப்ரல் 27: மணலாறு இராணுவ முகாம்களின் மீது வான்புலிகள் விமானத் தாக்குதலை மேற்கொண்டனர். ஒரு படைவீரர் காயமடைந்தார். (புளூம்பேர்க்) ஏப்ரல் 25: கொழும்பின் புறநகர்ப் பகுதியான பிலியந்தலையில் பேருந்து ஒன்றினுள் குண்டு வெடித்ததில் 24 பொதுமக்கள் கொல்லப்பட்டு, 52 பேர் படுகாயமடைந்தனர். (பிபிசி) மடு அன்னையின் திருச்சொரூபம் அண்மையில் அங்கிருந்து விடுதலைப் புலிகளின் கட்டுப்பாட்டுப் பகுதிக்கு பாதுகாப்பாக எடுத்துச் செல்லப்பட்டதை அடுத்து தேவாலயத்துக்கு இலங்கைப் படையினர் படைச் சீருடை தரித்து, ஆயுதங்களுடன் சென்றனர். (புதினம்) ஏப்ரல் 23: கிளாலி முதல் முகமாலை வரை 7 கிமீ முன்னரண் பகுதியில் சிறிலங்காப் படையினர் மேற்கொண்ட முன்நகர்வு படையினர் நூற்றுக்கும் அதிகமானோர் கொல்லப்பட்டதாகவும் தமது தரப்பில் 18 பேர் இறந்ததாகவும் விடுதலைப் புலிகள் அறிவித்தனர். 38 பேர் தமது தரப்பில் இறந்ததாக இராணுவத்தினர் தெரிவித்தனர். (புதினம்), (ஏபிசி) ஏப்ரல் 20: வட கிழக்கு மனித உரிமைகள் செயலகப் பணிப்பாளர் வண. கருணாரத்தினம் அடிகள் வன்னியில் அம்பல்குளம் என்ற இடத்தில் கிளைமோர்த் தாக்குதல் ஒன்றில் கொல்லப்பட்டார். (டெய்லிமிரர்), (புதினம்) ஏப்ரல் 17: முல்லைத்தீவு மாவட்டத்தில் மக்கள் குடியிருப்பு மீது இலங்கை வான் படையின் எஃப்-7 ரக வானூர்திகள் நான்கு நடத்திய குண்டுத்தாக்குதலில் 15 வயது பள்ளி மாணவி கொல்லப்பட்டு வேறொருவர் படுகாயமடைந்தார். (புதினம்) ஏப்ரல் 6: கம்பகா மாவட்டம், வெலிவெரியாவில் இடம்பெற்ற சிங்களப் புதுவருட கொண்டாட்ட நிகழ்வில் குண்டு வெடித்ததில் அமைச்சர் ஜெயராஜ் பெர்னாண்டோபுள்ளே உள்ளிட்ட 10-க்கும் அதிகமானோர் கொல்லப்பட்டு 50-க்கும் அதிகமானோர் காயமடைந்தனர். (புதினம்) ஏப்ரல் 4: மன்னார், மடு மாதா திருவுருவச் சிலை அங்கிருந்து விடுதலைப் புலிகளின் கட்டுப்பாட்டிலுள்ள பாதுகாப்பான இடத்திற்கு அப்புறப்படுத்தப்பட்டதாக மன்னார் ஆயர் இராயப்பு ஜோசப் தெரிவித்தார். (தி ஐலண்ட்) ஏப்ரல் 3: மன்னார், மடு தேவாலயத்தின் மீது இலங்கைப் படைகள் தொடர்ச்சியாக மேற்கொண்ட எறிகணைத் தாக்குதல்களால், அந்த ஆலயத்தில் இறுதியாகத் தங்கியிருந்த குருக்கள் மற்றும் பணியாளர்களும் அங்கிருந்து வெளியேறினர். (புதினம்) ஏப்ரல் 1: திருகோணமலை, மூதூரில் 2006 ஆம் ஆண்டில் 17 தமிழ் நிவாரணப் பணியாளர்களின் படுகொலைகளை பாதுகாப்புப்படையினரே நிகழ்த்தினர் என உள்ளூர் மனித உரிமைகள் குழு ஒன்று அரசைக் குற்றம் சாட்டியுள்ளது. (பிபிசி) பொலநறுவ மாவட்டம் மின்னேரியாவில் இலங்கைப் படையினரின் பயிற்சித்தளத்தில் மின்னல் தாக்கி 3 படையினர் கொல்லப்பட்டு 63 படையினர் காயமடைந்தனர். (புதினம்) இரத்தினபுரி, குருவிட்ட என்ற இடத்தில் நிகழ்ந்த சிறை உடைப்பு முயற்சியில் 4 கைதிகள் சுட்டுக்கொல்லப்பட்டனார். (புதினம்) மன்னார் இத்திக்கண்டல் பகுதியில் இலங்கைப் படையினர் 15-க்கும் அதிகமானோர் கொல்லப்பட்டு 25-க்கும் அதிகமானோர் படுகாயம் அடைந்ததாக விடுதலைப் புலிகள் தெரிவித்தனர். (புதினம்)

மே 2008

மே 31: கொழும்பு, வெள்ளவத்தையில் இடம்பெற்ற கைக்குண்டுத் தாக்குதலில் 2 பொதுமக்கள் கொல்லப்பட்டு, 10 பேர் காயமடைந்தனர். (புதினம்) மே 29: யாழ்ப்பாணம் மண்டைதீவுக்கு அருகில் உள்ள சிறுத்தீவு கடற்படைத்தளம் கடற்புலிகளின் சிறப்பு கொமாண்டோ தாக்குதல் அணியினரால் தாக்கியழிக்கப்பட்டதில் 13 கடற்படையினர் கொல்லப்பட்டனர். (புதினம்) சிறுத்தீவு கடற்படைத் தளம், விடுதலைப் புலிகளால் தாக்கி அழிக்கப்பட்டதையடுத்து மேற்கொள்ளப்பட்ட கண்மூடித்தனமான மோட்டார் தாக்குதலில் 5 பொதுமக்கள் கொல்லப்பட்டனர். கொழும்புத்துறை பங்குத்தந்தை உட்பட 13 பேர் காயமடைந்தனர். (புதினம்) மே 28: யாழ்ப்ப்பாண நகரில் நாவாந்துறையில் ஊடகவியலாளர் பி. தேவகுமார் மற்றும் அவரது நண்பர் ஒருவரும் வெட்டிக்கொலை செய்யப்பட்டனர். (புதினம்) மே 26: கொழும்பில் இருந்து பாணந்துறை நோக்கிச் சென்றுகொண்டிருந்த தொடருந்தில் இடம்பெற்ற குண்டுவெடிப்பில் 9 பேர் கொல்லப்பட்டு 73 பேர் படுகாயமடைந்தனர். (புதினம்) மே 23: கிளிநொச்சி மாவட்டத்தில் முறிகண்டி அக்கராயன் வீதியில் இலங்கைப் படையினர் நடத்திய கிளைமோர்த் தாக்குதலில் சிறுவர், சிறுமியர், குழந்தைகள் உட்பட 16 பொதுமக்கள் படுகொலை செய்யப்பட்டனர். (புதினம்) வடமராட்சி கிழக்கு சுண்டிக்குளம் பகுதியில் இலங்கை வான்படையின் வானூர்திகள் நடத்திய குண்டுத்தாக்குதலில் 2 அப்பாவிப் பொதுமக்கள் உடல் சிதறி கொல்லப்பட்டானர். 3 பேர் காயமடைந்தனர். (புதினம்) மே 22: மட்டக்களப்பு ஆரையம்பதியில் இலங்கைப் படையினருடன் சேர்ந்தியங்கும் துணைப்படையான பிள்ளையான் குழுவால் 3 முஸ்லிம்கள் சுட்டுப்படுகொலை செய்யப்பட்டனர். 7 பேர் படுகாயமடைந்தனர். (புதினம்) மே 18: மன்னார், கருங்கண்டல்குளம் அணை ஊடாக வண்ணாங்குளம் நோக்கி இலங்கைப் படையினர் மேற்கொண்ட நகர்வுக்கு எதிராக விடுதலைப் புலிகள் நடத்திய தாக்குதலில் 20-க்கும் அதிகமான படையினர் கொல்லப்பட்டு, 40-க்கும் அதிகமானோர் காயமடைந்தனர். (புதினம்) மே 16: தமிழ் மக்கள் விடுதலைப் புலிகள் தலைவர் சிவநேசதுரை சந்திரகாந்தன் (பிள்ளையான்) கிழக்கு மாகாணத்தின் முதலமைச்சராக பதவிப் பிரமாணம் செய்து கொண்டார். (தமிழ்நெட்) கொழும்பு மத்தியில் வான்படையினரின் சோதனை நிலையம் அமைந்துள்ள பகுதியில் இடம்பெற்ற தற்கொலைக் குண்டுவெடிப்பில் 7 காவல்துறையினர் உட்பட 10 பேர் கொல்லப்பட்டு 90 பேர் காயமடைந்தனர். (புதினம்), (பிபிசி) மே 13: யாழ்ப்பாணம் நெல்லியடியில் ஈபிடிபியின் செயலாளர் நாயகம் டக்ளஸ் தேவானந்தாவின் சட்ட ஆலோசகர் மகேஸ்வரி வேலாயுதம் அடையாளம் தெரியாதோரினால் சுட்டுக்கொல்லப்பட்டார். (புதினம்) மே 12: மட்டக்களப்பு பனிச்சங்கேணியில் துணை இராணுவக்குழுவைச் சேர்ந்த உறுப்பினரின் கைக்குண்டு வெடித்ததில் ஒருவர் கொல்லப்பட்டு, சிறுவர்கள் உட்பட 11 பேர் காயமடைந்தனர். (புதினம்) மே 11: இலங்கையின் கிழக்கு மாகாண சபைத் தேர்தலில் இலங்கை அரசின் ஆளும் ஐக்கிய மக்கள் சுதந்திரக் கூட்டணி 20 ஆசனங்களைக் கைப்பற்றி வெற்றியீட்டியது. ஐக்கிய தேசியக் கட்சி 15 ஆசனங்களைக் கைப்பற்றியது. (புதினம்) மே 10: திருகோணமலை துறைமுகத்தில் ஆயுதங்கள் ஏற்றப்பட்ட நிலையில் இலங்கைப் படையினரின் ஏ-520 என்ற வழங்கல் கப்பல் கரும்புலிகளால் தாக்கி மூழ்கடிக்கப்பட்டது. (புதினம்), (டெய்லிமிரர்) மே 9: அம்பாறை நகரில் உள்ள பேருந்து நிலையத்திற்கு அண்மையில் நிகழ்ந்த குண்டுவெடிப்பு நிகழ்வில் 13 பேர் கொல்லப்பட்டு, 30-க்கும் அதிகமானோர் காயமடைந்தனர். (டெய்லி நியூஸ்) மன்னார், கறுக்காய்குளம் பகுதியில் இலங்கைப் படையினர் மேற்கொண்ட முன்நகர்வைத் தாம் முறியடித்ததாகவும் 30-க்கும் அதிகமான படையினர் கொல்லப்பட்டு, 5 உடலங்களும் ஆயுதங்களும் மீட்கப்பட்டதாகவும் விடுதலைப் புலிகள் தெரிவித்தனர். (புதினம்) மே 8: லண்டனில் சிறை வைக்கப்பட்டிருந்த கருணா என்ற விநாயகமூர்த்தி முரளிதரன் விடுவிக்கப்பட்டார். (டெய்லி மிரர்) மே 6: மன்னாரில் இலங்கைப் படையினரின் இரு முன்நகர்வுகள் தமிழீழ விடுதலைப் புலிகளால் முறியடிக்கப்பட்டதில் 9 படையினர் கொல்லப்பட்டு, படையினரின் கவச ஊர்தி கண்ணிவெடியில் சிக்கி அழிந்தது. (புதினம்) மே 1: மணலாறுப் பகுதியில் இடம்பெற்ற கிளைமோர்த் தாக்குதலில் 2 இலங்கை அதிரடிப்படையினர் கொல்லப்பட்டனர். (புதினம்)

