செபுவானோ விக்கிப்பீடியா
செபுவானோ விக்கிப்பீடியா (Cebuano Wikipedia) என்பது கட்டற்ற கலைக்களஞ்சியமான விக்கிப்பீடியாவின் செபுவானோ மொழி பதிப்பாகும். செபுவானோ: மொழியில் இதை விக்கிப்பீடியா சா சினுக்போனான் என்ற பெயரால் அழைக்கிறார்கள். தெற்கு பிலிப்பீன்சில் இம்மொழி பேசப்படுகிறது, 2017 ஆம் ஆண்டு ஆகத்து மாத நிலவரப்படி இந்த விக்கிப்பீடியாவில் 5 மில்லியனுக்கும் அதிகமான கட்டுரைகள் இடம்பெற்றிருந்தன.[1] அவற்றில் 99 சதவீதத்திற்கும் அதிகமானவை தானியங்கிப் பயனர்களால் உருவாக்கப்பட்டவையாகும்.
தற்போது 5,463,648 கட்டுரைகள் செபுவானோ விக்கிப்பீடியாவில் உள்ளன. இவற்றில் பெரும்பாலானவை தானியங்கிப் பயனர் எல்எசுயேபாட் (Lsjbot) என்ற மென்பொருள் நிரலால் உருவாக்கப்பட்டவையாகும். செபுவானோ விக்கிப்பீடியாவில் மொத்தமாக 167 தீவிர விக்கிப்பீடியா செயல்பாட்டு பயனர்கள் மட்டுமே உள்ளனர்.
செபுவானோ மொழி
தொகுசுமார் 20 மில்லியன் மக்களால் பேசப்படும் மொழியாகவும், பிலிப்பீன்சு நாட்டில் அதிகம் பேசப்படும் இரண்டாவது மொழியாகவும் செபுவானோ மொழி உள்ளது. செபுவானோ மொழி விக்கிப்பீடியாவே இந்த மொழியில் உள்ள ஒரே கலைக்களஞ்சியமுமாகும்.[2]
விக்கிப்பீடியா கட்டுரைகளின் எண்ணிக்கை அடிப்படையில் செபுவானோ விக்கிப்பீடியா ஒரு மிகப்பெரிய பிலிப்பீன்சு மொழி விக்கிப்பீடியாவாகும். பிலிப்பீன்சு நாட்டில் இயங்கும் வாரே விக்கிப்பீடியா மற்றும் தகலாகு விக்கிபீடியாக்களை விட அதிக எண்ணிக்கையிலான கட்டுரைகளைக் கொண்டு செபுவானோ விக்கிப்பீடியா முன்னணியில் உள்ளது.
வளர்ச்சிப் பாதை
தொகுசெபுவானோ மொழி விக்கிப்பீடியா 2005 ஆம் ஆண்டு சூன் மாதத்தில் தொடங்கப்பட்டது.[3] 2006 ஆம் ஆண்டு சனவரி மாதத்தில் இவ்விக்கிப்பீடியாவில் 1000 கட்டுரைகள் உருவாக்கப்பட்டன.[4] இதே ஆண்டு நவம்பர் மாதத்தில் இவ்வெண்ணிக்கை 1400 கட்டுரைகளாக உயர்ந்தது. 2007 ஆம் ஆண்டின் இறுதியில் தானியங்கி மென்பொருள் பயனர்கள் மூலமாக பிரான்சின் நகராட்சிகள் குறித்து சுமார் பத்தாயிரம் கட்டுரைகள் உருவாக்கப்பட்டன.[5]
2012 ஆம் ஆண்டின் இறுதியில், கட்டுரைகளின் எண்ணிக்கை சுமார் 30,000 என அதிகரித்தது. டிசம்பர் 2012 மாதத்தில் எல்எசுயே தானியங்கி கட்டுரைகளை உருவாக்கத் தொடங்கியது. இதன் விளைவாக, கட்டுரைகளின் எண்ணிக்கை 2013 ஆம் ஆண்டில் வியத்தகு அளவில் அதிகரித்தன.
