கல் உருக்கி

கல் உருக்கி அல்லது கல்லுருக்கி (Scoparia dulcis), வாழைக் குடும்பத்தைச் சேர்ந்த மூலிகைச் செடியாகும்.^[1] ^[2] இச்செடிகள் புவி முழுவதும் வளர்கிறது. இந்தியா மற்றும் வங்காளதேசத்தில் இதனை களையாக கருதினாலும், இச்செடி மூலிகை மருத்துவத்தில் சிறுநீரக கற்களை கரைப்பதற்கு அதிகம் பயன்படுகிறது.^[3]இச்செடிகள் மண் வளம் அற்ற சரளை பூமியில் நன்கு விளைகிறது.

பாரம்பரிய மருத்துவப் பயன்பாடுகள் தொகு

இந்தியா மற்றும் தைவானில் இச்செடியின் இலைகள் இரத்த சர்க்கரை, இரத்த அழுத்தம் உள்ளவர்களுக்கு பயன்படுத்தப்படுகிறது.^[4]ஆயுர்வேதம் மற்றும் சித்த மருத்துவத்தில் நாட்பட்ட சிறுநீரகக் கற்களை (kallurukki (stone melter) கரைத்து வெளியேற்றப் பயன்படுகிறது. பிரேசில் நாட்டில் மூல நோய்களுக்கும், அடிபட்ட காயங்களுக்கு மருந்தாக தரப்படுகிறது.^[5]