ஜூன் 2008

ஜூன் 29: கிளிநொச்சி, பூநகரியில் இலங்கைப் படையினரின் ஆழ ஊடுருவும் அணியைச் சேர்ந்த ஒருவர் கொல்லப்பட்டார். (புதினம்) முல்லைத்தீவு, துணுக்காயில் இடம்பெற்ற கிளைமோர்த் தாக்குதலில் துணுக்காய் உதவி அரசாங்க அதிபர் கொல்லப்பட்டார்.(புதினம்) ஜூன் 28: கொழும்பு வெள்ளவத்தைப் பகுதியில் அதிகாலை முதல் முற்பகல் வரை பாரிய தேடுதல்கள் மேற்கொள்ளப்பட்டு 100-க்கும் அதிகமான தமிழர்கள் கைது செய்யப்பட்டனர். (புதினம்) ஜனதா விமுக்தி பெரமுன கட்சியில் இருந்து பிரிந்து சென்று தனிக்கட்சி அமைத்துள்ள தேசிய விடுதலை முன்னணியின் தலைவர் விமல் வீரவன்சவுக்கும் பிள்ளையானுக்கும் இடையில் சந்ஹிப்பூ ஒன்று கொழும்பில் இடம்பெற்றது. (புதினம்) ஜூன் 27: மட்டக்களப்பு, வாழைச்சேனையில் ஈ.பி.டி.பி.யின் உறுப்பினர் ஒருவரின் உடல் புதைகுழிக்குள் இருந்து மீட்கப்பட்டது. (புதினம்) யாழ், பருத்தித்துறையில் இலங்கைப் படையினரின் வாகனத் தொடரணியைக் குறிவைத்து நடத்தப்பட்ட கிளைமோர்த் தாக்குதலில் படையினர் ஒருவர் கொல்லப்பட்டு, மற்றொருவர் படுகாயமடைந்தார். (புதினம்) ஜூன் 22: வவுனியா பாலமோட்டையில் இலங்கைப் படையினரின் மும்முனை நகர்வு முறியடிக்கப்பட்டதில் 18 படையினர் கொல்லப்பட்டு 31 பேர் காயமடைந்ததாக விடுதலைப் புலிகள் தெரிவித்தனர். (புதினம்) மட்டக்களப்பு களுவாஞ்சிக்குடியில் நடைபெற்ற கிளைமோர்த் தாக்குதலையடுத்து இலங்கைப் படையினர் நடத்திய துப்பாக்கிச் சூட்டில் 2 இளைஞர்கள் கொல்லப்பட்டு 10-க்கும் அதிகமானோர் காயமடைந்தனர். (புதினம்) ஜூன் 21: கொழும்பு, தெகிவளையில் தமிழ் இளைஞர் ஒருவர் வெள்ளை வான் கும்பலால் கடத்தப்பட்டார். (புதினம்) மன்னாரில் கடந்த 2 நாட்களில் 4 பேர் சுட்டுக்கொல்லப்பட்ட நிலையில் உடலங்களாக மீட்கப்பட்டனர். (புதினம்) ஜூன் 20: இந்தியாவின் வெளியுறவு அமைச்சகச் செயலாளர், தேசியப் பாதுகாப்பு ஆலோசகர் அடங்கிய உயர்மட்டக் குழு முன்னறிவிக்கப்படாத அவசர பயணத்தினை மேற்கொண்டு கொழும்பு வந்தது. (சண்டேடைம்ஸ்) ஜூன் 16: வவுனியாவில் இடம்பெற்ற குண்டுத்தாக்குதலில் நான்கு காவல்துறை அதிகாரிகள் உட்பட 12 இலங்கை காவல்துறையினர் கொல்லப்பட்டு 40 பேர் காயமடைந்தனர். (ஏஎஃப்பி) ஜூன் 15: முல்லைத்தீவு, புதுக்குடியிருப்பில் உள்ள மக்கள் குடியிருப்புக்கள் மீது இலங்கை வான்படையின் வானூர்திகள் நடத்திய குண்டுத் தாக்குதலில் 4 பொதுமக்கள் கொல்லப்பட்டுள்ளதுடன் 11 பேர் காயமடைந்தனர். (புதினம்) ஜூன் 13: கனடாவில் இயங்கும் உலகத் தமிழர் இயக்கம் அந்நாட்டு அரசினால் பயங்கரவாதப் பட்டியலில் சேர்க்கப்பட்டது. (தமிழ்நெட்) யாழ்ப்பாணத்தில் அச்சுறுத்தல் காரணமாக மனித உரிமைகள் ஆணைக்குழுவில் சரணடைந்தவர்களை ஏற்றிச் சென்ற சிறைச்சாலை வாகனத்தை வழிமறித்து நடத்தப்பட்ட தாக்குதலில் இருவர் கொல்லப்பட்டு ஒருவர் படுகாயமடைந்தார். (புதினம்) ஜூன் 11: வவுனியா மாவட்டம், குஞ்சுக்குளம் பகுதியில் இலங்கைப் படையினர் மேற்கொண்ட முன்நகர்வு விடுதலைப் புலிகளால் முறிகடிக்கப்பட்டதில் 19 படையினர் கொல்லப்பட்டுள்ளதுடன் 23-க்கும் அதிகமானோர் படுகாயமடைந்தனர். (புதினம்) மன்னார், எருக்கலம்பிட்டி இலங்கைக் கடற்படையினரின் கூட்டுப் படைத்தளம் கடற்புலிகளின் சிறப்பு அணியினரால் வெற்றிகரமாக தாக்கியழிக்கப்பட்டதாகவும், 10 கடற்படையினர் கொல்லப்பட்டதாகவும் விடுதலைப் புலிகள் அறிவித்தனர். (புதினம்), (டெய்லி மிரர்) ஜூன் 8: முல்லைத்தீவு, மணலாறுப் பகுதியில் இலங்கைப் படையினர் மேற்கொண்டு வருவதாகவும் விடுதலைப் புலிகள் தீவிர எதிர்தாக்குதல்களை நடத்தி வருவதாகவும் 15 படையினர் கொல்லப்பட்டுள்ளதாகவும் விடுதலைப் புலிகள் தெரிவித்தனர். (புதினம்) மன்னார் மாவட்டம் பெரியமடுப் பகுதியில் நான்கு முனைகளில் இலங்கைப் படையினர் மேற்கொண்ட முன்நகர்வுகளைத் தாம் முறியடித்து 20-க்கும் அதிகமான படையினரைக் கொன்றதாக விடுதலைப் புலிகள் அறிவித்தனர். (புதினம்) ஜூன் 6: மொறட்டுவ பல்கலைக்கழகத்தில் தமிழ் மாணவர்கள் சிங்கள மாணவர்களால் கடுமையான தாக்குதல்களுக்கு இலக்காயினர். தாக்குதலுக்கு இலக்கான தமிழ் மாணவர்களை இலங்கை காவல்துறையினர் கைது செய்தனர். (புதினம்), (டெய்லி மிரர்) கண்டியில் பேருந்துக்குள் இடம்பெற்ற குண்டுவெடிப்பில் 2 பேர் கொல்லப்பட்டு 20 பேர் காயமடைந்தனர். (புதினம்) கொழும்பின் புறநகர்ப்பகுதியான மொறட்டுவவில் பேருந்து ஒன்றில் இடம்பெற்ற குண்டுவெடிப்பில் 21 பேர் கொல்லப்பட்டு 47 பேர் காயமடைந்தனர். (பிபிசி) ஜூன் 4: கொழும்பு, தெகிவளையில் தொடருந்துப் பாதை அருகில் இடம்பெற்ற குண்டுவெடிப்பில் 18 பேர் காயமடைந்தனர். (புதினம்) ஜூன் 2: முல்லைத்தீவு மாவட்டம் மாங்குளத்தில் இடம்பெற்ற கிளைமோர்த் தாக்குதலில் 2 சிறுவர்கள் உட்பட 6 பொதுமக்கள் படுகொலை செய்யப்பட்டனர். (புதினம்) மட்டக்களப்பு மாவட்டம், களுவாஞ்சிக்குடியில் பிள்ளையான் குழுவைச் சேர்ந்த எருவில்பற்று பிரதேச சபை உப தலைவர் உட்பட பிரதேச சபை உறுப்பினர்கள் இருவர் சுட்டுக்கொல்லப்பட்டனர். (புதினம்)

