சிவக்கலை

சிவக்கலைகள் என்பன சைவசமயத்தின் சிவதத்துவங்களை அறிந்துகொள்ளும் கூறாகும். சிவக்கலையும் சிவயோகமும் ஒரே தங்க நாணயத்தின் இருபக்கங்கள் எனசிவக்கலையும் சிவயோகமும் என்ற கட்டுரையில் நா செல்லப்பா கூறியுள்ளார்.

வகைகள்

இந்த சிவக்கலைகள் ஐந்து வகைப்படுகின்றன.

1. நிவர்த்திக்கலை
2. பிரதிட்டாகலை
3. வித்தியாகலை
4. சாந்திக்கலை
5. சாந்தியாதீதக்கலை

நிவர்த்திக்கலை: நிவர்த்திக்கலை என்பதை நிவிருத்திக்கலை என்றும் கொள்வர். இக்கலையின் நோக்கமானது மனதில் விருத்தியாகி இயங்கும் எண்ணங்களை அகற்றுவதாகும். கற்பனையில் இறைவனை காணுதல் இயலாது என்பதால் இறையைக் காண கற்பனை அழிப்பினை செய்ய வேண்டுவதே நிவர்த்திக்கலையின் நோக்கமாகும்.

பிரதிட்டாகலை: இறைவனுடைய அருட்சக்தியை மனதில் பிரதிட்டை செய்து வணங்கும் கலையாகும்.

வித்தியாகலை: வித்தியாகலை என்பது வித்தைகளை பெரும் பொருட்டு செய்யப்படும் கலையாகும். இக்கலை பூர்ண சிவக்கலையை சேராதிருக்கும் என்றும் கூறப்படுகிறது.

சாந்திக்கலை: சாந்திக்கலை என்பது மன அமைதி வேண்டி சிவபெருமானை சரணடைதலாகும். இக்கலையில் சிவபக்தியுடன் பஞ்சாட்சர மந்திரத்தில் உள்ள சிவ எனும் இரண்டு அட்சரங்களை இடைவிடாது செபிக்கும் முறையுள்ளது.

சாந்தியாதீதக்கலை: சிவபதத்தினை அடைய முப்பத்தாறு சிவதத்துவங்களையும், இடம் காலம் காரணம் என்ற மூன்று பரிணாமங்களையும் விட்டு விலக முயற்சி செய்வது சாந்தியதீதக் கலையாகும்.