2013 ஆம் ஆண்டு பிப்ரவரி முதல் டிசம்பர் மாதம் வரை மட்டுமே கட்டுரைகளின் எண்ணிக்கை ஒன்பது மடங்கு அளவுக்கு அதிகரித்தது.[6][7] 2015 ஆம் ஆண்டின் இறுதியில் 1.4 மில்லியன் கட்டுரைகள் உருவாக்கப்பட்டன. இவற்றில் 99 சதவிகிதக் கட்டுரைகள் தானியங்கிகளால் உருவாக்கப்பட்டவையாகும். இவற்றில் சுமார் 25,000 கட்டுரைகள் உள்ளூர் அமைவிடங்கள் பற்றியும் மீதமுள்ள பிற கட்டுரைகள் உயிரினங்களைப் பற்றிய கட்டுரைகளாகவும் இருந்தன.
2014 ஆம் ஆண்டு சூலை மாதத்தில் செபுவானோ மொழி விக்கிப்பீடியா உலகின் பன்னிரண்டாவது பெரிய விக்கிப்பீடியாவாக உருவாகியது. 2016 ஆம் ஆண்டு பிப்ரவரி மாதத்தில் எசுப்பானியம், இத்தாலியன், உருசியம், பிரஞ்சு, டச்சு மற்றும் செருமன் மொழி விக்கிப்பீடியாக்களை முந்திக்கொண்டு செபுவானோ மொழியில் இரண்டு மில்லியன் கட்டுரைகள் ஒன்றரை ஆண்டுகளுக்குள் உருவாக்கப்பட்டன.
அடுத்த சுமார் அரை ஆண்டுகளில், மூன்றாவது மில்லியனையும் மற்றொரு அரை ஆண்டுகள் கழித்து, நான்காவது மில்லியனையும் 2017 ஆகத்து மாதத்தில் ஐந்தாவது மில்லியன் கட்டுரையையும் செபுவானோ விக்கிப்பீடியா கடந்து வளர்ச்சியடைந்தது.
-
![[6]](//upload.wikimedia.org/wikipedia/commons/thumb/0/08/WikiStats_PlotTotalArticlesCEBWikipedia.png/280px-WikiStats_PlotTotalArticlesCEBWikipedia.png)
-
![பயனர் குழுக்களின் புதிய கட்டுரைகள் வளர்ச்சி, தானியங்கிப் பயனர்கள் நீல நிறத்தில் காட்டப்பட்டுள்ளன.[6]](//upload.wikimedia.org/wikipedia/commons/thumb/9/9e/WikiStats_PlotNewArticlesCEBWikipedia.png/280px-WikiStats_PlotNewArticlesCEBWikipedia.png)
பயனர் குழுக்களின் புதிய கட்டுரைகள் வளர்ச்சி, தானியங்கிப் பயனர்கள் நீல நிறத்தில் காட்டப்பட்டுள்ளன.[6] -
எல்எசுயே தானியங்கிப் பயனர் உருவாக்கிய ஒரு கட்டுரை.
![[6]](/wiki/%E0%AE%AA%E0%AE%9F%E0%AE%BF%E0%AE%AE%E0%AE%AE%E0%AF%8D:WikiStats_PlotTotalArticlesCEBWikipedia.png)
![பயனர் குழுக்களின் புதிய கட்டுரைகள் வளர்ச்சி, தானியங்கிப் பயனர்கள் நீல நிறத்தில் காட்டப்பட்டுள்ளன.[6]](/wiki/%E0%AE%AA%E0%AE%9F%E0%AE%BF%E0%AE%AE%E0%AE%AE%E0%AF%8D:WikiStats_PlotNewArticlesCEBWikipedia.png)
95.8% (1,160,787) வாழும் உயிரினங்கள்/வகைப்பாடு;
3.3% (39,420) நகரங்கள் மற்றும் மக்கள்.