ஜூலை 2008

ஜூலை 25: முல்லைத்தீவு, துணிக்காயில் இலங்கைப் படையினரின் தாக்குதல் முறியடிக்கப்பட்டதாகவும் 25 படையினர் கொல்லப்பட்டதாகவும் விடுதலைப் புலிகள் அறிவித்தனர். (புதினம்) ஜூலை 23: விடுதலைப்புலிகளின் கட்டுப்பாட்டில் இருந்த தேவன்பிட்டித் தேவாலயத்தில் வைக்கப்பட்டிருந்த மடு அன்னையின் சொரூபம் ஓமந்தை சோதனைச் சாவடியூடாக மன்னார் ஆயர் இல்லத்திற்கு எடுத்து வரப்பட்டுள்ளது. (தினக்குரல்) ஜூலை 22: இலங்கையில் நடைபெறவுள்ள சார்க் மாநாட்டை முன்னிட்டு ஜூலை 26 முதல் ஆகஸ்ட் 4 வரையான காலப்பகுதியில் விடுதலைப் புலிகள் அதிகாரபூர்வமாக போர் நிறுத்தத்தினை அறிவித்தனர். இந்த ஒருதலைப்பட்சமான போர் நிறுத்த அறிவிப்பை இலங்கை அரசு நிராகரித்துள்ளது. (புதினம்)(புதினம்) ஜூலை 17: பிரித்தானியாவில் அகதி நிலை மறுக்கப்பட்ட இலங்கைத் தமிழர் இலங்கைக்குத் திருப்பி அனுப்பப்ட்டால் அவர்கள் அங்கு துன்புறுத்தல்களுக்கு ஆளாவர்கள் என்ற காரணத்தினால் அவர்கள் எவரையும் திருப்பி அனுப்பக்கூடாது என மனித உரிமைகளுக்கான ஐரோப்பிய நீதிமன்றம் அறிவித்தது. (டெய்லி மிரர்) ஜூலை 16: மட்டக்களப்பில் பாலமீன்மடுப் பகுதியில் 16 பேரின் எலும்புத் துண்டங்கள் அடங்கிய மனிதப்புதைகுழி ஒன்று கண்டுபிடிக்கப்பட்டது. (புதினம்) மன்னாரில் அமைந்துள்ள விடத்தல் தீவு என்ற கடற்புலிகளின் மிக முக்கியமான தளம் ஒன்றைத் தாம் கைப்பற்றியதாக இலங்கை இராணுவம் அறிவித்தது. (பிபிசி) ஜூலை 15: வவுனியாவின் பாலமோட்டையில் இடம்பெற்ற தாக்குதலில் 10 படையினர் கொல்லப்பட்டுள்ளதுடன் 19 பேர் காயமடைந்தனர். (புதினம்) அம்பாறையில் மொனறாகல சாலையில் இடம்பெற்ற கிளைமோர் தாக்குதலில் படைத்தரப்பைச் சேர்ந்த மூவர் கொல்லப்பட்னர். (புதினம்) ஜூலை 14: யாழ்ப்பாணம் வடமராட்சி கிழக்கில் பொறிவெடியில் சிக்கி நான்கு படையினர் கொல்லப்பட்டனர். (தினக்குரல்) ஜூலை 12: பொங்கு தமிழ், 2008: ஐக்கிய இராச்சியம், லண்டனில் இடம்பெற்ற பொங்கு தமிழ் நிகழ்வுகளில் 40 ஆயிரத்துக்கும் அதிகமான தமிழர்கள் பங்கேற்றனர். (புதினம்) ஜூலை 11: மொனறாகலயில் பயணிகள் பேருந்தின் மீது அடையாளம் தெரியாத நபர்கள் நடத்திய துப்பாக்கிச் சூட்டில் மூவர் கொல்லப்பட்டு, 16 பேர் படுகாயமடைந்தனர். (புதினம்) வன்னிக் களமுனையில் விடுதலைப் புலிகளின் மிதிவெடி, பொறிவெடிகளில் சிக்கி 26 இலங்கை படையினர் காயமடைந்தனர். (புதினம்) ஜூலை 9: வவுனியா, பாலமோட்டையில் இலங்கை படையினரின் முன்நகர்வு நடவடிக்கையில் 5 படையினர் கொல்லப்பட்டு 7 பேர் படுகாயமடைந்ததாக விடுதலைப் புலிகள் தெரிவித்தனர். (புதினம்) ஜூலை 8: விடுதலைப் புலிகளுடன் ஜூன் மாதத்தில் இடம்பெற்ற மோதல்களில் 112 படையினர் கொல்லப்பட்டு, 793 பேர் படுகாயமடைந்துள்ளனர் என்று இலங்கைப் பிரதமர் ரட்ணசிறி விக்கிரமநாயக்க அறிவித்தார். (புதினம்) ஜூலை 6: மொனராகலையில் இலங்கை காவல்துறையைச் சேர்ந்த இருவர் தமிழீழ விடுதலைப் புலிகளின் தாக்குதலில் கொல்லப்பட்டனர். (புதினம்) கிளிநொச்சி வட்டக்கச்சியில் வான்படையின் மிக்-27 ரக வானூர்திகள் நடத்திய தாக்குதலில் முதியவர் ஒருவர் படுகாயமடைந்தார். பொதுமக்களின் வீடுகள் பலவும் சேதமடைந்தன(புதினம்). வன்னியில் வான்தாக்குதலை நடத்திவிட்டு திரும்பிய இந்த வானூர்தி கட்டுநாயக்கா வான்படைத்தளத்தில் ஓடுபாதையில் இருந்து விலகியதால் சேதமடைந்தது. (டெய்லிமிரர்) பொங்கு தமிழ், 2008: ஆஸ்திரேலியா, சிட்னி மாநகரில் பொங்கு தமிழ் நிகழ்வுகளில் பெருந்தொகையான மக்கள் பங்கு கொண்டு தமிழீழ விடுதலைப் போராட்டத்துக்கு தமது ஆதரவைத் தெரிவித்தனர். (புதினம்) ஜூலை 5: பொங்கு தமிழ், 2008: சுவிட்சர்லாந்தின் பேர்ண் நகரில் பேரெழுச்சியுடன் நடந்த பொங்கு தமிழ் நிகழ்வுகளில் பல்லாயிரக்கணக்கானோர் பங்குபற்றினர். (புதினம்) கனடாவின் ரொறன்ரோ நகரில் இடம்பெற்ற பொங்கு தமிழ் நிகழ்வுகளில் ஒரு லட்சத்திற்கும் அதிகமானோர் பங்குபற்றினர். (புதினம்) ஆஸ்திரேலியா, மெல்பேர்ணில் நிகழ்ந்த பொங்கு தமிழ் நிகழ்வுகளில் 2,000 இற்கும் அதிகமானோர் பங்கு பற்றினர். தமிழ்த் தேசியக் கூட்டமைப்பு உறுப்பினர் சிவாஜிலிங்கம் சிறப்புரை ஆற்றினார். (புதினம்) ஜூலை 4: அம்பாறை கஞ்சிகுடிச்சாறு காட்டுப்பகுதியில் விடுதலைப் புலிகளின் பொறிவெடியில் சிக்கி 2 இலங்கை சிறப்பு அதிரடிப்படையினர் கொல்லப்பட்டனர்.(புதினம்) ஜூலை 3: மன்னாரில் இலங்கைப் படையினரின் முன்நகர்வு முறியடிக்கப்பட்டு 15 படையினர் கொல்லப்பட்டுள்ளதுடன் 30-க்கும் அதிகமானோர் படுகாயமடைந்ததாக விடுதலைப் புலிகள் தெரிவித்தனர். (புதினம்) ஜூலை 2: தமிழ் மக்கள் விடுதலைப் புலிகள் அமைப்பின் முன்னாள் தலைவர் கருணா பிரித்தானியாவில் குடிவரவு தடுப்பு முகாமிலிருந்து இலங்கைக்குத் திருப்பியனுப்பப்பட்டார். (பிபிசி) ஜூலை 1: அம்பாறையில் அறுகம்குடா பாலத்தினை திறந்து வைப்பதற்காக சென்ற இலங்கை அரசுத் தலைவர் மகிந்த ராஜபக்சவை ஏற்றி வருவதற்காகச் சென்று கொண்டிருந்த உலங்குவானூர்தி மீது விடுதலைப் புலிகள் தாக்குதல் நடத்தியதில் உலங்குவானூர்தி கடுமையாகச் சேதமடைந்தது. (புதினம்)

