சி. கே. என். பட்டேல்
சி. குமார் என். பட்டேல் (பி. 2 சூலை, 1938) 1963- ஆம் ஆண்டு கார்பன் டையாக்சைடு லேசரை வடிவமைத்தார்.[1] இந்த லேசர் வெட்டலுக்கும் பற்றவைத்தலுக்கும் பெருமளவில் பயன்படுத்தப்படுகிறது. C O 2 லேசர் மட்டுமல்லாது அகச்சிவப்பு இராமன் லேசரையும் பட்டேல் தயாரித்துள்ளார்.
| C. Kumar N. Patel | |
|---|---|
| பிறப்பு | சூலை 2, 1938 பராமத்தி, பூனா மாவட்டம், மகாராட்டிரம். |
| வாழிடம் | ஒன்றிணைந்த அமெரிக்கக் குடியரசுகள் |
| தேசியம் | அமெரிக்கர் |
| துறை | மின் பொறியியல் |
| பணியிடங்கள் | பெல் ஆய்வகம் |
| கல்வி கற்ற இடங்கள் | பூனா பொறியியல் கல்லூரி, ஸ்டான்போர்டு பல்கலைக்கழகம். |
| விருதுகள் | IEEE Medal of Honor |
சி. கே. என். பட்டேல் மகாராட்டிர மாநிலம் பூனா மாவட்டத்திலுள்ள பராமத்தி என்னும் ஊரில் பிறந்தவர்; பூனா பல்கலைக்கழக பொறியியல் கல்லூரியில் பொறியியல் பட்டப்படிப்பை முடித்து விட்டு ஸ்டான்போர்டு பல்கலைக்கழகத்தில் மேற்படிப்பைத் தொடர்ந்தார். 1961- ஆம் ஆண்டு பெல் ஆய்வத்தில் சேர்ந்த பட்டேல் அங்கிருந்தவாறே கார்பன் டையாக்சைடு லேசரைத் தயாரித்தார்.