பட்டுக்குடி பசுபதீசுவரர் கோயில்

பட்டுக்குடி பசுபதீசுவரர் கோயில் தஞ்சாவூர் மாவட்டம் பாபநாசம் வட்டம் கோவிந்தநாட்டுச்சேரி ஊராட்சியில் உள்ள பட்டுக்குடியில் அமைந்துள்ள சிவன் கோயிலாகும்.

அமைவிடம்

காவிரியின் வட கரையிலும், கொள்ளிடத்தின் தென்கரையிலும் உள்ளது. வடகுரங்காடுதுறை கோயிலுக்கு வடக்கேயும், கணபதி அக்ரகாரம் கணபதி கோயிலுக்குக் கிழக்கேயும் அமைந்துள்ளது.

மூலவர்

இக்கோயிலின் மூலவர் பசுபதீசுவரர் ஆவார். இறைவி மங்களாம்பிகை. இங்கு நடைபெறுகின்ற சத்ரு சம்கார பூசை மிகவும் சிறப்பு பெற்றதாகும்.

முருகன் கோயில்

சிவன் கோயிலாக இருந்தாலும் முருகன் கோயில் என்றே உள்ளூரில் அழைக்கின்றனர். முருகன் இங்கு வள்ளிதேவசேனையுடன் உள்ளார்.

குடமுழுக்கு

இக்கோயிலின் குடமுழுக்கு ஆவணி மாதம் 7ஆம் நாள் 23 ஆகத்து 2018 அன்று நடைபெற்றது.