காசிபூர்
காசிபூர் (kashipur) என்பது இந்தியாவின் உத்தராகண்டம் மாநிலத்தின் உதம் சிங் நகர் மாவட்டத்தில் அமைந்துள்ள ஒரு நகரமாகும். மேலும் அதன் ஏழு துணைப்பிரிவுகளில் ஒன்றாகும். உதம் சிங் நகர் மாவட்டத்தின் மேற்கு பகுதியில் அமைந்துள்ள இது குமாவுனின் மூன்றாவது அதிக மக்கள் தொகை கொண்ட நகரமாகவும், உத்தராகாண்டில் ஆறாவது அதிக மக்கட் தொகை கொண்ட நகரமாகவும் உள்ளது . 2011 ஆம் ஆண்டு இந்திய மக்கட் தொகை கணக்கெடுப்பின்படி காசிபூர் நகரத்தின் மக்கட் தொகை 121,623 ஆகவும், காசிபூர் தெஹ்ஸிலின் மக்கட் தொகை 283,136 ஆகவும் இருந்தது.
வரலாற்று ரீதியாக குமாவுனின் ஒரு பகுதியாக காஷிப்பூர் 16 மற்றும் 17 ஆம் நூற்றாண்டுகளில் குமாவுனின் சாந்த் கிங்சின் அதிகாரிகளில் ஒருவரான பர்கானாவின் நிறுவனரும் ஆளுநருமான காசிநாத் என்பவரின் பெயரால் பெயரிடப்பட்டது. காசிபூர் பதினெட்டாம் நூற்றாண்டின் பிற்பகுதி வரை சாந்த் கிங்ஸின் ஆட்சியில் இருந்தது.[1]
1801 ஆம் ஆண்டில் காசிபூர் பிரித்தானியரிடம் ஒப்படைக்கப்பட்டது. அதன் பின்னர் 1815 ஆம் ஆண்டில் ஆங்கிலோ-கோர்கா போரின்போது குமாவோனை கைப்பற்றுவதில் இது ஒரு முக்கிய பங்கைக் கொண்டிருந்தது.[2] சுகோலி உடன்படிக்கையின் கீழ் பிரித்தானியரிடம் ஒப்படைக்கப்பட்ட பின்னர் குமாவோன் பிரிவின் தெராய் மாவட்டத்தின் தலைமையகமாக காசிபூர் மாறியது. காசிபூர் நகராட்சி 1872 ஆம் ஆண்டில் நிறுவப்பட்டது. மேலும் 26 ஜனவரி 2013 அன்று ஒரு மாநகராட்சியாக மேம்படுத்தப்பட்டது.[3]
புவியியல் தொகு
புது தில்லிக்கு வடமேற்கே 180 கிலோமீற்றர் (110 மைல்) தொலைவில் தெராயில் உத்தரகண்ட் மாநிலத்தின் குமாவோன் பகுதியின் தென்மேற்கில் அமைந்துள்ளது.[4] புவியியல் ரீதியாக, காசிபூர் தெராய் பாதையில் ஆதிக்கம் செலுத்துகிறது. இது மேற்கில் ஜாஸ்பூரிலிருந்து நகரத்தின் வழியாக கிடைமட்டமாக செல்கிறது. நகர மையம் வழியாக கிழக்கில் பாஜ்பூர் மற்றும் ருத்ராபூர் வரை செல்கிறது. தெராய் உருவாக்கம் களிமண், மணல், களிமண், நடுத்தர மணல் மற்றும் சரளைகளையும் கொண்டுள்ளது.