ஆகஸ்ட் 2008

ஆகஸ்ட் 30: கிளிநொச்சி புதுமுறிப்புப்பகுதியில் இடம்பெயர்ந்த மக்கள் மீது படையினர் நடத்திய எறிகணைத் தாக்குதலில் இரு குழந்தைகள் உட்பட ஐவர் கொல்லப்பட்டு மூவர் காயமடைந்தனர். (புதினம்) துணுக்காய் ஆலங்குளத்தில் படையினரின் முன்நகர்வு முறியடிக்கப்பட்டுள்ளதாகவும் 20 படையினர் கொல்லப்பட்டு 25 பேர் காயமடைந்துள்ளதாகவும் விடுதலைப் புலிகள் அறிவித்துள்ளனர். (புதினம்) இலங்கையின் தலைநகர் கொழும்பில் உள்ள புறக்கோட்டைப் பகுதியில் இடம்பெற்ற குண்டுவெடிப்பு நிகழ்வில் 46 பேர் காயமடைந்தனர். (புதினம்), (டைம்ஸ் ஒன்லைன்) ஆகஸ்ட் 28: வவுனியா, பாலமோட்டை மற்றும் குஞ்சுக்குளம் பகுதிகளில் ஏழு படையினர் கொல்லப்பட்டு 17 பேர் படுகாயமடைந்துள்ளதாக விடுதலைப் புலிகள் தெரிவித்தனர். பாலமோட்டை நகரைத் தாம் கைப்பற்றியுள்ளதாக இலங்கை இராணுவம் தெரிவித்தது. (புதினம்), (டைம்ஸ் ஒன்லைன்) ஆகஸ்ட் 27: கிழக்குப் பல்கலைக்கழகத்தின் பாதுகாப்பு காவற்துறையினரிடம் ஒப்படைக்கப்பட்டுள்ளதாக பல்கலைக்கழக மானிய ஆணைக்குழு அறிவித்துள்ளது. (தினக்குரல்) ஆகஸ்ட் 26: திருகோணமலை துறைமுகத்தின் மீது வான்புலிகளின் வானூர்தி இரவு 9:05 மணியளவில் தாக்குதல் நடத்தியதில் இலங்கைக் கடற்படையினர் குறைந்தது 18 பேர் காயமடைந்தனர். (புதினம்), (சண்டே டைம்ஸ்) ஆகஸ்ட் 22: முல்லைத்தீவில் துணுக்காய், உயிலங்குளம் ஆகிய பகுதிகளைத் தாம் கைப்பற்றியிருப்பதாக இலங்கை இராணுவம் அறிவித்தது. (டெய்லி மிரர்) ஆகஸ்ட் 21: மட்டக்களப்பு, வந்தாறுமுலை கிழக்குப் பல்கலைக்கழகத்தில் பல்கலைக்கழக இறுதி ஆண்டு சிங்கள மாணவன் ஒருவர் சுட்டுக்கொல்லப்பட்டார். இதனை அடுத்து ப்பல்கலைக்கழகம் தற்காலிகமாக மூடப்பட்டது. (தமிழ்நெட்), (தமிழ்நெட்) வவுனியா, பாலமோட்டையில் இலங்கைப் படையினர் மேற்கொண்ட முன்நகர்வு நடவடிக்கையில் ஐந்து படையினர் கொல்லப்பட்டு ஏழு பேர் காயமடைந்தனர். (புதினம்) ஆகஸ்ட் 16: வவுனியா, வடமேற்கு பாலமோட்டையில் இலங்கைப் படையினர் மேற்கொண்ட முன்நகர்வினை விடுதலைப் புலிகள் முறியடித்ததில் 11 படையினர் கொல்லப்பட்டு, 19 பேர் காயமடைந்தனர். (புதினம்) ஆகஸ்ட் 15 - மணலாறு பகுதியில் இடம்பெற்ற மோதலில் கொல்லப்பட்ட ஏழு விடுதலைப் புலிகளின் உடல்கள் சர்வதேச செஞ்சிலுவைச் சங்கத்தின் ஊடாக வன்னிக்கு அனுப்பப்பட்டது. (தினக்குரல்) ஆகஸ்ட் 12: வவுனியா, குஞ்சுக்குளம், நவ்வி பகுதிகளில் இலங்கைப் படையினர் மீது விடுதலைப்புலிகள் நடத்திய தாக்குதலில் 12 படையினர் கொல்லப்பட்டு 18 படையினர் காயமடைந்தனர். (புதினம்) ஆகஸ்ட் 11: அம்பாறையில் கஞ்சிகுடிச்சாறு பகுதியில் இலங்கை சிறப்பு அதிரடிப்படையினர் மீது விடுதலைப் புலிகள் நடத்திய தாக்குதலில் உயரதிகாரி உட்பட படையினர் மூவர் கொல்லப்பட்டு மூவர் காயமடைந்தனர். (புதினம்) ஆகஸ்ட் 9: முல்லைத்தீவு, புதுக்குடியிருப்பு பகுதி மக்கள் குடியிருப்புக்கள் மீது இலங்கை வான்படையின் கிபீர் ரக வானூர்திகள் நடத்திய குண்டுத்தாக்குதலில் ஆசிரியர் உட்பட இருவர் கொல்லப்பட்டனர். மூவர் காயமடைந்தனர். (புதினம்) ஆகஸ்ட் 8: முல்லைத்தீவு மருத்துவமனையினுள் இலங்கைப் படையினர் ஏவிய எறிகணைகள் வீழ்ந்து வெடித்ததில் ஒரு வயது குழந்தை கொல்லப்பட்டது. முல்லைத்தீவு அரசாங்க அதிபர் உட்பட 16 பேர் காயமடைந்தனர். (புதினம்) ஆண்டுதோறும் ஆகஸ்ட் 15 ஆம் திகதி நடைபெறும் மடு அன்னை உற்சவம் இம்முறை இடம்பெறாது என்று மன்னார் மாவட்ட ஆயர் ராயப்பு யோசப்பு அறிவித்தார். (புதினம்) ஆகஸ்ட் 7: முல்லைத்தீவு, மணலாறு பகுதியில் படையினர் மேற்கொண்ட முன்நகர்வு நடவடிக்கை மீது விடுதலைப் புலிகள் நடத்திய முறியடிப்புத் தாக்குதலில் படையினரின் உடல்கள் நான்கு மற்றும் படைப்பொருட்கள் விடுதலைப் புலிகளால் கைப்பற்றப்பட்டன. (புதினம்) ஆகஸ்ட் 6: வடபோர்முனையில் இடம்பெறும் தொடர்ச்சியான மோதல்களில் ஜூலை 2008 இல் மாத்திரம் 106 இலங்கைப் படையினர் கொல்லப்பட்டு, 662 பேர் காயமடைந்தனர் என பிரதமர் ரட்ணசிறி விக்கிரமநாயக்க தெரிவித்தார். (புதினம்) ஆகஸ்ட் 4: வவுனியாவில் பாலமோட்டையில் முன்நகர்வை மேற்கொண்ட இலங்கைப் படையினர் மீது விடுதலைப் புலிகள் நடத்திய முறியடிப்புத் தாக்குதலில் ஒன்பது படையினர் கொல்லப்பட்டு 11 பேர் காயமடைந்தனர். (புதினம்) ஆகஸ்ட் 3: ஈழத் தமிழர்களையும் தமிழக மீனவர்களையும் தொடர்ந்து சுட்டுக்கொல்லும் இலங்கை அரசுக்கு ஆயுத உதவி செய்யும் இந்திய அரசைக் கண்டித்து சென்னையில் அனைத்துக் கட்சிகளின் சார்பில் கண்டன ஆர்ப்பாட்டம் நடைபெற்றது. (புதினம்) ஆகஸ்ட் 2: அம்பாறையில் கஞ்சிகுடிச்சாறு காட்டுப்பகுதியில் விடுதலைப் புலிகள் நடத்திய தாக்குதலில் இலங்கை சிறப்பு அதிரடிப்படையைச் சேர்ந்தவர்கள் இருவர் கொல்லப்பட்டனர். (புதினம்) ஆகஸ்ட் 1: முல்லைத்தீவு, வவுனிக்குளத்தில் இலங்கை இராணுவத்தினர் மேற்கொண்ட முன்நகர்வு நடவடிக்கையில் 30-க்கும் அதிகமான படையினர் கொல்லப்பட்டதாக விடுதலைப் புலிகள் அறிவித்தனர். 25 படைகள் இறந்து அல்லது காணாமல் போயுள்ளதாக படைத்துறை வட்டாரங்கள் தெரிவித்தன. (புதினம்), (புதினம்) தமிழ்நாட்டில் விடுதலைப் புலிகளுக்கு 54.25 விழுக்காடு தமிழர்கள் தமது கருத்துக்கணிப்பில் ஆதரவு தெரிவிப்பதாக ஆனந்த விகடன் வார இதழ் தெரிவித்துள்ளது. (புதினம்)

