நாகப்பட்டினம் அகத்தீசுவரசுவாமி கோயில்

நாகப்பட்டினம் அகத்தீசுவரசுவாமி கோயில் நாகப்பட்டினம் மாவட்டத்தில் உள்ள சிவன் கோயிலாகும்.

அமைவிடம்

இக்கோயில் நாகப்பட்டினம் நகரில் வெளிப்பாளையம் பகுதியில் அமைந்துள்ளது.

இறைவன், இறைவி

அகத்தியர் வழிபட்ட இக்கோயிலில் அவர் உருவாக்கிய குளத்தின் முன்பாக அகத்தியர் சன்னதி உள்ளது. அகத்தியர் வழிபட்டதற்குச் சான்றாக இச்சன்னதி அமைந்துள்ளதாகக் கூறுவர். இங்குள்ள இறைவி ஆனந்தவல்லி ஆவார். அகத்தியரால் ஆணையிடப்பட்ட குபேரன் இக்கோயிலில் வந்து வழிபட்டதாகக் கூறுவர்.

அமைப்பு

மூன்று நிலை ராஜகோபுரத்தையும், திருச்சுற்றையும் கொண்டு இக்கோயில் அமைந்துள்ளது. கிழக்கு நோக்கி அமைந்துள்ள இக்கோயிலில் ஜுரகேஸ்வர, செல்வகணபதி உள்ளிட்ட சன்னதிகள் காணப்படுகின்றன.