காலநிலை தொகு
காசிபூர் அதன் தெற்கே உள்ள இந்தோ-கங்கை சமவெளிகளைப் போல ஈரப்பதமான துணை வெப்பமண்டல காலநிலையைக் கொண்டுள்ளது. கோடையில் (சூன்) சராசரி அதிகபட்ச வெப்பநிலை 31.6 °C (88.9 °F) ஆக இருக்கும். குளிர்காலத்தில் (சனவரி) சராசரி வெப்பநிலை சுமார் 14.5 °C (58.1 °F) ஆக காணப்படும். நவம்பர் வறண்ட மாதமாகும். மார்ச் முதல் சூன் வரை கோடைக்காலமாகவும், சூலை முதல் நவம்பர் வரை பருவமழையும், திசம்பர் முதல் பெப்ரவரி வரை குளிர்காலமாகவும் இருக்கும்.[5]
பொருளாதாரம் தொகு
இப்பகுதியில் விவசாயமே முக்கிய பொருளாதார நடவடிக்கையாகும். வளமான நிலம், நீர் கிடைக்கின்றது. இந்த பிராந்தியத்தில் ஏராளமான விவசாயிகள் உண்மையில் வெளியில் இருந்து குடியேறியவர்கள் ஆவார்கள். இவர்கள் ஐந்து ஏக்கருக்கு மேல் நிலம் வைத்திருக்கிறார்கள். காரி நேகி கிராமத்தைச் சுற்றியுள்ள அகதிகளுக்கும், மால்தான் கிராமத்தில் உள்ள மலை மக்களுக்கும் விவசாய நிலங்களை அரசாங்கம் ஒதுக்கியுள்ளது.
வரலாற்று ரீதியாக இப்பகுதியில் தொழில்துறை நடவடிக்கைகள் மிகக் குறைந்த அளவிலும் விவசாயத்தை அடிப்படையாகக் கொண்டவையாகவும் இருந்தன. பின்னர், நிர்வாக ஊக்கம் மற்றும் ஆதரவுடன் காசிபூர் நகரைச் சுற்றி விரைவான தொழில்துறை வளர்ச்சி ஏற்பட்டது. காசிபூர் ஒரு செழிப்பான தொழில்துறை மையமாக மாறி வருகிறது. மலிவான மற்றும் ஏராளமான மூலப்பொருட்கள் கிடைப்பதால் பல காகித மற்றும் சர்க்கரை ஆலைகள் ஏற்கனவே நகரத்தில் உள்ளன.
புள்ளிவிபரங்கள் தொகு
2011 ஆம் ஆண்டு சனத்தொகை கணக்கெடுப்பின் தற்காலிக தரவுகளின்படி காசிபூரில் 121,623 மக்கள் வசிக்கின்றனர். இதில் ஆண்கள் 63,625 ஆகவும், பெண்கள் 57,985 ஆகவும் உள்ளனர். மக்கட்தொகை அடர்த்தி சதுர மைலுக்கு 57,693 ஆகும்.[6]
0–6 வயதுடையவர்களின் எண்ணிக்கை 14835 ஆகும். இது காசிபூரின் மொத்த மக்கள் தொகையில் 12.20% வீதம் ஆகும். நகரத்தின் கல்வியறிவு விகிதம் 82.45% ஆகும். இது மாநில சராசரியை விட அதிகமாகும். காசிபூரில் ஆண்களின் கல்வியறிவு 86.88% ஆகவும், பெண் கல்வியறிவு 77.63% ஆகவும் உள்ளது.[7]
சான்றுகள் தொகு
- ↑ "Imperial Gazetteer2 of India, Volume 15, page 71 -- Imperial Gazetteer of India -- Digital South Asia Library". dsal.uchicago.edu. பார்க்கப்பட்ட நாள் 2019-11-19.
- ↑ "Imperial Gazetteer2 of India, Volume 18, page 324 -- Imperial Gazetteer of India -- Digital South Asia Library". dsal.uchicago.edu. பார்க்கப்பட்ட நாள் 2019-11-19.
- ↑ "Himalaya Gaurav Uttarakhand". Archived from the original on 2013-12-23.
- ↑ "Distance between Delhi and Kashipur is 180 KM / 112.4 miles". distancebetween2.com. பார்க்கப்பட்ட நாள் 2019-11-19.
- ↑ "Kashipur climate: Average Temperature, weather by month, Kashipur weather averages - Climate-Data.org". en.climate-data.org. பார்க்கப்பட்ட நாள் 2019-11-19.
- ↑ "Kashipur Nagar Palika Parishad City Population Census 2011-2019 | Uttarakhand". www.census2011.co.in. பார்க்கப்பட்ட நாள் 2019-11-19.
- ↑ "Kashipur Nagar Palika Parishad City Population Census 2011-2019 | Uttarakhand". www.census2011.co.in. பார்க்கப்பட்ட நாள் 2019-11-19.
