பரிவட்டம் (சைவம்)

பரிவட்டம் என்பது காவி ஆடை. இப்பெயரில் திரைப்படம் ஒன்றும் உள்ளது. மீனாட்சி சுந்தரம் பிள்ளை குமரகுருபரர்மீது குமரகுருபரர் சரித்திரம் ஒன்று பாடியுள்ளார். அதில் செந்தூர் முருகன் குமரகுருபரர்க்கு அருள் வழங்கியதாகக் குறிப்பிட்டுள்ளார். சீவைகுண்டத்தில் வாழ்ந்த பாண்டி வேளாளர் மரபில் வந்தவர் குமரகுருபரர். ஊமையாய் இருந்த இவரை இந்த முருகன் பேசவைத்தார் என்றும், "சடைவேடம் தாங்கிப் பக்குவர்க்கு உபதேசம் செய்" என்று கூறினார் என்றும் மீனாட்சி சுந்தரம் பிள்ளை குறிப்பிட்டுள்ளார். அதன் பின்னர் குமரகுருபரர் சடை தாங்கி ஆறு கட்டி சுந்தர வேடம் பூண்டு விளங்கினார். இதற்கு விளக்கம் தரும் வகையில் தரப்பட்டுள்ள அடிக்குறிப்பாகச் சில செய்திகள் உள்ளன.

சடை யாரும் வளர்க்கலாம். ஆறு கட்டி சுந்தர வேடம் ஆசிரியர்-முருகன் அளிக்கவில்லை. இவர் தானாக எடுத்து அணிந்துகொள்ளவும் இல்லை. ஆறு கட்டி சுந்தர வேடம் என்பது பரிவட்டம். இது காவி ஆடை. இது தாமே அணிந்துகொள்வது அன்று. தக்க துறவி ஒருவர் தர அணிந்துகொள்வது.