செப்டம்பர் 2008

செப்டம்பர் 29: திருகோணமலை, கந்தளாயில் இலங்கை படையினரும் ஊர்காவல் படையினரும் சேர்ந்து அமைத்திருந்த காவலரண் மீது விடுதலைப் புலிகள் தாக்குதல் நடத்தியதில் நான்கு படையினர் கொல்லப்பட்டனர். (புதினம்) கொழும்பு, புறக்கோட்டையில் இடம்பெற்ற குண்டுவெடிப்புச் சம்பவத்தில் பெண் ஒருவர் காயமடைந்தார். ஆறு வாகனங்கள் சேதமடைந்தன. (புதினம்) செப்டம்பர் 28: மட்டக்களப்பு திகிலிவட்டைப் பகுதியில் இலங்கை இராணுவத்தினரும் துணை இராணுவக் குழுவினரும் இணைந்து அமைத்திருந்த சிறு முகாம் ஒன்றின் மீது விடுதலைப் புலிகள் நடத்திய தாக்குதலில் ஆறு பேர் கொல்லப்பட்டனர். (புதினம்) செப்டம்பர் 27: கிளிநொச்சி நகர் இரத்தினபுரம் மக்கள் குடியிருப்புக்கள் மீது இலங்கை வான்படை நடத்திய குண்டுத்தாக்குதலில் ஒருவர் கொல்லப்பட்டுள்ளார். கைக்குழந்தையுடன் மூன்று சிறார்கள் உட்பட எட்டு பேர் படுகாயமடைந்தனர். (தமிழ்நெட்) செப்டம்பர் 18: வவுனியா வடக்கு புளியங்குளம் புதூர் பகுதியில் பயணிகள் பேருந்து மீது இலங்கைப் படையினர் நடத்திய கிளைமோர் தாக்குதலில் பொதுமக்கள் மூவர் கொல்லப்பட்டு மூவர் படுகாயமடைந்தனர். (புதினம்) செப்டம்பர் 17: வன்னிவிளாங்குளம்-புதூர்-மன்னகுளம் பகுதிகளை நோக்கிய படையினரின் நடவடிக்கைக்கு எதிரான தாக்குதல்களில் 13 படையினர் கொல்லப்பட்டதாக விடுதலைப் புலிகள் அறிவித்தனர். (புதினம்) செப்டம்பர் 16: வன்னியில் விடுதலைப் புலிகளின் கட்டுப்பாட்டுப் பகுதியில் இருந்து ஐநா நிவாரணப் பணியாளர்கள் அனைவரும் வெளியேறி வவுனியா வந்து சேர்ந்தனர். (டைம்ஸ் ஒன்லைன்) கொழும்பில் பேருந்து ஒன்றில் குண்டு ஒன்று வெடித்ததில் நால்வர் காயமடைந்தனர். (டைம்ஸ் ஒன்லைன்) செப்டம்பர் 15: கிளிநொச்சி தென்மேற்குப் பகுதியில் உள்ள அக்கராயன் பகுதியை நோக்கி முன்நகர்வு நடவடிக்கையை மேற்கொண்ட படையினருக்கு எதிராக நடத்தப்பட்ட தாக்குதலில் 22-க்கும் அதிகமான படையினர் கொல்லப்பட்டதாக விடுதலைப் புலிகள் தெரிவித்தனர். (புதினம்) வவுனியா வடமேற்கு பாலமோட்டை-குஞ்சுக்குளம்-வன்னிவிளாங்குளம் பகுதிகளில் படையினர் மேற்கொண்ட முன்நகர்வுக்கு எதிரான தாக்குதலில் 15 படையினர் கொல்லப்பட்டதாக விடுதலைப் புலிகள் அறிவித்தனர். (புதினம்) செப்டம்பர் 13: அம்பாறை கஞ்சிகுடிச்சாறு காட்டுப்பகுதியில் விடுதலைப் புலிகளின் பொறிவெடியில் சிக்கி சிறப்பு அதிரடிப்படையினர் இருவர் கொல்லப்பட்டு நால்வர் படுகாயமடைதனர். (புதினம்) மட்டக்களப்பு, திமிலத்தீவு, மற்றும் மண்டூரில் காவல்துறையினர் மீது விடுதலைப் புலிகள் நடத்திய இரு வேறு தாக்குதல்களில் மூவர் கொல்லப்பட்டு நால்வர் காயமடைந்தனர். (புதினம்), (டைம்ஸ் ஒன்லைன்) செப்டம்பர் 11: அம்பாறைக்கும் மொனறாகலைக்கும் இடைப்பட்ட காட்டுப்பகுதியில் அடையாளம் தெரியாத நபர்களினால் ஏழு கிராமவாசிகள் சுட்டுக்கொல்லப்பட்டனர். (டைம்ஸ் ஒன்லைன்) செப்டம்பர் 9: வவுனியா சிறப்புப் படைத்தலைமையகத் தாக்குதல்: வவுனியாவில் இலங்கை படைத்தலைமையகத்தின் மீது கரும்புலிகள் நடத்திய தாக்குதலில் 20க்கும் அதிகமான படையினர் கொல்லப்பட்டனர். வான்புலிகளின் மூன்று வானூர்திகளும் தளத்தின் மீது தாக்குதல் நடத்திவிட்டு பாதுகாப்பாக திரும்பியுள்ளதாக விடுதலைப் புலிகள் தெரிவித்தனர். புலிகளின் ஒரு வானூர்தியைத் தாம் சுட்டு வீழ்த்தியதாக அரசு அறிவித்தது. (புதினம்) (டைம்ஸ் ஒன்லைன்) ஆகஸ்ட் மாதத்தில் மட்டும் 155 படையினர் கொல்லப்பட்டு 983 பேர் காயமடைந்ததாக பிரதமர் ரட்ணசிறி விக்கிரமநாயக்க நாடாளுமன்றத்தில் தெரிவித்தார். (டைம்ஸ் ஒன்லைன்) செப்டம்பர் 8: புலிகளின் கட்டுப்பாட்டுப் பகுதிகளான கிளிநொச்சி, முல்லைத்தீவு மாவட்டங்களில் பணிபுரியும் அனைத்து அரச சார்பற்ற நிறுவனங்களையும் உடனடியாக வெளியேறுமாறு இலங்கை அரசு உத்தரவிட்டுள்ளது. (புதினம்) கொழும்பு ஐந்து லாம்பு சந்தியில் இடம்பெற்ற கைக்குண்டுத் தாக்குதலில் பத்து பொதுமக்கள் காயமடைந்தனர். (புதினம்) செப்டம்பர் 2: முல்லைத்தீவு, வன்னேரிக்கும் அக்கராயனுக்கும் இடையில் இலங்கைப் படையினர் மேற்கொண்ட இருமுனை முன்நகர்வுகளுக்கு எதிராக விடுதலைப் புலிகள் நடத்திய முறியடிப்புத்தாக்குதலில் 30-க்கும் அதிகமான படையினர் கொல்லப்பட்டு, 50-க்கும் அதிகமானோர் காயமடைந்துள்ளதாகவும் படையினரின் பத்து உடலங்கள் கைப்பற்றப்பட்டுள்ளதாகவும் அறிவிக்கப்பட்டுள்ளது. (புதினம்), (மாலைமலர்) செப்டம்பர் 1: வவுனியா, நாச்சிக்குடாப் பகுதியில் இடம்பெற்ற மோதலில் 45-க்கும் அதிகமான படையினர் கொல்லப்பட்டு, 50-க்கும் அதிகமான படையினர் காயமடைந்ததாகவும் 7 உடலங்கள் கைப்பற்றப்பட்டுள்ளதாகவும் விடுதலைப் புலிகள் அறிவித்தனர். (புதினம்) அம்பாறை - அம்பாந்தோட்டை எல்லைப்பகுதியான உகந்தையில் இலங்கை அதிரடிப்படையினர் மீது விடுதலைப் புலிகள் நடத்திய அதிரடித்தாக்குதலில் நான்கு படையினர் கொல்லப்பட்டு காயமடைந்தனர். (புதினம்)

