முதுகுடி மன்னர்கள்

முதுகுடி மன்னர்கள் சங்ககாலத்தில் முதுகுடிநாடு என்னும் பகுதியை ஆண்ட மன்னர்கள் ஆவர். பாண்டியன் நாட்டில் இருந்த நூறு உட்பிரிவுகளில் 'முதுகுடிநாடு' என்பதும் ஒன்று. தற்போதைய எட்டயபுரம் சுற்றுவட்டார பகுதி முதுகுடி நாடு என்று அழைக்கப்பட்டது. சங்ககாலத்தில் முதுகுடி என்றும் பாண்டியர் ஆட்சி காலத்தில் முன்குடி, முதுகுடி என்றும் நாயக்கர் ஆட்சிக் காலத்தில் எட்டயபுரம் என்றும், இளசை எனவும் மாறி உள்ளது. இந்த குழு நிலப்பகுதியின் தலைநகரமாக இளம்பூவனம் என்ற ஊர் இருந்துள்ளது.இது இன்றும் எட்டயபுரம் -கோயில்பட்டி சாலையில் ஒரு சிற்றூராக உள்ளது.

சங்கஇலக்கியத்தில் இந்தப் பகுதியை ஆண்ட மன்னர்கள் 'முதுகுடி மன்னர்கள்' என்றும் 'முதுகுடி மறவர்கள்' என்றும் புகழப்படுகின்றனர். மறவர் இனக் குழுவினரான அகதா என்னும் பிரிவினர் இப்பகுதியை ஆண்ட தற்கான வரலாற்றுச் சாசனங்கள் உள்ளன.