மங்கம்மாள் சத்திரம், நரிக்குடி

மங்கம்மாள் சத்திரம் என்பது தமிழ்நாட்டில் விருதுநகர் மாவட்டம் நரிக்குடியில் உள்ள ஒரு சத்திரம் ஆகும்.

அமைவிடம்

இச்சத்திரம் நரிக்குடி அருகில் மறையூரில் அமைந்துள்ளது. .

அமைப்பு

இச்சத்திரம் இராணி மங்கம்மாள் ஆட்சியில் கட்டப்பட்டதாகும். அவரும், பிறரும் ஓய்வெடுப்பதற்காகக் கட்டப்பட்டது. இராணி மங்கம்மாளால் ஏற்படுத்தப்பட்டதாகவும், அவரது நினைவாக ஏற்படுத்தப்பட்டதாகவும் கூறப்படுகிறது. இது அழகிய வேலைப்பாடுகளுடன் பல தூண்களைக் கொண்டுள்ளது. சித்திர வேலைப்பாடுகளும் இதில் உள்ளன. இந்தச் சத்திரத்தில் மிகவும் வேலைப்பாடு நிறைந்த கற்தூண்களில் அழகான சிற்பங்கள் பொறிக்கப்பட்டுள்ளன. அழகிய முற்றத்துடன் நடு மண்டபம், 52க்கும் மேற்பட்ட கற்தூண்கள், இரு புறங்களிலும் வாசல்கள் போன்றவை இதன் சிறப்பு அம்சங்களாகும். .

தற்போதைய நிலை

50 ஆண்டுகளுக்கு முன் மாணவர் பயிலும் பள்ளியாகச் செயல்பட்டு வந்தது. காலப்போக்கில் புனரமைக்காததால் இச்சத்திரம் தற்சமயம் பாழடைந்த நிலையில் உள்ளது. இச்சத்திரத்தையும், காரியாபட்டி உள்ளிட்ட இடங்களில் உள்ள சத்திரங்களையும் பாதுகாத்துப் பராமரிக்க வேண்டுகோள் வைக்கப்பட்டுள்ளது.

இவற்றையும் காண்க

• மங்கம்மாள் சத்திரம், மதுரை
• முக்தாம்பாள் சத்திரம், ஒரத்தநாடு
• மோனிகர் சத்திரம், சென்னை