அலார்சைட்டு
அலார்சைட்டு (Alarsite) என்பது AlAsO4 என்ற மூலக்கூற்று வாய்ப்பாட்டால் விவரிக்கப்படும் ஒரு கனிமம் ஆகும். இக்கனிமம் அலுமினியமும் ஆர்சனேட்டும் கலந்த கனிமமாகக் கருதப்படுகிறது[1]. இக்கனிமங்களின் உட்கூறுகளை அடிப்படையாகக் கொண்டே பெயர் வருவிக்கப்பட்டுள்ளது. நொறுங்கக் கூடியதாகவும் நிறைவுறா படிக முகப்பும் கொண்ட மணிகளாக முக்கோணச் சீர்மையில் அலார்சைட்டு தோன்றுகிறது. 5 முதல் 5.5 என்ற மோவின் கடினத்தன்மை மதிப்பும் 3.32 என்ற ஒப்படர்த்தியும் கொண்டதாக இக்கனிமம் உள்ளது.நிறமற்றும் வெளிர் மஞ்சள் சாயலும் கொண்டு பகுதியாக ஒளி உமிழக்கூடிய பண்பைக் கொண்டுள்ளது. கண்ணாடி போன்ற பளபளப்பு கொண்ட இக்கனிமம் ஓரச்சு (+) உடன் ஒளிவிலகல் குறிப்பெண் nω = 1.596 மற்றும் nε = 1.608 அளவுகளை பெற்றுள்ளது.
உருசியாவின் தூரக்கிழக்கு பிரதேசம், கம்சாத்கா பிரதேசம், டோல்பாச்சிக் எரிமலையில் உள்ள நீராவித் துளைகள் போன்ற இடங்களில் காணப்பட்டதாகத் தெரிவிக்கப்படுகிறது[2][3].பெதோட்டோவைட்டு, கிளியுசெவ்சிகைட்டு, லாமெரைட்டு, நபோகோயிட், அட்லாசோவைட்டு, லேங்பெய்னைட்டு, ஏமடைட்டு மற்றும் டெனோரைட்டு போன்ற கனிமங்களுடன் கலந்தும் அலார்சைட்டு காணப்படுகிறது[1].