தட்டலங்காய் புட்டலங்காய்
தட்டலங்காய் புட்டலங்காய் என்பது ஒரு விளையாட்டு. தாய்மார் குழந்தைகளோடு பேசியும், பாடியும் வேடிக்கை காட்டும் விளையாட்டு.
குழந்தைகள் பலரைத் தாய் தன் முன்பக்கம் உட்கார வைப்பார். பாட்டுப் பாடும்போது ஒவ்வொருவராகத் தொட்டுக்கொண்டே வருவார்.
- தட்டலங்காய் புட்டலங்காய்
- தாடிக்கொம்பு மாதுளங்காய்
- தேங்காய் உடைச்சு உடைச்சு
- தேரு மேலே வச்சு வச்சு
- மாங்காய் உடைச்சு உடைச்சு
- மாடி மேலே வச்சு வச்சு
- எந்தக் காக்கா சாயுமோ
- இந்தக் காக்கா
இந்தக் காக்கா எனத் தொடும் குழந்தை படுத்துக்கொள்ளும். இப்படி எல்லாக் குழந்தையும் படுத்துக்கொண்ட பின்னர் எல்லாக் குழந்தைகளையும் தூங்கவைத்து விட்டதாக வைத்துக்கொண்டு தாய் நெல் குற்றுவது போல நடிப்பார். குந்தைகள் படுத்துக்கொண்டே பார்த்து மகிழும்.
குற்றும்போது பாடும் பாடல்
- சின்ன உலக்கை குத்து குத்து
- பெரிய உலக்கை குத்து
- சீமாட்டி வச்ச உலக்கை
- சிக்கு, சிக்கு, சிக்கு (குத்தும் ஓசை)
இத்துடன் ஆட்டம் முடிந்து மறு ஆட்டம் தொடங்கும்.
மேலும் பார்க்க
தொகுகருவிநூல்
தொகு- இரா.பாலசுப்பிரமணியம், தமிழர் நாட்டு விளையாட்டுகள், உலகத் தமிழாராய்ச்சி நிறுவனம் வெளியீடு, 1980