டெக்கனி திரைப்படத்துறை

டெக்கனி திரைப்படத்துறை (Deccani film industry) என்பது இந்தியாவில் தெலுங்கானா மாநிலத்தில் ஐதராபாத்தை தளமாகக் கொண்ட டெக்கனி மொழி/ஹைதராபாத் உருது மொழிகளை சார்ந்த திரைப்படத்துறை ஆகும். இந்த மொழித் திரைப்படங்கள் இந்தியாவின் டெக்கான் பகுதியில் மட்டுமல்ல உலகின் பிற இந்தி - உருது பேசும் பகுதிகளிலும் பிரபலமடைந்துள்ளன.

இது தென்னிந்தியாவில் பேசப்படும் இந்தோ-ஆரிய திராவிட இந்துசுத்தானி மொழியான டெக்கனி மொழியிலும் மற்றும் குறிப்பாக ஐதராபாத் உருது மொழியிலும் தயாரிக்கப்படுகின்றன. சில திரைப்படங்கள் தரமான உருது மொழி இசையை இணைத்து தயாரிக்கப்படுகின்றது. ஆரம்பகாலத்தில் திரைப்பட சான்றிதழ் வாரியத்தால் "இந்தி" திரைப்படங்கள் என்றே பெயரிடப்பட்டது. ஆனால் பலரின் முயற்சியால் இந்த துறை டெக்கனி திரைப்படத்துறை என்ற சொந்த மொழி குறிச்சொல்லைப் பெற்றுள்ளது.