பறி

பறி என்பது தமிழ் மீனவர்கள் தாங்கள் பிடித்த மீன்களை இடுகின்ற ஒரு பெட்டி ஆகும். இது பனை ஓலையில் செய்யப்பட்டதாக குடுவை போன்ற அமைப்பில் இருக்கும். இதைப் பார்ப்பதற்குச் சுரைக் குடுவை போலவே இருக்கும். குருத்தோலைகளைக் கொண்டு இவற்றைப் பின்னுவதால், நெகிழும்தன்மை கொண்டதாக இருக்கிறது. இதற்கு கையளவுள்ள சிறிய வாய் அமைத்திருக்கும். உயிருடன் பிடிக்கப்படும் மீன்கள், துள்ளி வெளியே சென்றுவிடாதபடி இருக்க ஒரு அமைப்பைக் கொண்டதாகவும் இது உள்ளது.