சமயபுரம் பூச்சொரிதல் விழா
சமயபுரம் பூச்சொரிதல் விழா (Poochoriyal) இந்தியாவின் தமிழ்நாடு மாநிலம் திருச்சிராப்பள்ளிக்கு அருகில் உள்ள சமயபுரம் மாரியம்மன் கோவிலில் கொண்டாடப்படும் ஒரு முக்கிய திருவிழாவாகும். இந்த விழா பொதுவாக தமிழ் மாதமான மாசி மாதத்தில் நடைபெறும். இந்த திருவிழாவின் போது, இந்து தெய்வமான மாரியம்மன் சிலை மீது பூக்களை தூவி பக்தர்கள் கூட்டம் அலைமோதுகிறது. இந்த காலகட்டத்தில், அம்மன் தனது பக்தர்களின் நலனுக்காக 28 நாட்கள் விரதம் இருப்பார் என்று நம்பப்படுகிறது. இதனால், கோயிலில் அன்னதானம் செய்யும் சடங்கு நடைபெறுவதில்லை.[1][2]
திருவிழா நிகழ்ச்சிகள்
தொகுவீடுகளில் காப்புக்கட்டப்படுகிறது. பெண்கள் வீதிகளை அடைத்துக் கோலமிடுகிறார்கள். உற்றார் உறவினர்கள் எல்லாம் திருவிழாவினைக் காண ஊர் விட்டு ஊர் செல்கிறார்கள். பூச்சொரிதல் விழாக்காலங்களில் ஆயிரக்கணக்கான பக்தர்கள் கோவிலில் கூடுவர். நிறைய மணமுள்ள மலர்களைக் கொணர்ந்து மூலவரான பெண் தெய்வங்கள் மேல் சொரிந்து வணங்குவர்.
விரதமிருந்து வழிபடுதல், சக்திக்கரகம் அழைத்தல், முளைப்பாரி ஊர்வலம், பால்குட ஊர்வலம், தீச்சட்டி ஏந்துதல், தீ மிதித்தல், அலகு குத்துதல் போன்ற நேர்த்திக்கடன்களும் இங்கு நிறைவேற்றப்படுகின்றன. கோவில்களில் தேரோட்டம், பூம்பல்லாக்கு, தெப்பம் போன்ற நிகழ்வுகளும் நடைபெறுகின்றன. தண்ணீர்பந்தல்கள் மற்றும் அன்னதானம் எல்லாம் உண்டு.
மேற்கோள்கள்
தொகு- ↑ "சமயபுரம் மாரியம்மன் கோயில் பூச்சொரிதல் விழா: அம்மனுக்கு மலர்களை சாற்றி வழிபட்டனர்", Hindu Tamil Thisai, 2024-03-11, பார்க்கப்பட்ட நாள் 2024-06-26
- ↑ "சமயபுரம் மாரியம்மன் பூச்சொரிதல் விழா... ஏன்? - வரலாறு, மரபு, மகிமை!". ஆனந்த விகடன். https://www.vikatan.com/spiritual/temples/86810-history-of-samayapuram-maariamman-flower-festival. பார்த்த நாள்: 26 June 2024.