சந்திரசேகர் வரையறை

(சந்திரசேகர் எல்லை இலிருந்து வழிமாற்றப்பட்டது)

சந்திரசேகர் வரையறை (Chandrasekhar limit) என்பது ஒரு நிலையான வெண் குறுமீனின் அதிக பட்ச திணிவு (Mass) அளவாகும். இது ஏறத்தாழ சூரியனின் நிறையைப்போல் 1.44 மடங்காகும் (2.765×1030 kg).[1][2][3] இதற்குக் கூடுதலான நிறையிருப்பின் அவ்விண்மீன் தனது நிலைத்தன்மையை இழக்கும். இவ்வரையறையைக் கண்டறிந்தவர் தமிழ் நாட்டில் பிறந்த புகழ் பெற்ற விஞ்ஞானியும், இயற்பியலிற்கான நோபல் பரிசு பெற்றவருமான சுப்ரமணியன் சந்திரசேகர் ஆவார்.

வெண் குறுமீன்கள், எலக்ட்ரான் சமநிலை குலைவு அழுத்தத்தால் (Electron Degeneracy Pressure) தமது திண்மத்தால் ஏற்படும்புவியீர்ப்பு விசையால் ஏற்படக்கூடிய குலைவைத் (Gravitational Collapse) தடுத்து நிலைபெறுகின்றன (பொதுவாக விண்மீன்கள், திண்மத்தால் ஏற்படக்கூடிய புவியீர்ப்பு குலைவை, அணுக்கரு இணைப்பில் உருவாகும் அழுத்தத்தால் (Thermal Pressure) ஈடுசெய்து நிலைத்திருக்கின்றன). சந்திரசேகர் வரையறை திண்ம அளவைத் தாண்டும்போது, புவியீர்ப்பு குலைவை எலக்ட்ரான் சமநிலை குலைவு அழுத்தத்தால் ஈடுசெய்ய இயலாமல் போகிறது. அதன் தொடர்ச்சியாக, அவ்விண்மீன் ஈர்ப்பு விசை குலைவின் விளைவாக நியூட்ரான் விண்மீனாகவோ (Neutron Star) அல்லது கருந்துளையாகவோ (Blackhole) உருப்பெருகிறது. சந்திரசேகர் வரையறைக்குள்ளாக திண்மம் கொண்ட விண்மீன்கள், வெண் குறுமீன்களாக நிலைத்திருக்கும்.[4]

உசாத்துணைகள் தொகு

  1. Stephen Hawking; Werner Israel, தொகுப்பாசிரியர்கள் (1989). Three Hundred Years of Gravitation (1st pbk. corrected ). Cambridge: Cambridge University Press. பன்னாட்டுத் தரப்புத்தக எண்:978-0-521-37976-2. 
  2. Bethe, Hans A.; Brown, Gerald (2003). "How A Supernova Explodes". in Bethe, Hans A.; Brown, Gerald; Lee, Chang-Hwan. Formation And Evolution of Black Holes in the Galaxy: Selected Papers with Commentary. River Edge, NJ: World Scientific. பக். 55. பன்னாட்டுத் தரப்புத்தக எண்:978-981-238-250-4. Bibcode: 2003febh.book.....B. 
  3. Mazzali, P. A.; Röpke, F. K.; Benetti, S.; Hillebrandt, W. (2007). "A Common Explosion Mechanism for Type Ia Supernovae". Science 315 (5813): 825–828. doi:10.1126/science.1136259. பப்மெட்:17289993. Bibcode: 2007Sci...315..825M. 
  4. Sean Carroll, Ph.D., Caltech, 2007, The Teaching Company, Dark Matter, Dark Energy: The Dark Side of the Universe, Guidebook Part 2 page 44, Accessed Oct. 7, 2013, "...Chandrasekhar limit: The maximum mass of a white dwarf star, about 1.4 times the mass of the Sun. Above this mass, the gravitational pull becomes too great, and the star must collapse to a neutron star or black hole..."


"https://ta.wikipedia.org/w/index.php?title=சந்திரசேகர்_வரையறை&oldid=3034883" இலிருந்து மீள்விக்கப்பட்டது