அக்டோபர் 2008

அக்டோபர் 31: கிழக்கு மாகாண முதலமைச்சர் பிள்ளையான் பயணம் செய்த வாகனம் விபத்துக்குள்ளாகியதில் பிள்ளையான் சிறு காயங்களுக்குள்ளானார். (த ஐலண்ட்) கிளிநொச்சி ஜெயந்தி நகர் மக்கள் குடியிருப்புக்கள் மீது இலங்கை வான்படை குண்டுத்தாக்குதலை நடத்தி மக்களின் வீடுகளுக்கு அழிவை ஏற்படுத்தியது. (புதினம்) அக்டோபர் 29: மன்னார் தள்ளாடி படைத்தளம் மீதும் கொழும்பு களனிதிச அனல் மின் உற்பத்தி நிலையம் மீதும் வான்புலிகள் குண்டுத்தாக்குதல் நடத்தினர். (ஏஎஃப்பி) கிளிநொச்சி, பரந்தன் பாடசாலைக்கு அருகான மக்கள் குடியிருப்புக்கள் மீது இலங்கை வான்படை நடத்திய குண்டுத்தாக்குதலில் பொதுமக்கள் மூன்று பேர் கொல்லப்பட்டு, 11 பேர் காயமடைந்தனர். (புதினம்) அக்டோபர் 28: மட்டக்களப்பில் செங்கலடியில் கருணா குழுவின் முகாம் மீது விடுதலைப் புலிகள் நடத்திய தாக்குதலில் நான்கு பேர் கொல்லப்பட்டு, ஆறு பேர் சிறை பிடிக்கப்பட்டனர். (டெய்லிமிரர்) அக்டோபர் 27: அம்பாறை மாவட்டத்தில் உள்ள கஞ்சிக்குடிச்சாறு பகுதியில் சிறப்பு அதிரடிப்படையினரை விடுதலைப் புலிகள் வழிமறித்து நடத்திய தாக்குதலில் அதிரடிப்படையைச் சேர்ந்த ஒருவர் கொல்லப்பட்டு இருவர் காயமடைந்தனர். (புதினம்) அக்டோபர் 26: ஈழத் தமிழர் பிரச்சினையில் இந்திய நடுவண் அரசுக்கு சிக்கலை உருவாக்க மாட்டோம் என்று தமிழ்நாடு முதலமைச்சர் மு. கருணாநிதி தெரிவித்தார். (புதினம்) அக்டோபர் 24: ஈழத் தமிழர்களுக்கு எதிரான போரில் படையினர் செப்டம்பர் 2008 வரை மொத்தம் 1,099 பேர் கொல்லப்பட்டு 7 ஆயிரம் படையினர் படுகாயமடைந்ததாக இலங்கைப் படைத்தரப்பு அதிகாரப்பூர்வமாக அறிவித்தது. (புதினம்) கிளிநொச்சி மாவட்டத்தில் புதுமுறிப்பில் படையினர் நடத்திய எறிகணைத் தாக்குதலில் பாடசாலை ஆசிரியர் உட்பட இருவர் கொல்லப்பட்டனர். (புதினம்) அக்டோபர் 23: அம்பாறை மாவட்டத்தில் உள்ள வக்குமுட்டியா பகுதியில் இடம்பெற்ற நேரடி மோதலில் இராணுவத்தினர் இருவர் கொல்லப்பட்டு ஒருவர் காயமடைந்தார். (புதினம்) நாச்சிக்குடா தொடக்கம் புத்துவெட்டுவான் வரையிலான களமுனைகளில் 47 படையினர் கொல்லப்பட்டு, 87 பேர் காயமடைந்துள்ளதாக விடுதலைப் புலிகள் அறிவித்தனர். (புதினம்) அக்டோபர் 20: கிளிநொச்சியின் தென்மேற்கே நாச்சிக்குடா பகுதியைத் தாம் கைப்பற்றியிருப்பதாக இலங்கை இராணுவம் அறிவித்தது. நாச்சிக்குடா தொடக்கம் அக்கராயன் வரையிலான பகுதிகளில் படையினரின் நகர்வுகளை முடக்கியுள்ளதாக விடுதலைப் புலிகள் அறிவித்தனர். (பிபிசி), (புதினம்) அக்டோபர் 19: அம்பாந்தோட்டை, கதிர்காமம் பகுதியில் படையினரின் காவலரண் ஒன்று அடையாளம் தெரியாதோரினால் தாக்கியழிக்கப்பட்டது. இதில் படைத்தரப்பைச் சேர்ந்த ஒருவர் கொல்லப்பட்டார். (சண்டே டைம்ஸ்) அக்டோபர் 11: மட்டக்களப்பில் இராணுவத்துடன் சேர்ந்தியங்கும் தமிழ் மக்கள் விடுதலைப் புலிகள் அமைப்பைச் சேர்ந்த 2 பேர் சுட்டுக் கொல்லப்பட்டனர். (டெய்லிமிரர்) வவுனியாவில் ஐக்கிய தேசியக் கட்சி அமைப்பாளர் மாவட்ட அமைப்பாளரான டி.எம்.தவச்செல்வம் என்பவர் அடையாளம் தெரியாதோரினால் சுட்டுக்கொல்லப்பட்டார். (புதினம்) அக்டோபர் 10: மட்டக்களப்பு பாலையடிவெட்டை பகுதியில் சிறப்பு அதிரடிப்படையினர் மீது விடுதலைப் புலிகள் நடத்திய தாக்குதலில் மூவர் கொல்லப்பட்டு இருவர் காயமடைந்தனர். (புதினம்) அக்டோபர் 9: ஈழத்தமிழர்களின் சுயநிர்ணய உரிமைப் போராட்டத்தை முழுமையாக ஆதரிப்பதாக ஜெயலலிதா அறிவித்தார். (புதினம்) கொழும்பின் புறநகர்ப் பகுதியான பொறலஸ்கமுவ சந்தியில் இடம்பெற்ற குண்டுத்தாக்குதலில் பிரதி அமைச்சர் சிறிபால கம்லத் உட்பட 6 பேர் காயமடைந்தனர். (புதினம்) அக்டோபர் 7: செப்டம்பர் மாத காலப்பகுதியில் 200 படையினர் கொல்லப்பட்டு, 997 பேர் காயமடைந்திருப்பதாக பிரதமர் ரட்ணசிறி விக்கிரமநாயக்க நாடாளுமன்றத்தில் தெரிவித்தார். (தினக்குரல்) கிளிநொச்சி, திருமுறிகண்டி - அக்கராயன் வீதியில் இடம்பெற்ற சமரில் 20-க்கும் அதிகமான படையினர் கொல்லப்பட்டதாக விடுதலைப் புலிகள் அறிவித்தனர். (புதினம்) அக்டோபர் 6: இலங்கையின் வடமத்திய மாகாணத்தில், அனுராதபுரம் நகரில் இடம்பெற்ற குண்டுத்தாக்குதலில் இலங்கை தரைப்படையின் முதன்மைத் தளபதியாக இருந்த மேஜர் ஜெனரல் ஜானக பெரேரா உட்பட 25 பேர் கொல்லப்பட்டு, 80 பேர் காயமடைந்தனர். (பிபிசி) வன்னியில் புதுக்குடியிருப்புக்கும் புளியங்குளத்திற்குமிடையே ஆழ ஊடுருவும் படையணியினர் மேற்கொண்ட கிளைமோர் தாக்குதலில் மூன்று பொதுமக்கள் கொல்லப்பட்டதுடன், ஆறு பொதுமக்கள் படுகாயமடைந்தனர். (தினக்குரல்) அக்டோபர் 5: இலங்கை பிரச்சினையில் இந்திய நடுவண் அரசு தலையிட வலியுறுத்தி இந்தியப் பிரதமருக்கு லட்சக்கணக்கில் தந்தி அனுப்புமாறு தமிழ்நாடு முதல்வர் மு. கருணாநிதி வேண்டுகோள் விடுத்துள்ளார். (புதினம்) அக்டோபர் 3: இலங்கை வானூர்திகள் கிளிநொச்சி நகரில் நடத்திய குண்டுத்தாக்குதலில் தழிழீழ காவல்துறை நடுவப்பணியகம் மற்றும் தமிழர் புனர்வாழ்வுக் கழக துணைப் பணிமனை, கணேசபுரத்தில் உள்ள யுனிசெஃப் அலுவலகம், அதன் அருகாக உள்ள மக்கள் குடியிருப்புக்கள் மற்றும் பெண்கள் அபிவிருத்தி புனர்வாழ்வு நிறுவனம் என்பன அழிக்கப்பட்டன. (புதினம்), (புதினம்) அக்டோபர் 2: கிளிநொச்சியில் அமைந்துள்ள தமிழீழ அரசியல்துறை நடுவப்பணிமனை செயலகம், சமாதான செயலகம் என்பன இலங்கை வான்படையின் குண்டுத்தாக்குதலில் அழிக்கப்பட்டன. (புதினம்) ஈழத்தில் தமிழர்கள் மீது தாக்குதல் நடத்தும், இலங்கை அரசைக் கண்டித்தும், இலங்கை அரசுக்கு ஆயுதம் வழங்கும் இந்திய அரசினைக் கண்டித்தும், இந்திய கம்யூனிஸ்ட் கட்சி சென்னை சேப்பாக்கத்தில் நடத்திய உண்ணாநிலைப் போராட்டத்தில் ஆயிரக்கணக்கானோர் பங்குபற்றினர். (புதினம்) அக்டோபர் 1: கிளிநொச்சியில் இயங்கி வந்த உயர்தொழில்நுட்ப நிறுவனமான கணிநுட்பக்கூட்டு நிறுவனம் மீது இலங்கை வான்படை குண்டுவீசி அழித்தது. (புதினம்) கிளிநொச்சி நகரில் மக்கள் குடியிருப்புக்கள் மீது இலங்கை வான்படை நடத்திய குண்டுத்தாக்குதலில் பொதுமக்கள் இருவர் கொல்லப்பட்டனர். இரண்டு சிறார்கள் உட்பட 13 பேர் காயமடைந்துள்ளனர். (புதினம்)

