இசுலாத்தில் விதியை நம்புதல்

கத்ரு அல்லது விதி (அரபு மொழி: قدر‎, qadar, பொருள் "விதி") என்பது இசுலாத்தில் அல்லாஹ்வால் மட்டுமே அறியபட்ட ஒரு இறை ஆற்றலாகும். இது ஓரிறைக்கொள்கை, இசுலாமிய புனித நூல்கள், இறைத்தூதர்கள், மறுமை மற்றும் மலக்குகள் போன்று ஈமானின் கிளைகளுள் ஒன்றாகும்.

விளக்கம்

கத்ரு என்னும் அரபு மொழிச் சொல்லானது, அளக்கப்படக் கூடியது என்னும் பொருள் கொண்ட மூல அரபுச் சொல்லிலிருந்து தோன்றியது. இது இசுலாமிய கொள்கை விளக்கத்திலும் ஒரு பகுதியாகவும் உள்ளது. இசுலாமிய நம்பிக்கை படி, இவ்வுலகில் நடக்கும் ஒவ்வொரு நிகழ்வுகளும் அல்லாஹ்வால் முன்னமே தீர்மானிக்கப்பட்டது.