அல்லோகிளாசைட்டு
அல்லோகிளாசைட்டு (Alloclasite) என்பது (Co,Fe)AsS என்ற மூலக்கூற்று வாய்ப்பாட்டால் விவரிக்கப்படும் ஒரு கரிம வேதியியல் சேர்மமாகும். கந்தக உப்புக் கனிமமாக வகைப்படுத்தப்படும் இக்கனிமம் ஆர்சனோபைரைட்டு குழுவின் ஒரு உறுப்பினராகக் கருதப்படுகிறது. P21 என்ற இடக்குழுவில் ஒற்றைச் சரிவச்சுடன் கதிர்வீச்சுப் பண்புடன் கூடிய ஊசிப்படிகப் பட்டகத்தொகுதிகளாக அல்லோகிளாசைட்டு படிகமாகிறது.[1] ஒளிபுகா உலோகத் தன்மையுடன் வெண்மையும் சாம்பலும் கலந்த நிறத்தில் கருப்பு நிற கீற்றுகள் கொண்டதாக இக்கனிமம் காணப்படுகிறது. மோவின் கடினத்தன்மை அளவுகோலில் 5 என்ற கடினத்தன்மை மதிப்பும் 5.91–5.95. என்ற ஒப்படர்த்தியும், நொறுங்கும் பண்பும் இதனுடைய குறிப்பிடத்தகுந்த இயற்பியல் பண்புகளாகும் [2].
| அல்லோகிளாசைட்டு Alloclasite | |
|---|---|
| பொதுவானாவை | |
| வகை | கனிமம் |
| வேதி வாய்பாடு | (Co,Fe)AsS |
| இனங்காணல் | |
| நிறம் | எஃகு சாம்பல் முதல் எஃகு வரை |
| முறிவு | ஒழுங்கற்று, துணை சங்குருவம் |
| மோவின் அளவுகோல் வலிமை | 5 |
| மிளிர்வு | உலோகத் தன்மை |
| கீற்றுவண்ணம் | கிட்டத்தட்ட கருப்பு |
| ஒளிஊடுருவும் தன்மை | ஒளிபுகாது |
| ஒப்படர்த்தி | 5.95 |
உருமேனியாவில் 1866 ஆம் ஆண்டு அல்லோகிளாசைட்டு கண்டறியப்பட்டு விவரிக்கப்பட்டது. கிரேக்கமொழிச் சொல்லில் இருந்து அல்லோகிளாசைட்டு என்ற பெயர் வருவிக்கப்பட்டுள்ளது. இக்கனிமத்தைப் போலவே தோற்றமளிக்கும் மார்கேசைட்டிலிருந்து அல்லோகிளாசைட்டு கனிமம் இதனுடைய படிக அமைப்பில் உள்ள தனித்தன்மை பிளவு மூலம் வேறுபடுத்தி அறியப்படுகிறது [3][2].
மேற்கோள்கள்
தொகு- ↑ Scott, J.D.; Nowacki, W. (1976). "The crystal structure of alloclasite, CoAsS, and the alloclasite-cobaltite transformation". The Canadian Mineralogist 14: 561–566.
- ↑ 2.0 2.1 http://rruff.geo.arizona.edu/doclib/hom/alloclasite.pdf Handbook of Mineralogy
- ↑ http://www.webmineral.com/data/Alloclasite.shtml Webmineral data