ஒட்டுக்கள்

' ஒட்டுக்கள் ' தற்காலத் தமிழில் பெயர், வினை தவிர ஓட்டுக்களும் வழக்கிலுள்ளன. இவற்றை அடைகள் எனவும் கூறுவதுண்டு.

வகைகள்

1. முன்னொட்டு
2. உள் ஒட்டு
3. பின்னொட்டு என மூவகை உள்ளன.

முன்னொட்டு

சொல்லுக்கு முன் சேர்த்துக்கொள்ளப்படுவது முன்னொட்டு அல்லது முன்னடை ஆகும்.

சான்று

1. மரியாதை > அவமரியாதை
2. மானம் > அவமானம்
3. நீதி > அநீதி

எதிர்மறையைக் குறிக்க அவ, அ என்ற முன்னொட்டுக்கள் சேர்க்கப்படுகின்றன.

உள் ஒட்டு

உள் ஒட்டுகள் தமிழில் இல்லை.

பின்னொட்டு

சொல்லுக்குப் பின் சேர்க்கபடுவது பின்னொட்டு அல்லது பின்னடை ஆகும்.

சான்று

1. பெரியாரும் ராஜாஜியும் நண்பர்கள்.
2. மற்றவர்களும் இந்தத் தொழிலைச் செய்ய ஆரம்பித்துவிட்டார்கள்.

உம் என்ற பின்னொட்டு வைத்துள்ளது.

இவையல்லாமல் ஓ , ஆவது போன்ற பின் ஒட்டுக்களும் உள்ளன.

ஓ என்னும் பின்னொட்டு

1. நீ அங்கே போவாயோ ?
2. கலைஞர் வள்ளுவர் கோட்டம் அமைத்தாரோ ?

ஆவது என்னும் பின்னொட்டு

1. இரண்டாவது பேசியவர் முதலமைச்சர்.
2. நான் எங்கேயாவது செல்கிறேன்.
3. அவராவது கூறியிருக்கலாம்.

இவ்வாறு வளர்ந்து வரும் சமுதாய மாறுதலுக்கேற்ப மொழியும் மாற்றமடைந்து கொண்டே வருகிறது.

பார்வை நூல்

தமிழ் மொழி வரலாறு, டாக்டர். சு. சக்திவேல், மெய்யப்பன் பதிப்பகம்.