கைனது சூமுரோ

கைனது சூமுரோ (Kainat Soomro சிந்தி மொழி: ڪائنات سومرو‎ ) (மே 2, 1993 இல் பாக்கித்தானின் மெஹாரில் பிறந்தார்) ஒரு பாக்கித்தானிய பெண், தனது 13 வயதில் தனது குழு பாலியல் வல்லுறவிற்கு நீதி பெற போராடியதன் மூலம் சர்வதேச கவனத்தை ஈர்த்தவர் ஆவார். கைனது தன்னைத் தாக்கியதாகக் கூறப்படும் தாக்குதல்களுக்கு எதிராக நீதி பெறுவதில் உறுதியாக இருந்தார்.

வரலாறு

2007 ஆம் ஆண்டில், பள்ளியில் இருந்து வீட்டிற்கு நடந்து செல்லும் போது தனது மருமகளுக்கு ஒரு பொம்மை வாங்க ஒரு உள்ளூர் கடையில் நின்றதாக சூமுரோ கூறினார். இங்கு தான் இவர் போதை மருந்து கொடுக்கப்பட்டு , கடத்தி, பின்னர் நான்கு ஆண்களால் குழு பாலியல் வன்கலவி செய்யப்பட்டதாக குற்றம் சாட்டினார், இவர்களில் ஒரு தந்தை மற்றும் மகன் இருவரும் வன்கலவி செய்ததாக குற்றம் சாட்டினார்.

உள்ளூர் தீர்ப்பாயம் இவளை திருமணத்திற்கு வெளியே தனது கன்னித்தன்மையை இழந்த ஒரு "கருப்பு பெண்" காரி என்று தீர்மானித்தது. சூமுரோ கரோ காரிக்கு உட்பட்டதாக இருக்கலாம், இது ஆணவக் கொலைக்கு ஒத்ததாகும்; எனினும், இந்த கருத்து இவரது தந்தை, சகோதரர் மற்றும் தாயால் நிராகரிக்கப்பட்டது. பல தாக்குதல்களுக்குப் பிறகு இந்த தீர்ப்பின் பின்னடைவுக்கு பயந்து, சூமுரோவின் குடும்பம் கராச்சிக்கு தப்பிச் சென்றது.

பாரம்பரிய விதிமுறைகளை மீறி, சூமுரோ குற்றம் சாட்டப்பட்டவர்களை நீதிமன்றத்திற்கு அழைத்துச் சென்றார், இறுதியில் இவர்கள் குற்றமற்றவர்கள் என்று நீதிபதி தீர்ப்பளித்தார், "பதிவில் எந்த ஆதாரமும் இல்லை. பாலியல் பலாத்காரத்தில் உயிர் பிழைத்தவரின் ஒரே சாட்சி இந்த வழக்கில் போதுமானதாக இல்லை. "

சிறைப்பிடிக்கப்பட்ட காலத்தில், கைனது கற்பழிப்பாளர்களில் ஒருவரான அகசான் தெபோவை திருமணம் செய்ததாகக் கூறப்படுகிறது, இது கற்பழிப்புக்கான கடுமையான தண்டனையைத் தவிர்ப்பதற்காக பாக்கித்தானில் அடிக்கடி பயன்படுத்தப்படும் ஒரு சடங்கு தந்திரமாகும். திருமணத்தை நடத்திய மதகுரு இவர் பதினெட்டு வயதுடையவர் என்றும் இவர் திருமணத்திற்கு கட்டாயப்படுத்தப்பட்டதாகத் தெரியவில்லை என்றும் கூறினார். இஸ்லாமிய சட்டப்படி, பாக்கித்தானின் சட்டப்படி இவர் 13 வயதாக இருந்தாலும் திருமணத்தினை சட்ட ரீதியிலாக அங்கீகரிக்கும் என்ற காரணத்தினால் இந்தத் திருமணத்தை நீதிபதி உறுதி செய்தார். இவர் சில வெற்று ஆவணங்களில் கையெழுத்திட மற்றும் இவளுடைய கட்டைவிரல் ரேகைகள் துப்பாக்கி முனையில் பெற கட்டாயப்படுத்தப்பட்டது. விசாரணையின் போது திருமண பாலியல் வன்கலவியினை பாக்கித்தான் சட்டம் அங்கீகரிக்கவில்லை.

கைனாது திருமணத்திற்கு வெளியே உடலுறவு கொண்டதாக குற்றம் சாட்டப்பட்டபோது ஊர் பெரியவர்களின் தீர்ப்பு இவர் தண்டிக்கப்பட வேண்டும் என்பதாக இருந்தது.

நீதிமன்றத் தீர்ப்புக்கு ஒரு மாதத்திற்குப் பிறகு கைனாதுவின் சகோதரர் கொல்லப்பட்டார், சோதனையின் போது தனது சகோதரியை பாதுகாத்ததாகக் கூறப்படுகிறது. சூமுரோவின் குடும்பம் தாக்குதலுக்கு உள்ளானது, சூமுரோவின் சகோதரரும் தந்தையும் இரும்பு கம்பிகளால் தாக்கப்பட்டனர்; சூமுரோவிற்கும் கொலை மிரட்டல் வந்தது. நீதிமன்றத்தின் தீர்ப்பை எதிர்த்து குடும்பம் தற்போது மேல்முறையீட்டில் ஈடுபட்டுள்ளது.

பாலியல் வன்கலவியில் பாதிக்கப்பட்டதாகக் கூறப்படும் இவரது கதையை சித்தரித்து , பாக்கித்தானில் சட்டவிரோதம் என்ற தலைப்பில் ஒரு ஆவணப்படம் சூம்ரோவின் கதையினை அடிப்படையாகக் கொண்டு எடுக்கப்பட்டது. இந்தப் படம் இவளது போராட்டத்தை ஆவணப்படுத்தி, இவளது குடும்பத்தின் நீதிக்கான போராட்டத்தை, கலாச்சார மரபுகளை மீறி இவர்கள் சந்திக்கும் இழப்புகளைக் காட்டுகிறது.