ஐயன் கொம்பு

ஐயன் கொம்பு என்பது பேசும் குழந்தையிடம் தாய்மார் விளையாடும் விளையாட்டு. இது குழந்தையைப் பேசப் பழக்கும் விளையாட்டு.

பேசும் குழந்தையின் விரலை ஒவ்வொன்றாகப் பிடித்துக்கொண்டு ‘இது யார்க் கொம்பு, ஐயன் கொம்பு … என்று பாடி மகிழ்விக்கும் விளையாட்டு.

உரையாட்டுப் பாடல்

தாய்	குழந்தை
யார் கொம்பு	ஐயன் கொம்பு
ஐயன் எங்கே	பூப் பறிக்க
பூ எங்கே	தண்ணிக்குள்ளே
தண்ணி எங்கே	ஆடுமாடு குடிச்சுபுடுத்து
ஆடுமாடு எங்கே	குச்சியிலே (குச்சி = ஆடுமாடு அடைத்துவைக்கும் தொழுவம்)
குச்சி எங்கே	தீயிலே எரிஞ்சுப் போச்சு
சாம்பல் எங்கே	பல் விளக்கியாச்சு

வெட்டவா, குத்தவா, வெந்நித் தண்ணி ஊத்தவா!

இவ்வாறு சொல்லிவிட்டுக் குழந்தையைத் தாய் செல்லமாகக் கிள்ளுவாள்.

பார்க்க

• தமிழர் விளையாட்டுகள் (அண்மைய காலம்)

கருவிநூல்

• இரா. பாலசுப்பிரமணியம், தமிழர் நாட்டு விளையாட்டுகள், உலகத் தமிழாராய்ச்சி நிறுவனம் சென்னை வெளியீடு, 1980