விக்கிப்பீடியா:பங்களிப்பாளர் அறிமுகம்/ஜெயரத்தின மாதரசன்

ஜெயரத்தின மாதரசன், புதுச்சேரியைச் சேர்ந்தவர். புதுவைப் பல்கலைக்கழகத்தில் கணிணியின் பயன்பாட்டியலில் முதுகலையைப் பயின்று வருகிறார். 2008 முதல் தமிழ் விக்கிப்பீடியாவுக்குப் பங்களித்து வருகிறார். நடப்பு நிகழ்வுகள், கத்தோலிக்கம், கிறித்தவப் புனிதர்கள், கிறித்தவ இறையியல் முதலியன இவரது ஆர்வத் துறைகள்.விவிலிய புத்தகங்கள், திருத்தூதர், சமவெளிப் பொழிவு, பாஸ்கா புகழுரை, பாஸ்கா திரி, பதுவை அந்தோனியார், செபமாலை திருத்தந்தையர்களின் பட்டியல், குல மரபுச் சின்னம், ஆட்சிக்கு இடைப்பட்ட காலம் ஆகியவை இவர் முதன்மையாக பங்களித்த கட்டுரைகளில் சில. மேலும் கிறித்தவத் தலைவர், புனிதர் முதலிய தகவற்சட்டங்களை உருவாக்கியும் மேம்படுத்தியும் உள்ளார். பவுல் லியோன் வறுவேல் மற்றும் கனகரத்தினம் சிறீதரன் ஆகியோருடன் இணைந்து கிறித்தவம் வலைவாசலை உருவாக்கப் பணியாற்றியுள்ளார்.