தண்டு

‘தண்டு' என்பது தாவரத்தின் மிக முக்கியமான பகுதியாகும். தண்டானது அதன் இணையுறுப்புக்களான தளிர் தண்டுகள், இலைகள், பக்கவாட்டு தண்டுகள், பூக்கும் தண்டுகள், மொட்டுகள் ஆகியவை உள்ளன. விதை முளைப்பிலிருந்து வரும் முதல் வளர்ச்சியாக வருவது தண்டு, அதிலிருந்து இலைகள் வளருகின்றன. வசந்த காலத்தில், உதிராத இலை தளிர்கள், அவை தரையிலிருந்து மேல்நோக்கி வளரும். தண்டுகளில் புதிய கிளைகள் தோன்றி மலர்கள் மலருகின்றன. அன்றாட பேச்சு வழக்கில் தண்டுகள் பெரும்பாலும் கிளைகளாகக் கருதப்படுகின்றன. கிளைகள் தண்டுகளின் முக்கிய பகுதிகளாகும். தண்டுகள் - கிளைகள், இலைகள், மொட்டுகள், மலர்கள் மற்றும் பழங்கள் வளருவதற்கு மையமாக அமைகின்றது. இளம் தண்டுகள் பெரும்பாலும் விலங்குகளால் சாப்பிடப்படுகின்றன. ஏனெனில் புதிதாய்த் தோன்றிய தண்டுகளில் உள்ள நார்கள், இடைநிலை செல்சுவர் முற்றும் முழுமையாக வளர்ச்சியடையாததால், இளம் தண்டுகள், மென்மையாக இருப்பதால் விலங்குகளால் எளிதாக மெல்லவும், ஜீரணிக்கவும் முடிகிறது. தண்டுகள் வளர்ச்சி அடையும் போது, இரண்டாம் செல் சுவர்களின் வளர்ச்சியால் கடினமான அமைப்பாக மாறுகிறது. சில தாவரங்கள் நச்சுப் பொருட்களைச் சுறந்து தண்டுகளைச் சாப்பிடக்கூடாத சுவை குறைவுள்ளதாக மாற்றுகிறது.

மர வகைத் தாவரங்களின் தண்டு அமைப்புகள்

பல மர வகைத் தாவரங்கள் தனித்தன்மை வாய்ந்த குறுகிய மற்றும் நீண்ட தண்டுகளை உடையதாய் உள்ளது. அஞ்சியோஸ்பம் (Angiosperms) தாவரங்களில் உள்ள குறுகிய தண்டுகளாகிய தூண்டு தளிர்கள் அல்லது பழத் தூண்டு தளிர்கள் பெரும்பாலான பூக்கள் மற்றும் பழங்களை உற்பத்தி செய்கின்றன. இதே போன்று கூம்பு மற்றும் ஜிங்கோ தாவரங்களிலும் காணப்படுகிறது. இருப்பினும் பைசியா போன்ற மரபணுக்களின் குறுகிய தண்டுகள் மிகவும் சிறியதாக இருப்பதால் இலை பகுதி என தவறாக கருதப்படுகிறது. இது பருவகால நிகழ்வுடன் தொடர்புடைய ஹீரோஃபில்லி (Heterophylly) ஆகும். இது வசந்த காலத்தின் வளர்ச்சிக்கும் மற்றும் பிற்போக்கு வளர்ச்சியிலிருந்து வேறுபட்ட இலைகள் உள்ளடக்கியது. வசந்த காலத்தில் இவை முந்தைய பருவத்தில் உருவான மொட்டிலிருந்து வளர்ந்து நீண்ட தண்டுகள் மற்றும் பூக்களாக வளர்ச்சி பெறுகிறது.

மேற்கோள்

1. Esau, K. (1953). Plant Anatomy. New York: John Wiley & Sons Inc. p. 411.
2. Cutter, E.G. (1971). Plant Anatomy, experiment and interpretation, Part 2 Organs. London: Edward Arnold. p. 117. ISBN 0713123028.
3. Gifford, E.M.; Foster, A.S. (1989), Morphology and evolution of vascular plants, New York: W. H. Freeman and Company
4. Eckenwalder, J.E. (1980), "Foliar Heteromorphism in Populus (Salicaceae), a Source of Confusion in the Taxonomy of Tertiary Leaf Remains", Systematic

Botany, 5 (4): 366–383, JSTOR 2418518, doi:10.2307/2418518