கணக்குகளின் வகைப்பாடு (கணக்குப் பதிவியல்)

பரிவர்த்தனைகள் மூன்று வகைப்படும்

அவை:

1.நிறுவனங்கள் மற்றும் தனிநபர் சார்ந்த பரிவர்த்தனைகள்

2.சரக்குகள்,சொத்துக்கள், பணம் சார்ந்த பரிவர்த்தனைகள்

3.இலாபம் மற்றும் நட்டங்கள் சார்ந்த பரிவர்த்தனைகள்.

I. ஆள்சார்  கணக்குகள் : ( Personal Accounts)

         -தனி நபர் தொடர்பான கணக்குகளைத் தனிப்பட்ட கணக்குகள் / ஆள்சார் கணக்குகள் எனக் கூறலாம்.

ஆள்சார்  கணக்குகள்  இரண்டு வகைப்படும்.

அவை:

1.தனிநபர் கணக்கு (Natural Person)

2.சட்டமுறை அமைப்புகள் (Artificial Person)

தனிநபர் கணக்குகள்:

இந்தக் கணக்குகள் ஒரு தனிப்பட்ட நபரைக் குறிக்கும் கணக்குகள்.

எ.கா :அருள் க/கு

சட்டமுறை அமைப்புகள்:

சங்கம், குழு மற்றும் அமைப்புகள்சார் கணக்குகள்

எ.கா. இந்தியன் ஓவர்சீஸ் வங்கி

II ஆள்சாராக்  கணக்குகள்:

ஆட்களைச் சாராத கணக்குகளை ஆள்சாராக் கணக்குகள் என்று கூறுவர்.

இது இரண்டு வகைப்படும். அவை:

1.சொத்துக் கணக்கு (Real account)

2.பெயரளவில் கணக்கு (Nominal Account)

சொத்துக் கணக்கு:

ஒரு தனி நிறுவனத்தின் சொத்துக்களை / உடைமைகளைக் குறிக்கும் கணக்குச் சொத்துக் கணக்கு.

எடுத்துக்காட்டு :  நிறுவனத்தின் மேசைகள்

பெயரளவு கணக்கு:

இந்தக் கணக்கிற்கு உருவம் கிடையாது. வணிகச் செயல்பாடுகள் மற்றும் பரிவர்த்தனைகளில் நிகழும் இலாப நட்டங்களைப் பற்றிய கணக்கு.

எடுத்துக்காட்டு : சம்பளக் கணக்கு