உணவுத் தொழில் நுட்பம்

உணவுத் தொழில்நுட்பம் என்பது உணவுப்பொருட்களை நீண்ட நாட்கள் கெடாமல் பாதுகாப்பாக வைத்துக்கொள்ள பயன்படுத்தும் தொழில் நுட்பத்தை குறிக்கிறது. கீழ்கண்ட முறைகளை பின்பற்றி உணவுப்பொருட்கள் பதப்படுத்தப்படுகிறது.

உலர்த்தி நீர் அகற்றுதல்

நுண்ணுயிரிகள் நீர் இல்லாமல் வளராது.அதனால் உணவிலிருந்து நீரை வெளியேற்றி உணவுப்பொருள்கள் கெடாமல் பாதுகாக்கப்படுகிறது. பச்சைக் காய்கறிகள், பழங்கள், இறைச்சி மற்றும் மீன்கள் போன்றவை சூரிய ஒளியில் உலர்த்தி,நீரை அகற்றி கெடாமல் பாதுகாக்கப்படுகின்றன.

டப்பாக்களிலிடுதல், புட்டியிலிடுதல்

உணவுப்பொருட்கள் சமைக்கப்படுவதால் நுண்ணுயிரிகள் அழிக்கப்படுகின்றன.ஆனால் அதிக நேரம் பாதுகாக்க முடிவதில்லை. உணவுப் பொருள்களில் உள்ள நொதிகள் பெரும வெப்பநிலையில் (210-250 டிகிரி ஃபாரன்ஹீட்) செயலிழக்கச் செய்யப்படுகின்றன.நொதிகள் செயலிழக்க செய்யப்பட்ட உணவுப்பொருட்கள் டப்பாக்கள் அல்லது புட்டிகளில் கற்றுப்புகா வண்ணம் அடைத்து பல மாதங்களுக்கு உணவுப் பொருட்கள் கெடாமல் பாதுகாக்கப்படுகிறது.

குளிரூட்டுதல்

உணவு பாக்டீரியா போன்ற நுண்ணுயிரிகள் வளர சாதகமில்லாத சீரான குறைந்த வெப்பநிலையில் பாதுகாக்கப்படுகிறது.இதனால் உணவில் உள்ள சத்துப்பொருட்கள் அழிக்கப்படாமல் இயல்பான நிலையிலையே பாதுகாக்கப்படுகின்றன.

உணவுப்பதப்படுத்திகளைச் சேர்த்தல்

உப்பு,தேன்,சர்க்கரை,எண்ணெய் போன்றவை சிறந்த உணவுப்பதப்படுத்திகள் ஆகும்.உப்பு மற்றும் எண்ணெய் இறைச்சி, மீன், காய்கறிகளைப் பதப்படுத்தவும், ஊறுகாய் தயாரிக்கவும் பயன்படுத்தப்படுகிறது.சர்க்கரை மற்றும் தேன் ஜாம்,ஜெல்லி தயாரிக்கும்போது பதப்படுத்தியாக பயன்படுகிறது.

பாஸ்டியர் முறை

பாலில் உள்ள நோய் உண்டாக்கும் குச்சுயிரிகளை அழித்துப் பாலில் உள்ள சத்துக்கள் குறையாமல் பாதுகாக்க பாலை 60 டிகிரி வெப்பநிலையில் காய்ச்சி அதே வெப்பநிலையில் அரைமணி நேரம் வைத்த பின்பு வேகமாக குளிரச்செய்யப்படுகிறது. லூயிபாஸ்டியர் பாலைப் பாதுகாக்க இம்முறையை கண்டுபிடித்தார்.