ஆலப்புழா கடற்கரை

ஆலப்புழை நகரத்தில் மேற்குப் பாகத்திலுள்ள கடற்கரையே ஆலப்புழை கடற்கரை என்றழைக்கப்படும். ஆலப்புழை நகரத்தின் முதன்மையான பொழுதுபோக்கிடங்களில் இதுவும் ஒன்றாகும். புகழ்பெற்ற ஆலப்புழை கடற்பாலம், ஆலப்புழை கலங்கரை விளக்கம் ஆகியவை இங்கு அமைந்திருக்கின்றன. 

ஆலப்புழா கடற்கரை

இக் கடற்கரையில் பல பிரபல மலையாள, தமிழ் திரைப்படங்களின் படப்பிடிப்புகள் நடந்திருக்கின்றன. ஆலப்புழா கீழைத் தேசங்களின் வெனிஸ் நகரம் என்றும் அழைக்கப்படுவதுண்டு. ஆலப்புழா காயல் நாட்டுப் பக்கத்தில் ஏராளமான தனித்துவமிக்க விலங்குகள், பறவையினங்கள் வாழ்கின்றன. இக் கடற்கரைக்கு ஆண்டு முழுவதும் இந்தியா முழுவதிலிருந்தும், ஐரோப்பிய நாடுகளிலிருந்தும் சுற்றுலாப் பயணிகள் வருகிறார்கள்.