நவம்பர் 2008

நவம்பர் 29: கிளிநொச்சி மாவட்டம் தருமபுரத்தில் உள்ள இடம்பெயர்ந்தோர் தங்கியிருந்த முகாம் மீது இலங்கை வான்படை நடத்திய குண்டுத்தாக்குதலில் ஐந்து வயது சிறுவன் உட்பட மூவர் கொல்லப்பட்டுள்ளதுடன் 18 பேர் படுகாயமடைந்துள்ளனர். (புதினம்) மட்டக்களப்பு மாவட்டத்தில் ஊரடங்குச் சட்டம் பிறப்பிக்கப்பட்டு தேடுதல் நடவடிக்கை மேற்கொள்ளப்பட்டதில் 50 தமிழ் இளைஞர்கள் கைது செய்யப்பட்டனர். (புதினம்) நவம்பர் 28: மட்டக்களப்பின் பல்வேறு பகுதிகளிலும் கடந்த மூன்று இரவுகளில் சுமார் 25 பேர் படுகொலை செய்யப்பட்டனர். (புதினம்) அம்பாறை மாவட்டம் பொத்துவிலில் சிறப்பு அதிரடிப்படையினர் மீது விடுதலைப் புலிகள் நடத்திய தாக்குதலில் நால்வர் கொல்லப்பட்டனர். (புதினம்) நவம்பர் 27: "நாம் எந்த நாட்டிற்கும் எதிரானவர்கள் அல்ல; உலக நாடுகள் எம்மீதான தடையை நீக்க வேண்டும்; நாம் இந்தியாவின் நண்பர்கள்" என புலிகளின் தலைவர் வே. பிரபாகரன் தனது மாவீரர் நாள் உரையில் தெரிவித்தார். (புதினம்) புலிகளின் குரல் வானொலி நிலையம் மீது வான்படை குண்டுத்தாக்குதல் நடத்தியது. (புதினம்) நவம்பர் 26: வன்னியில் தொடர் மழை மற்றும் கடும் காற்றினால் பெரும் அழிவுகளும் பாதிப்புக்களும் ஏற்பட்டுள்ளன. இதில் இருவர் உயிரிழந்தனர். (புதினம்) நவம்பர் 24: அம்பாறை, கஞ்சிக்குடிச்சசாறு காட்டுப்பகுதியில் அதிரடிப்படையினர் மீது விடுதலைப் புலிகள் தாக்குதல் நடத்தியதில் இருவர் கொல்லப்பட்டு நால்வர் படுகாயமடைந்தனர். (புதினம்) நவம்பர் 23: குஞ்சுப்பரந்தன் நோக்கிய இலங்கைப் படையினரின் மும்முனை முன்நகர்வுகள் முறியடிக்கப்பட்டதாகவும், படையினர் 40 பேர் கொல்லப்பட்டுள்ளதுடன் 80-க்கும் அதிகமானோர் படுகாயமடைந்ததாகவும் விடுதலைப் புலிகள் தெரிவித்தனர். (புதினம்) நவம்பர் 21: வன்னியில் இருந்து சென்ற நோயாளர் காவு வாகனங்கள் வவுனியாவுக்குள் செல்ல சிறிலங்கா படையினர் அனுமதியளிக்க மறுத்ததனால் இரண்டு நாள் பச்சிளம் குழந்தை உட்பட இரண்டு குழந்தைகள் உயிரிழந்தன. (புதினம்) நவம்பர் 16: முகமாலை இலங்கைப் படையினர் மேற்கொண்ட முன்நகர்வுகள் முறியடிக்கப்பட்டதாகவும் 25 படையினர் கொல்லப்பட்டு 105 படையினர் படுகாயமடைந்ததாகவும் தமிழீழ விடுதலைப் புலிகள் தெரிவித்தனர். (புதினம்) நவம்பர் 15: பிரபல தமிழ் அறிவிப்பாளரும் வெற்றி எஃப்.எம். வானொலியின் தமிழ் நிகழ்ச்சி பணிப்பாளருமான ரகுபதி பாலசிறீதரன் வாமலோசன் (லோஷன்) இலங்கை பயங்கரவாத தடுப்பு காவல்துறையினரால் கைது செய்யப்பட்டார். இவர் நவம்பர் 22 இல் விடுவிக்கப்பட்டார்.(புதினம்),(புதினம்) நவம்பர் 14: விடுதலைப் புலிகளின் கட்டுப்பாட்டிலிருந்த பூநகரியைத் தாம் கைப்பற்றியுள்ளதாக இலங்கை அரசு அறிவித்தது. (பிபிசி) நவம்பர் 14: கொழும்பின் புறநகர்ப் பகுதியில் பிள்ளையான் குழுவின் பிரத்தியேக செயலாளர் ரகு என்ற குமாரசுவாமி நந்தகோபன், மற்றும் அவரது சாரதி ஆகியோர் அடையாளம் தெரியாதோரால் சுட்டுக்கொல்லப்பட்டனர். (புதினம்), (டெய்லிமிரர்) நவம்பர் 13: மட்டக்களப்பு மாவட்டம், கரடியனாறு பன்குடாவெளிப் பகுதியில் துணை இராணுவக் குழுவின் முகாம் மீது நடத்தப்பட்ட தாக்குதலில் இருவர் கொல்லப்பட்டனர். ஏழு பேர் காணாமல் போயினர். (புதினம்) பூநகரி நோக்கி முன்னேறி வரும் படையினர் பேய்முனை மற்றும் வலைப்பாடு பகுதிகளை கைப்பற்றியதாக இலங்கை இராணுவம் தெரிவித்தது. (புதினம்) நவம்பர் 12: போர் நிறுத்த அறிவிப்பை இலங்கை அரசு வெளியிட்டு உடனடியாக படைகளைப் பழைய நிலைக்கு விலக்கிக்கொள்ள வேண்டும் என்று தமிழக சட்டசபையில் தீர்மானம் நிறைவேற்றப்பட்டது. (புதினம்) கிளிநொச்சி மாவட்டம், அக்கராயனில் உள்ள முட்கொம்பன் மற்றும் கோணாவில் பகுதிகளில் இடம்பெற்ற மோதல்களில் 32 படையினர் கொல்லப்பட்டு 45 பேர் காயமடைந்ததாக தமிழீழ விடுதலைப் புலிகள் அறிவித்தனர். (புதினம்) நவம்பர் 11: அம்பாறை உகந்தை காட்டுப் பகுதியில் ஊடுருவிய இலங்கை சிறப்பு அதிரடிப்படையினரின் அணி ஒன்றை விடுதலைப் புலிகள் வழிமறித்து தாக்கியதில் அதிரடிப்படை உயர்திகாரி ஒருவர் உட்பட இரண்டு படையினர் கொல்லப்பட்டனர். ஒருவர் படுகாயம் அடைந்தார். (புதினம்) நவம்பர் 10: மட்டக்களப்பு மாவட்டம், வவுணதீவு பிரதேசத்தில் துணை இராணுவக் குழு முகாம் மீது விடுதலைப் புலிகள் நடத்திய தாக்குதலில் இருவர் கொல்லப்பட்டனர். (புதினம்) கிளிநொச்சிக்கு மேற்கே முன்நகர்வு முயற்சியில் ஈடுபடும் படையினர் பாலாவி பகுதியையும், பேய்முனைப் பகுதியில் கிராஞ்சிப் பிரதேசத்தையும் கைப்பற்றியதாக இலங்கை இராணுவம் தெரிவித்தது. (புதினம்), (புதினம்) நவம்பர் 7: கிளிநொச்சி மாவட்டம், பணிக்கன்குளம், கிழவன்குளம், பழைய முறிகண்டி பகுதிகளில் படையினர் மேற்கொண்ட முன்நகர்வு மீது விடுதலைப் புலிகள் நடத்திய தாக்கிதலில் 45 படையினர் கொல்லப்பட்டு 100-க்கும் அதிகமானோர் காயமடைந்ததாக விடுதலைப் புலிகள் தெரிவித்தனர். (புதினம்) மட்டக்களப்பு மாவட்டத்தின் மகா ஒயா பிரதேசத்தில் அதிரடிப்படையினர் மீது விடுதலைப் புலிகள் நடத்திய தாக்குதலில் அதிரடிப்படையைச் சேர்ந்த மூவர் கொல்லப்பட்டனர். (புதினம்) நவம்பர் 6: பிரிவினைவாதத்தை தூண்டியதாக கைது செய்யப்பட்டு சிறையில் அடைக்கப்பட்டிருந்த மதிமுக பொதுச் செயலாளர் வைகோ, அக்கட்சியின் அவைத்தலைவர் மு.கண்ணப்பன் ஆகியோர் விடுதலை செய்யப்பட்டனர். (புதினம்) கிளிநொச்சிக்கு தென்மேற்காக ஒன்பது கிமீ தூரத்தில் உள்ள அக்கராயன்குளம் பகுதியை இராணுவம் கைப்பற்றியுள்ளதாக இலங்கைப் படையினர் தெரிவித்தனர். (புதினம்) நவம்பர் 5: மட்டக்களப்பு மாவட்டத்தில் சித்தாண்டி பகுதியில் கருணா குழு மீது விடுதலைப் புலிகள் நடத்திய தாக்குதலில் இருவர் கொல்லப்பட்டனர். (புதினம்) நவம்பர் 4: மட்டக்களப்பு மாவட்டத்தில் கோப்பாவெளி பகுதியில் விடுதலைப் புலிகள் நடத்திய தாக்குதலில் இலங்கை சிறப்பு அதிரடிப்படையைச் சேர்ந்த 10 பேர் கொல்லப்பட்டு இருவர் காயமடைந்தனர். (புதினம்) நவம்பர் 1: யாழ். நாகர்கோயில் கடற்பரப்பில் இலங்கை கடற்படையினரின் டோறா பீரங்கிப் படகும் ஹோவர்கிராப்ட் எனும் மிதக்கும் கனரக கடற்கலமும் கடற்புலிகளின் அதிரடித் தாக்குதலில் மூழ்கடிக்கப்பட்டது. (புதினம்)