| நாள் | கட்டுரைகள் எண்ணிக்கை |
|---|---|
| 9 சூலை 2005 | 19 articles[8] |
| 30 ஆகத்து 2005 | 232 arcticles[9] |
| 1 சனவரி 2006 | 1,000 கட்டுரைகள்[4] |
| 1 நவம்பர் 2006 | 1,400 கட்டுரைகள்[10] |
| 1 சனவரி 2007 | 13,521 கட்டுரைகள்[11] |
| 7 பிப்ரவரி 2007 | 26,511 கட்டுரைகள்[12] |
| 2 பிப்ரவரி 2013 | 100,000 கட்டுரைகள் |
| 9 பிப்ரவரி 2013 | 150,000 கட்டுரைகள் |
| 17 மார்ச்சு 2013 | 300,000 கட்டுரைகள் |
| 26 சூன் 2013 | 400,000 கட்டுரைகள் |
| 18 சூலை 2013 | 500,000 கட்டுரைகள் |
| 7 ஆகத்து 2013 | 600,000 கட்டுரைகள் |
| 16 சூலை 2014 | 1,000,000 கட்டுரைகள் |
| 6 டிசம்பர் 2015 | 1,500,000 கட்டுரைகள்[1][13] |
| 14 பிப்ரவரி 2016 | 2,000,000 கட்டுரைகள் |
| 25 செப்டம்பர் 2016 | 3,000,000 கட்டுரைகள் |
| 11 பிப்ரவரி 2017 | 4,000,000 கட்டுரைகள் |
| 8 ஆகத்து 2017 | 5,000,000 கட்டுரைகள் |
2015 ஆம் ஆண்டு சூலை மாதத்தில் செபுவானோ விக்கிப்பீடியாவில் எழுதப்பட்டிருந்த 1.21 மில்லியன் கட்டுரைகளில் 95.8% கட்டுரைகள் உயிரினங்கள் தொடர்பானவையாகும் (1,160,787) எஞ்சிய 3.3% கட்டுரைகள் நகரங்கள் மற்றும் மக்கள் தொடர்பானவையாகவும் (39,420) அமைந்திருந்தன.[14]
மேற்கோள்கள்
தொகு- ↑ 1.0 1.1 "List of Wikipedias by speakers per article – Meta". Meta.wikimedia.org. பார்க்கப்பட்ட நாள் 2015-12-10.
- ↑ "Tell us about Cebuano Wikipedia – Meta". meta.wikimedia.org. பார்க்கப்பட்ட நாள் 2013-08-14.
- ↑ "Requests for new languages/Wikipedia Cebuano". meta.wikimedia.org. பார்க்கப்பட்ட நாள் 2016-01-16.
- ↑ 4.0 4.1 Meta: List of Wikipedias, 1 January 2006
- ↑ "Wikipedia Statistics – Bot article creations only". 2015-11-30. பார்க்கப்பட்ட நாள் 2016-01-16.
- ↑ 6.0 6.1 6.2 "Wikimedia project at a glance: Cebuano Wikipedia". stats.wikimedia.org. November 2015. பார்க்கப்பட்ட நாள் 2016-01-15.
- ↑ Meet the Stats Master Making Sense of Wikipedia’s Massive Data Trove Ashik Siddique, wired.com, 27 December 2013
- ↑ Meta: List of Wikipedias, 9 July 2005
- ↑ Meta: List of Wikipedias, 30 August 2005
- ↑ Meta: List of Wikipedias, 1 November 2006
- ↑ Meta: List of Wikipedias, 1 January 2007
- ↑ Meta: List of Wikipedias, 7 February 2007
- ↑ "Wikimedia News – Meta". பார்க்கப்பட்ட நாள் 2016-01-16.
- ↑ "Cebuano Wikipedia, Wikidata:Statistics/Wikipedia". Wikidata. 2015-07-17. பார்க்கப்பட்ட நாள் 2016-01-16.
வெளியிணைப்புகள்
தொகு