கீழ்வேளூர் யாதவ நாராயணப் பெருமாள் கோயில்

கீழ்வேளூர் யாதவ நாராயணப் பெருமாள் கோயில் நாகப்பட்டினம் மாவட்டத்திலுள்ள அமைந்துள்ள வைணவக்கோயிலாகும்.

அமைவிடம்

இக்கோயில் நாகப்பட்டினம்-திருவாரூர் சாலையில் கீவளூரில் இருந்து கச்சனம் செல்லும் சாலையில் அமைந்துள்ளது. திருக்கண்ணங்குடியின் அபிமானத்தலமாகவும், பஞ்ச நாராயணத் தலங்களில் ஒன்றாகவும் உள்ளது.

இறைவன், இறைவி

நின்ற நிலையில் யாதவ நாராயணப்பெருமாள் உள்ளார். இறைவி யாதவவல்லி என்ற பெயரில் தனிச்சன்னதியில் உள்ளார். இப்பெருமாள் ஸ்ரீதேவி, பூமிதேவியோடு உள்ள வெங்கடாஜலபதியின் சன்னதியும் இக்கோயிலில் உள்ளது.

வரலாறு

சூரபத்மனை வதம் செய்த தோஷம் நீங்குவதற்காக முருகன் அட்சயலிங்கேசுவரை நோக்கி தவமிருந்ததாகவும், தோஷம் நீங்கவே யாதவப் பெருமக்கள் மகிழ்ச்சியடைந்து பசுக்களின் பாலை திருமாலுக்கு அளித்ததாகவும், அதனை ஏற்றுக்கொள்வதற்காக பெருமாள் இங்கு இருப்பதாகவும் கூறுகின்றனர்.