டிசம்பர் 2008

டிசம்பர் 28: கொழும்பின் புறநகர்ப் பகுதியான வத்தளையில் இடம்பெற்ற குண்டுத் தாக்குதலில் இராணுவ அதிகாரி ஒருவர் உட்பட எட்டு பேர் கொல்லப்பட்டுள்ளதுடன் 10 படையினர் உட்பட 19 பேர் காயமடைந்தனர். (சண்டேட்டைம்ஸ்) மட்டக்களப்பு, செங்கலடியில் அதிரடிப் படையைச் சேர்ந்த ஒருவர் கொல்லப்பட்டு மூவர் படுகாயமடைந்தனர். (தமிழ்நெட்) டிசம்பர் 27: முல்லைத்தீவை நோக்கிய இலங்கைப் படையினரின் முன்நகர்வு நடவடிக்கையின் போது 68 படையினர் கொல்லப்பட்டுள்ளதுடன் 75 பேர் காயமடைந்ததாகவும் 17 உடலங்களும் படையப் பொருட்களும் கைப்பற்றப்பட்டதாகவும் விடுதலைப் புலிகள் தெரிவித்தனர். இறந்த போர்வீரர்களில் ஒருவர் 17 வயதுடையவர். (தமிழ்நெட்) வன்னியின் வட்டக்கச்சியில் இலங்கை வானூர்திகள் குண்டுகளை வீசியதில் ஒரு பெண் கொல்லப்பட்டார். மேலும் 10 பேர் காயமடைந்தனர். (தமிழ்நெட்) டிசம்பர் 23: பன்னாட்டுச் செஞ்சிலுவைச் சங்க ஊழியர் ஒருவர் யாழ்ப்பாணம், நல்லூரில் இனந்தெரியாதோரால் சுட்டுக் கொல்லப்பட்டார். (தமிழ்நெட்) டிசம்பர் 22: கிளிநொச்சியை நோக்கி ஐந்து முனைகளில் படையினர் மேற்கொண்ட முன்நகர்வுகளுக்கு எதிரான தாக்குதல்களில் இரண்டு முனைகள் முறியடிக்கப்பட்டதாகவும் இதுவரை 100 படையினர் கொல்லப்பட்டுள்ளதுடன் 250-க்கும் அதிகமானோர் படுகாயமடைந்துள்ளதாகவும் புலிகள் அறிவித்தனர். (பிபிசி) டிசம்பர் 21: கிளாலியில் இடம்பெற்ற சமரில் தாம் ஒரு இலங்கைப் படை வீரரை உயிருடன் பிடித்திருப்பதாக விடுதலைப் புலிகள் அறிவித்தனர். (புதினம்) முல்லைத்தீவு மாவட்டத்தின் நெடுங்கேணிப் பகுதியைத் தாம் கைப்பற்றியிருப்பதாக இராணுவம் அறிவித்தது. (டெய்லி மிரர்) டிசம்பர் 20: கிளிநொச்சி மாவட்டத்தில் உள்ள இரணைமடு பகுதியில் படையினரின் 2கிமீ முன்னரண் பகுதியைத் தாம் மீட்டுள்ளதாகவும் இத்தாக்குதலில் 60 படையினர் கொல்லப்பட்டுள்ளதுடன் 150 பேர் காயமடைந்துள்ளனர். படையினரின் 15 உடலங்கள் கைப்பற்றப்பட்டதாகவும் விடுதலைப் புலிகள் அறிவித்தனர். (புதினம்) வடபோர்முனையில் கொல்லப்பட்ட படையினரின் 25 உடலங்களைத் தாம் படையினரிடம் ஒப்படைத்துள்ளதாக அனைத்துலக செஞ்சிலுவைச் சங்கம் அறிவித்தது. (புதினம்) இலங்கை இராணுவத்தின் ஏவுகணைகள் வட்டக்கச்சியில் வீழ்ந்து வெடித்ததில் இரு பொது மக்கள் கொல்லப்பட்டனர். (தமிழ்நெட்) டிசம்பர் 19: முல்லைத்தீவு மாவட்டத்தில் உள்ள முள்ளிவாய்க்கால் பகுதி மக்கள் குடியிருப்பு மீது வானூர்திகள் நடத்திய குண்டுத்தாக்குதலில் ஆறு சிறுவர்கள் உட்பட 11 பொதுமக்கள் படுகாயமடைந்தனர். (புதினம்) டிசம்பர் 16: கிளிநொச்சி நோக்கிய நான்கு முனைகளிலான படையினரின் முன்நகர்வின் போது 100-க்கும் அதிகமான படையினர் கொல்லப்பட்டு 250-க்கும் அதிகமானோர் காயமடைந்ததாக விடுதலைப் புலிகள் தெரிவித்தனர். (புதினம்) முல்லைத்தீவின் அம்பகாமம் என்ற ஊரைத் தாம் கைப்பற்றியதாக இலங்கை இராணுவம் அறிவித்தது. (புதினம்) டிசம்பர் 14: அம்பாறை மாவட்டம் கஞ்சிக்குடிச்சாறில் அதிரடிப்படையினரின் அணி மீது விடுதலைப் புலிகள் நடத்திய தாக்குதலில் நால்வர் கொல்லப்பட்டனர். (புதினம்) டிசம்பர் 13: கிளிநொச்சி, வட்டக்கச்சியில் படையினர் நடத்திய எறிகணைத் தாக்குதலில் ஐந்து மாத பச்சிளம் குழந்தை படுகொலை செய்யப்பட்டுள்ளதுடன் குழந்தையின் தாய் படுகாயமடைந்தார். கனகபுரம் பகுதியில் நடத்திய எறிகணைத் தாக்குதலில் இருவர் கொல்லப்பட்டனர். (தமிழ்நெட்) டிசம்பர் 1: கிளிநொச்சி மாவட்டம், கொக்காவில் பகுதியை தாம் கைப்பற்றியதாக இலங்கை இராணுவம் தெரிவித்தது. (புதினம்) முல்லைத்தீவு ஒட்டுசுட்டான் பகுதியில் விடுதலைப் புலிகள் நடத்திய தாக்குதலில் இராணுவ ஆழ ஊடுருவும் படையணியின் கட்டளை அதிகாரி கொல்லப்பட்டார். (சங்கதி) வன்னி, வட்டக்கச்சியில் இராணுவத்தினரின் எறிகணை வீச்சில் ஆறு வயது பாடசாலை மாணவி கொல்லப்பட்டார். (தமிழ்நெட்)